ಮೀರತ್: ಮದುವೆ(Marriage) ಮೆರವಣಿಗೆ ವೇಳೆ ವರನ ಕೊರಳಲ್ಲಿದ್ದ ನೋಟಿನ(ನಗದು ಹಣ) ಹಾರವನ್ನು ಕದ್ದ ಕಳ್ಳನು ಟ್ರಕ್ ಏರಿ ಓಡಿ ಹೋಗಿದ್ದು, ವರ ಮತ್ತು ಕುಟುಂಬಸ್ಥರು ಮೆರವಣಿಗೆ ಬಿಟ್ಟು ಕಳ್ಳನನ್ನು ಹಿಡಿಯಲು ಹಿಂಬಾಲಿಸುತ್ತಿರುವ ಘಟನೆ ಮೀರತ್ನಲ್ಲಿ ಇತ್ತಿಚಿಗೆ ನಡೆದಿದೆ.
ಅಲ್ಲದೆ, ಕುದುರೆ ಮೇಲೆ ಹೋಗುತ್ತಿದ್ದ ವರ ಮೆರವಣಿಗೆಯ ವಿಧಿ ವಿಧಾನಗಳನ್ನು ಬಿಟ್ಟು ಕಳ್ಳನನ್ನು ಹಿಡಿಯಲು ಟ್ರಕ್ ಹತ್ತುತ್ತಿರುವ ಈ ಘಟನೆಯ ವಿಡಿಯೋ ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗುತ್ತಿದೆ. ಇನ್ನೂ ಆರೋಪಿಯು ನೋಟಿನ ಹಾರ ಕಿತ್ತುಕೊಂಡು ತಪ್ಪಿಸಿಕೊಳ್ಳಲು ಚಲಿಸುತ್ತಿರುವ ಲೋಡ್ ಲಾರಿ ಹತ್ತಿದ್ದಾನೆ. ಇದನ್ನೇ ಹಿಂಬಾಲಿಸಿದ ವರ ಕೂಡ ಚಲಿಸುತ್ತಿರುವ ಲಾರಿ(ಟ್ರಕ್) ಹತ್ತಿ ಬಾಗಿಲಿನಿಂದ ಚಾಲಕನಿಗೆ ನಿಲ್ಲಿಸಲು ಹೇಳಿದ್ದಾನೆ. ನಿಲ್ಲಲು ಚಾಲಕ ನಿರಾಕಾರಿಸಿದಾಗ, ಚಲಿಸುತ್ತಿರುವ ಟ್ರಕ್ನ ಬಾಗಿಲಿನ ಡೋರ್ ಮೂಲಕ ಒಳಹೋಗಿದ್ದಾನೆ. ಬಳಿಕ ಕುಟುಂಬಸ್ಥರು ಬಂದ ಮೇಲೆ ಟ್ರಕ್ ನಿಲ್ಲಿಸಿದ್ದು, ಚಾಲಕನ ಮೇಲೆ ಹಲ್ಲೆ ಮಾಡಿದ್ದಾನೆ ಎಂದು ಆರೋಪಿಸಲಾಗಿದೆ.
ಇನ್ನೂ ಪಾದಾಚಾರಿ ಒಬ್ಬನು ಈ ಘಟನೆಯನ್ನು ತನ್ನ ಮೋಬೈಲ್ನಲ್ಲಿ ಚಿತ್ರಿಸಿಕೊಂಡಿದ್ದಾನೆ. ಇದೀಗ ಈ ವಿಡಿಯೋ ಸಖತ್ ವೈರಲ್ ಆಗುತ್ತಿದೆ. (ಏಜೆನ್ಸೀಸ್).