ಬೆಂಗಳೂರು: ಇತ್ತೀಚಿನ ವಿಜಯವಾಣಿ ಡಿಜಿಟಲ್ ಸಂದರ್ಶನವೊಂದರಲ್ಲಿ ಬೆಳ್ಳುಳ್ಳಿ ಕಬಾಬ್ ಚಂದ್ರು 'ಕರಿಮಣಿ ಮಾಲೀಕ ರಾಹುಲ್ಲಾ' ಹಾಡು ಟ್ರೆಂಡ್ ಆದ ಬಳಿಕ ನಡೆದ ಕೆಲವು ವಿಚಾರಗಳನ್ನು ಹಂಚಿಕೊಂಡಿದ್ದು, "ವಿಕಿಪೀಡಿಯ ಖ್ಯಾತಿಯ ವಿಕಾಸ್ ತಮ್ಮ ಬಳಗದೊಂದಿಗೆ ನಮ್ಮ ಹೋಟೆಲ್ಗೆ ಬಂದು ಸಾಂಗ್ ಶೂಟಿಂಗ್ ಮಾಡಿದರು. ಅರ್ಧ ಗಂಟೆಗೆ ಶೂಟ್ ಮಾಡಿ, ಹಾಡು ಬಿಟ್ಟರು, ಕೋಟ್ಯಂತರ ಜನ ನೋಡಿದ್ರು, ಒಳ್ಳೆ ಕಾಸು ಆಯಿತು, ಒಂದು ಥ್ಯಾಂಕ್ಸ್ ಇಲ್ಲ, ಹಾಯ್ ಇಲ್ಲ, ಬಾಯ್ ಇಲ್ಲ ಇಷ್ಟೇ" ಎಂದು ಬೇಸರ ವ್ಯಕ್ತಪಡಿಸಿದ್ದರು. ಆದರೆ ಇದೀಗ.....
ನನ್ನ ಕಾಲಿಗೆ ಆಪರೇಷನ್ ಆಗಿತ್ತು. ಆಗ ಯಾರು ನನ್ನನ್ನು ನೋಡಲು ಬರಲಿಲ್ಲ. ವಿಡಿಯೋ ಮಾಡಿದ್ರು, ಹೋದ್ರು, ಥ್ಯಾಂಕ್ಯೂ ಇಲ್ಲ, ಬಾಯ್ ಇಲ್ಲ ಎಂದು ವಿಕಿಪೀಡಿಯ ಕುರಿತು ಚಂದ್ರು ಅಸಮಾಧಾನ ಹೊರಹಾಕಿದ್ದರು. ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗ್ತಿದ್ದಂತೆ, ವಿಕಿಪೀಡಿಯ-ಚಂದ್ರು ಮಧ್ಯೆಯಿದ್ದ ಅಸಮಾಧಾನಕ್ಕೆ ತೆರೆ ಬಿದ್ದಿದೆ.
ವಿಡಿಯೋ ಹರಿದಾಡಿದ ಬೆನ್ನಲ್ಲೇ ಚಂದ್ರು ಮನೆಗೆ ಭೇಟಿ ನೀಡಿದ ವಿಕಿಪೀಡಿಯ ಖ್ಯಾತಿಯ ವಿಕಾಸ್, ಚಂದ್ರು ಭೇಟಿ ಮಾಡಿ, ಅವರ ಆರೋಗ್ಯ ವಿಚಾರಿಸಿ, ಹೂಗುಚ್ಚ ಕೊಟ್ಟು ಆತ್ಮೀಯವಾಗಿ ಮಾತನಾಡಿದ್ದಾರೆ. ನಾವೆಲ್ಲ ಚೆನ್ನಾಗಿ ಇದ್ದೀವಿ, ಈ ವಿಶ್ವಾಸ ಸದಾ ಹೀಗೇ ಇರುತ್ತೆ ಎಂದು ಚಂದ್ರು ಹೇಳಿದ್ದಾರೆ.
ಮುಂದಿನ ದಿನಗಳಲ್ಲಿ ಇವರೊಂದಿಗೆ ಕಾರ್ಯಕ್ರಮಗಳನ್ನು ಮಾಡುತ್ತೀನಿ ಎಂದು ತಮ್ಮ ಹೇಳಿಕೆಗೆ ಸ್ಪಷ್ಟನೆ ನೀಡಿದ್ದಾರೆ. ಚಂದ್ರುಗೆ ಹಣ್ಣು, ಗಿಫ್ಟ್ ಕೊಟ್ಟು ಒನ್ ಮೋರ್... ಒನ್ ಮೋರ್ ಎಂದು ವಿಕಾಸ್ ಹೇಳಿರುವ ವಿಡಿಯೋ ಸದ್ಯ ಸೋಷಿಯಲ್ ಮೀಡಿಯಾದಲ್ಲಿ ಹರಿದಾಡುತ್ತಿದೆ.