ಮುಂಬೈ: ಈ ಡ್ರೋನ್ ತಯಾರಿಕೆ ಕಂಪನಿಯ ಷೇರುಗಳು 1600 ರೂಪಾಯಿ ದಾಟುತ್ತವೆ. ನೀವು ಈಗ ಬಾಜಿ ಕಟ್ಟಿದರೆ ಮಲ್ಟಿಬ್ಯಾಗರ್ ರಿಟರ್ನ್ಸ್ ಸಿಗುತ್ತದೆ. ಅಂದರೆ, ಷೇರು ಬೆಲೆ ದುಪ್ಪಟ್ಟಾಗಲಿದೆ ಎಂದು ಬ್ರೋಕರೇಜ್ ಸಂಸ್ಥೆಯೊಂದು ಭವಿಷ್ಯ ನುಡಿದಿದೆ.
ಐಡಿಯಾಫೋರ್ಜ್ ಟೆಕ್ನಾಲಜಿ ಲಿಮಿಟೆಡ್ (Ideaforge Technology Ltd.) ಡ್ರೋನ್ ತಯಾರಿಕೆ ಕಂಪನಿಯಾಗಿದೆ. ಈ ಷೇರುಗಳ ಬೆಲೆ ಮಂಗಳವಾರದ ವಹಿವಾಟಿನಲ್ಲಿ 1.36% ರಷ್ಟು ಏರಿಕೆಯಾಗಿ, 741.25 ರೂ. ತಲುಪಿವೆ.
ಕಳೆದ ವರ್ಷ ಐಪಿಒ ಮೂಲಕ 672 ರೂಪಾಯಿ ಬೆಲೆಯಲ್ಲಿ ಈ ಕಂಪನಿಯ ಷೇರುಗಳನ್ನು ನೀಡಲಾಗಿತ್ತು. ಅಂದರೆ ಪ್ರಸ್ತುತ ಈ ಷೇರು ಐಪಿಒ ಬೆಲೆಗಿಂತ 9% ರಷ್ಟು ಹೆಚ್ಚು ಇದೆ.
ಕಳೆದ ವಾರ (ಫೆಬ್ರವರಿ 14) ಈ ಸ್ಟಾಕ್ ತನ್ನ ದಾಖಲೆಯ ಕನಿಷ್ಠ ಬೆಲೆ 689 ರೂಪಾಯಿ ತಲುಪಿತ್ತು. ಈ ವರ್ಷದ ಜನವರಿಯಲ್ಲಿ 14 ಪ್ರತಿಶತಕ್ಕಿಂತ ಹೆಚ್ಚು ಕುಸಿದ ನಂತರ, ಫೆಬ್ರವರಿಯಲ್ಲಿ ಇದುವರೆಗೆ 4 ಪ್ರತಿಶತದಷ್ಟು ಕುಸಿದಿದೆ.
ಏತನ್ಮಧ್ಯೆ, ಜುಲೈ 2023 ರಲ್ಲಿ ಪಟ್ಟಿಯಾದ ನಂತರ ಈ ಸ್ಟಾಕ್ ಆಗಸ್ಟ್ 2023 ರಲ್ಲಿ ಶೇಕಡಾ 13, ಸೆಪ್ಟೆಂಬರ್ನಲ್ಲಿ ಶೇಕಡಾ 9, ಅಕ್ಟೋಬರ್ನಲ್ಲಿ ಶೇಕಡಾ 11 ಮತ್ತು ನವೆಂಬರ್ನಲ್ಲಿ ಶೇಕಡಾ 2 ಕ್ಕಿಂತ ಹೆಚ್ಚು ಕುಸಿದಿದೆ. ಆದರೂ ಇದು ಕಳೆದ ಡಿಸೆಂಬರ್ನಲ್ಲಿ 6 ಪ್ರತಿಶತದಷ್ಟು ಏರಿಕೆ ಕಂಡಿದೆ.
ನಿರಾಶಾದಾಯಕ ಪ್ರದರ್ಶನದ ಹೊರತಾಗಿಯೂ, ಬ್ರೋಕರೇಜ್ ಸಂಸ್ಥೆಯಾದ ಏಷ್ಯನ್ ಮಾರ್ಕೆಟ್ ಸೆಕ್ಯುರಿಟೀಸ್ (AMSEC) ಈ ಸ್ಟಾಕ್ ಡಿಸೆಂಬರ್ 2026 ರವರೆಗೆ ಮಲ್ಟಿಬ್ಯಾಗರ್ ಆದಾಯವನ್ನು ನೀಡುತ್ತದೆ ಎಂದು ಅಂದಾಜಿಸಿದೆ.
ಈ ಷೇರುಗಳ ಮೇಲೆ 'ಖರೀದಿ'ಗೆ ಕರೆ ನೀಡಿದೆ. 1,607 ರೂಪಾಯಿಯ ಗುರಿ ಬೆಲೆಯನ್ನು ಈ ಸ್ಟಾಕ್ಗೆ ನೀಡಿದೆ. ಇದರ ಪ್ರಸ್ತುತ ಬೆಲೆಗಿಂತ 100 ಪ್ರತಿಶತ ಹೆಚ್ಚಳ ಇದಾಗಿದೆ.
ಡಿಸೆಂಬರ್ ತ್ರೈಮಾಸಿಕದಲ್ಲಿ ಈ ಸಂಸ್ಥೆಯು 14.8 ಕೋಟಿ ರೂ. ಲಾಭವನ್ನು ವರದಿ ಮಾಡಿದೆ. ಇದು ಹಿಂದಿನ ತ್ರೈಮಾಸಿಕದ ರೂ. 89 ಲಕ್ಷಕ್ಕೆ ಹೋಲಿಸಿದರೆ, ಶೇ. 1,562ರಷ್ಟು ಹೆಚ್ಚಾಗಿದೆ.ಹಿಂದಿನ ವರ್ಷದ ತ್ರೈಮಾಸಿಕದಲ್ಲಿ 7.8 ಕೋಟಿ ರೂ. ನಷ್ಟ ಅನುಭವಿಸಿತ್ತು.