Propose Day: ಪ್ರೇಮಿಗಳ ಸಂದರ್ಭ ಹಿನ್ನೆಲೆ ಯವಕನೊಬ್ಬ ಲವರ್ಗೆ ಪ್ರಪೋಸ್ ಮಾಡಲು ಹೋಗಿ, ಯುವತಿಗೆ ಕಪಾಳಮೋಕ್ಷ ಮಾಡಿ ಸಿಹಿ ತಿಂಡಿಗಳನ್ನು ಮೈಮೇಲೆ ಎಸೆದು ಅನುಚಿತವಾಗಿ ವರ್ತಿಸಿದ ಘಟನೆ ಉತ್ತರಪ್ರದೇಶ ಅಮ್ರೋಹಾ ಎನ್ನುವ ಪ್ರದೇಶದಲ್ಲಿ ನಡೆದಿದೆ. ಇದೀಗ ಈ ಘಟನೆಯ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
ಇದನ್ನೂ ಓದಿ:ಫೆ.೧೦ ರಂದು ಗೌರವ, ವಾರ್ಷಿಕ ಪ್ರಶಸ್ತಿ ಪ್ರಧಾನ
ಯುವಕನ ಈ ಕ್ರೂರ ಕೃತ್ಯಕ್ಕೆ ಸೋಷಿಯಲ್ ಮೀಡಿಯಾದಲ್ಲಿ ವ್ಯಾಪಕ ಆಕ್ರೋಶಕ್ಕೆ ವ್ಯಕ್ತವಾಗಿದ್ದು, ಆರೋಪಿ ವಿರುದ್ಧ ಕಠಿಣ ಕ್ರಮಕೈಗೊಳ್ಳಬೇಕು ಎಂದು ಒತ್ತಾಯಿಸುತ್ತಿದ್ದಾರೆ. ಅಲ್ಲದೆ, ಈ ಫೆ.8ರಂದೇ ನಡೆದಿದೆ ಎಂದು ವರದಿ ಉಲ್ಲೇಖಿಸಿವೆ.
ಇಬ್ಬರು ಸ್ನೇಹಿತರು ಇರುವ ವಿಡಿಯೋದಲ್ಲಿ ಒಬ್ಬಾತ ಯುವತಿಗೆ ಪ್ರಪೋಸ್ ಮಾಡಲು ಬಂದಿದ್ದಾನೆ. ಪ್ರಪೋಸ್ ಮಾಡಿದಾಗ ಯುವಕನ ಪ್ರೇಮ ನಿವೇದನೆಯನ್ನು ಯುವತಿ ನಿರಾಕರಿಸುತ್ತಾಳೆ. ಇದರಿಂದ ಕುಪಿತನಾದ ಆರೋಪಿ ಸ್ವೀಟ್ಸ್ ಬಾಕ್ಸ್ ಎಸೆದು, ಯುವತಿಗೆ ಅವಾಚ್ಯ ಪದಗಳಿಂದ ಬೈದು ನಿಂದನೆ ಮಾಡಿದ್ದಲ್ಲದೇ ಆಕೆಯ ತೆಲೆಗೆ ಕೇಕ್ ಹೊಡೆದಿದ್ದಾರೆ. ಇದನ್ನು ಇತನ ಸ್ನೇಹಿತ ವಿಡಿಯೋ ರೆಕಾರ್ಡ್ ಮಾಡಿದ್ದಾನೆ. ಇದೀಗ, ಈ ವಿಡಿಯೋದ ಕ್ಲಿಪ್ ಸಾಮಾಜಿಕ ಜಾಲತಾಣ ವೇದಿಕೆಯಲ್ಲಿ ವೈರಲ್ ಆಗಿದೆ.
ಸೋಷಿಯಲ್ ಮೀಡಿಯಾದಲ್ಲಿ ಆಕ್ರೋಶವ್ಯಕ್ತವಾದ ಬಳಿಕ, ಆರೋಪಿ ವಿರುದ್ಧ ಅಮ್ರೋಹಾದ ಗಜ್ರೌಲಾ ಪೊಲೀಸ್ ಠಾಣೆ ಪ್ರಕರಣ ದಾಖಲಾಗಿದೆ. ದುರದೃಷ್ಟವಶಾತ್ ಇಂತಹ ಘಟನೆಗಳು ಸಮಾಜದಲ್ಲಿ ಮಹಿಳೆಯರಿಗೆ ಸುರಕ್ಷತೆ ಮತ್ತು ಗೌರವದ ಅಗತ್ಯವನ್ನು ಎತ್ತಿ ತೋರಿಸುತ್ತವೆ ಎಂದು ನೆಟಿಜನ್ ಕಳವಳ ವ್ಯಕ್ತಪಡಿಸಿದ್ದಾರೆ.(ಏಜೆನ್ಸೀಸ್)