Household items : ಎಂದಾದರೂ ಮನೆಯನ್ನು ವಿಷಪೂರಿತಗೊಳಿಸುವ ವಸ್ತುಗಳು ಬಗ್ಗೆ ನೀವು ಯೋಚನೆ ಮಾಡಿದ್ದೀರಾ? ಮಾರುಕಟ್ಟೆಯಲ್ಲಿ ಸಿಗುವ ವಿವಿಧ ವಸ್ತುಗಳನ್ನು ಮನೆಗೆ ತರುತ್ತೇವೆ. ಕೆಲವೊಮ್ಮೆ ನಾವು ಅವುಗಳನ್ನು ಬಳಸದೆ ಎಸೆಯುತ್ತೇವೆ. ಇನ್ನು ಕೆಲವು ವಸ್ತುಗಳನ್ನು ವರ್ಷಗಳ ಕಾಲ ಬಳಸುತ್ತೇವೆ. ಅವುಗಳ ಅವಧಿ ಮುಗಿದಿದೆಯೇ ಎಂಬುದನ್ನು ಸಹ ನೋಡುವುದಿಲ್ಲ. ಹೀಗಾಗಿ ಆ ವಸ್ತುಗಳಿಂದ ಮನೆ ವಿಷಮಯವಾಗುತ್ತದೆ.
ಹಾಸಿಗೆಗಳು ದೀರ್ಘಕಾಲ ಉಳಿಯುತ್ತವೆ. ಆದಾಗ್ಯೂ, ತುಂಬಾ ಹಳೆಯ ಹಾಸಿಗೆಗಳನ್ನು ಬದಲಾಯಿಸಿ. ಏಕೆಂದರೆ, ಧೂಳಿನ ಹುಳಗಳು ಹಳೆಯ ಹಾಸಿಗೆಗಳಿಗೆ ಹೋಗಬಹುದು. ಇದು ಬ್ಯಾಕ್ಟೀರಿಯಾದ ಬೆಳವಣಿಗೆಗೆ ಕಾರಣವಾಗಬಹುದು ಮತ್ತು ಮಲಗಲು ಕಷ್ಟವಾಗುತ್ತದೆ. ಬೆನ್ನು ನೋವು ಬರುವ ಸಾಧ್ಯತೆ ಹೆಚ್ಚು.
ಪ್ಲಾಸ್ಟಿಕ್ ಚಾಪಿಂಗ್ ಬೋರ್ಡ್ ಇಂದು ಪ್ರತಿಯೊಂದು ಅಡುಗೆಮನೆಯಲ್ಲಿಯೂ ಕಂಡುಬರುತ್ತದೆ. ಆದರೆ, ಇದು ತುಂಬಾ ಅಪಾಯಕಾರಿ. ಅದರ ಮೇಲೆ ತರಕಾರಿಗಳನ್ನು ಕತ್ತರಿಸಿದಾಗ, ಪ್ಲಾಸ್ಟಿಕ್ ಬೋರ್ಡ್ ಸಹ ಸಣ್ಣ ಪ್ಲಾಸ್ಟಿಕ್ ತುಣುಕುಗಳಾಗಿ ಕತ್ತರಿಸಲ್ಪಡುತ್ತದೆ. ಇದು ದೇಹಕ್ಕೆ ಸಾಕಷ್ಟು ಅಪಾಯವನ್ನು ಉಂಟುಮಾಡುತ್ತದೆ.
ಪುಸ್ತಕಗಳು ಅಥವಾ ಇತರ ವಸ್ತುಗಳಲ್ಲಿ ಬೂಸ್ಟ್ ಕಂಡುಬಂದರೆ, ಅವುಗಳನ್ನು ಬಳಸದಿರುವುದು ಉತ್ತಮ. ಅದರಲ್ಲೂ ಬಹಳ ದಿನಗಳಿಂದ ಬಳಸದೇ ಇರುವ ಅಡುಗೆ ಸಾಮಾನುಗಳು ಬೂಸ್ಟ್ ಕಟ್ಟಿದ್ದರೆ ಅದನ್ನು ಬಿಸಾಡುವುದು ಒಳ್ಳೆಯದು. ಏಕೆಂದರೆ, ರೋಗಾಣುಗಳಿಂದ ಆರೋಗ್ಯ ಸಮಸ್ಯೆ ಉದ್ಭವಿಸುವ ಸಾಧ್ಯತೆ ಹೆಚ್ಚಿದೆ.
ಸಾಧ್ಯವಾದಷ್ಟು ಬೇಗ ನೀರಿನ ಬಾಟಲಿಗಳನ್ನು ಎಸೆಯಿರಿ. ಬದಲಾಗಿ ಸ್ಟೇನ್ ಲೆಸ್ ಸ್ಟೀಲ್ ಬಾಟಲಿಗಳು ಮಾರುಕಟ್ಟೆಯಲ್ಲಿ ಲಭ್ಯವಿದೆ. ಪ್ಲಾಸ್ಟಿಕ್ ನೀರಿನ ಬಾಟಲಿಗಳನ್ನು ಒಮ್ಮೆ ಮಾತ್ರ ಬಳಸಬೇಕು. ಅವುಗಳನ್ನು ಮರುಬಳಕೆ ಮಾಡಬಾರದು.
ನಿಮ್ಮ ಮನೆಯಲ್ಲಿ ನೀವು ಬಳಸದ ಯಾವುದೇ ಪರಿಮಳಯುಕ್ತ ಮೇಣದಬತ್ತಿಗಳನ್ನು ಹೊಂದಿದ್ದರೆ, ತಕ್ಷಣ ಅವುಗಳನ್ನು ಎಸೆಯಿರಿ. ಅವು ವಿಷಕಾರಿ ರಾಸಾಯನಿಕಗಳನ್ನು ಹೊಂದಿರುತ್ತವೆ.
ಹಕ್ಕು ನಿರಾಕರಣೆ: ಲೇಖನದಲ್ಲಿ ಉಲ್ಲೇಖಿಸಲಾದ ಸಲಹೆಗಳು ಸಾಮಾನ್ಯ ಮಾಹಿತಿಗಾಗಿ ಮಾತ್ರ. ನೀವು ಯಾವುದೇ ಪ್ರಶ್ನೆಗಳನ್ನು ಹೊಂದಿದ್ದರೆ ಯಾವಾಗಲೂ ನಿಮ್ಮ ವೈದ್ಯರನ್ನು ಸಂಪರ್ಕಿಸಿ.(ಏಜೆನ್ಸೀಸ್)