ವಾಷಿಂಗ್ಟನ್: ಏರ್ ಶೋನಲ್ಲಿ ವಿಮಾನಗಳು ಡಿಕ್ಕಿಯಾಗಿ ಎರಡರ ಪೈಲಟ್ಗಳೂ ಸಾವಿಗೀಡಾದ ದುರಂತವೊಂದು ಸಂಭವಿಸಿದೆ. ಯುಎಸ್ನ ನೆವಡ ಪ್ರದೇಶದ ರೆನೊದಲ್ಲಿ ನಡೆದ ನ್ಯಾಷನಲ್ ಚಾಂಪಿಯನ್ಷಿಪ್ ಏರ್ ರೇಸಸ್ ಆ್ಯಂಡ್ ಏರ್ ಶೋನಲ್ಲಿ ಈ ದುರ್ಘಟನೆ ಸಂಭವಿಸಿದೆ.
ಭಾನುವಾರ ನಡೆದ ಟಿ-6 ಗೋಲ್ಡ್ ರೇಸ್ನ ಅಂತಿಮ ಹಂತದಲ್ಲಿ ಲ್ಯಾಂಡ್ ಆಗುವ ಸಮಯದಲ್ಲಿ ಸುಮಾರು 2.15ರ ಹೊತ್ತಿಗೆ ಎರಡು ವಿಮಾನಗಳು ಪರಸ್ಪರ ಡಿಕ್ಕಿಯಾಗಿವೆ. ಈ ಅವಘಡದಲ್ಲಿ ಇಬ್ಬರೂ ಪೈಲಟ್ಗಳು ಸಾವಿಗೀಡಾದರು. ನಿಕ್ ಮ್ಯಾಸಿ, ಕ್ರಿಶ್ ರಷಿಂಗ್ ಸಾವಿಗೀಡಾದ ಪೈಲಟ್ಗಳು.
ಇದನ್ನೂ ಓದಿ: ಅಭಿಮಾನಿಗಳ ಹೃದಯ ಸಿಂಹಾಸನದಲ್ಲಿ ಯಜಮಾನ!; ವಿಷ್ಣುವರ್ಧನ್ ಹುಟ್ಟುಹಬ್ಬಕ್ಕೆ ಸಿನಿಮಾಗಳಲ್ಲಿರುವ ಸಂದೇಶಗಳು..
ಈ ಅವಘಡದಲ್ಲಿ ನಾರ್ತ್ ಅಮೆರಿಕನ್ ಟಿ-6ಜಿ ಮತ್ತು ಎಟಿ-6ಬಿ ವಿಮಾನಗಳು ಪರಸ್ಪರ ಡಿಕ್ಕಿಯಾಗಿ ಎರಡೂ ಸುಮಾರು ಒಂದು ಮೈಲಿ ದೂರ ಎಗರಿ ಬಿದ್ದಿವೆ. ಅವಘಡಕ್ಕೆ ಕಾರಣವಾದ ಅಂಶಗಳ ಕುರಿತು ತನಿಖೆ ನಡೆಸಲಾಗುವುದು ಎಂದು ನ್ಯಾಷನಲ್ ಟ್ರಾನ್ಸ್ಪೋರ್ಟೇಷನ್ ಸೇಫ್ಟಿ ಬೋರ್ಡ್ ತಿಳಿಸಿದೆ.