ದಕ್ಷಿಣ ಇಟಲಿಯ ಪ್ರಾಚೀನ ನಗರವಾದ ಪೊಂಪೈಯಿಂದ ಕೆಲವು ಕಲಾಕೃತಿಗಳನ್ನು ಕದ್ದುಕೊಂಡುಹೋಗಿದ್ದ ಮಹಿಳೆಯೋರ್ವರು ಬರೋಬ್ಬರಿ 15ವರ್ಷಗಳ ನಂತರ ಅದನ್ನು ಹಿಂತಿರುಗಿಸಿದ್ದಾರೆ.
ಆ ಕಲಾಕೃತಿ ತುಣುಕಗಳನ್ನು ಕದ್ದು ಹೋದಾಗಿನಿಂದ ನಾವು ಶಾಪಕ್ಕೆ ಒಳಗಾದಂತೆ ಕಷ್ಟ ಅನುಭವಿಸಿದ್ದೇವೆ ಎಂದು ಹೇಳಿಕೊಂಡಿದ್ದಾರೆ.
ತನ್ನನ್ನು ತಾನು ಕೆನಡಾದವಳು, ನನ್ನ ಹೆಸರು ನಿಕೋಲ್ ಎಂದು ಗುರುತಿಸಿಕೊಂಡಿರುವ ಮಹಿಳೆ, 15 ವರ್ಷಗಳ ಹಿಂದೆ ಕದ್ದ ಮಾಲನ್ನು, ಒಂದು ಪತ್ರದೊಂದಿಗೆ ಪಾರ್ಸೆಲ್ ಮಾಡಿದ್ದಾಳೆ. ಅಂಫೋರಾದ ಒಂದು ಭಾಗವಾಗಿದ್ದ ಮೊಸಾಯಿಟ್ ಟೈಲ್ಸ್ಗಳನ್ನು, ಕೆಲವು ಪಿಂಗಾಣಿ ತುಂಡುಗಳನ್ನು ಸೇರಿ ಕೆಲವು ಕಲಾಕೃತಿಗಳನ್ನು ಕದ್ದೊಯ್ದಿದ್ದಳು. ಇದೀಗ ಅದನ್ನೆಲ್ಲವನ್ನೂ ಒಂದು ಚೀಲದಲ್ಲಿ ಕಟ್ಟಿ, ಅದರೊಂದಿಗೆ ತಪ್ಪೊಪ್ಪಿಗೆ ಪತ್ರವನ್ನಿಟ್ಟು ಪಾರ್ಸೆಲ್ ಮಾಡಿದ್ದಾರೆ.
2005ರಲ್ಲಿ ಪೊಂಪೈನ ಪುರಾತತ್ವ ಉದ್ಯಾನವನಕ್ಕೆ ನಿಕೋಲ್ ಭೇಟಿ ನೀಡಿದ್ದರು. ಅಂದು ಕೆಲವು ವಸ್ತುಗಳು ಆಕೆಯನ್ನು ಆಕರ್ಷಿಸಿದ್ದರಿಂದ ಅದನ್ನೆಲ್ಲ ಎತ್ತಿಕೊಂಡು ಹೋಗಿದ್ದಳು. ಅದಾದ ಬಳಿಕ ನಂತರದ ವರ್ಷಗಳಲ್ಲಿ ಪಡಬಾರದ ಕಷ್ಟವನ್ನೆಲ್ಲ ಪಟ್ಟೆ. ಈ ಕಳ್ಳತನದಿಂದಲೇ ನನಗೆ ಹಾಗಾಗಿಯಿತು. ಹಾಗಾಗಿ ಕದ್ದ ವಸ್ತುವನ್ನೆಲ್ಲ ಅಲ್ಲಿಗೇ ವಾಪಸ್ ಕಳಿಸಲು ನಿರ್ಧರಿಸಿದೆ ಎಂದು ನಿಕೋಲ್ ಹೇಳಿಕೊಂಡಿದ್ದಾಳೆ. ಇದನ್ನೂ ಓದಿ: ಪ್ರಧಾನಿ ಮೋದಿ ಧರಿಸುವ ಮಾಸ್ಕ್ ದಾವಣಗೆರೆಯಲ್ಲಿ ತಯಾರಾದದ್ದು!
ಇವನ್ನೆಲ್ಲ ವಾಪಸ್ ತೆಗೆದುಕೊಂಡು ಬಿಡಿ..ನನ್ನ ಪಾಲಿಗೆ ದುರದೃಷ್ಟವನ್ನೇ ತಂದಿವೆ ಇವು ಎಂದು ಪತ್ರದಲ್ಲಿ ಆಕೆ ಬರೆದಿದ್ದಾರೆ. ಅದು ನಮ್ಮಮನೆಗೆ ಬಂದಾಗಿನಿಂದ ನೆಗೆಟಿವ್ ಎನರ್ಜಿಗಳು ಹೆಚ್ಚಿವೆ ಎಂದು ಹೇಳಿಕೊಂಡಿದ್ದಾಳೆ.
ಪೊಂಪೈ ಒಂದು ಪ್ರಸಿದ್ಧ ಪ್ರವಾಸಿಗರ ತಾಣವಾಗಿದ್ದು, ಕಳ್ಳತನವೂ ಸಾಮಾನ್ಯವಾಗಿಬಿಟ್ಟಿದೆ. ಅಲ್ಲಿನ ಶಿಲಾಕೃತಿಗಳನ್ನು, ವಸ್ತುಗಳನ್ನು ಹಲವರು ಕದ್ದಿದ್ದಾರೆ. ಅದರಲ್ಲಿ ಈ ಮಹಿಳೆಯೂ ಒಬ್ಬರಾಗಿದ್ದರು. (ಏಜೆನ್ಸೀಸ್)