ಮುಂಬೈ: ಮಿಲ್ಕಿ ಬ್ಯೂಟಿ ತಮನ್ನಾ ಭಾಟಿಯಾ( Tamannaah Bhatia) ಅವರ ಪರಿಚಯದ ಅಗತ್ಯ ಇಲ್ಲ. ಸೌತ್ ಸಿನಿರಂಗದ ಜತೆಗೆ ಬಾಲಿವುಡ್ನಲ್ಲೂ ಮಿಂಚಿ ಹೆಸರು ಗಳಿಸಿರುವ ನಟಿ. ಇತ್ತೀಚೆಗೆ ನಟಿ ತಮನ್ನಾ ಮಹಿಳೆಯರು ಚಿತ್ರರಂಗದಲ್ಲಿ ಹೇಗೆ ಬದಲಾವಣೆಯನ್ನು ತರಬಹುದು ಎಂಬುದರ ಕುರಿತು ತಮ್ಮ ಆಲೋಚನೆಗಳನ್ನು ಹಂಚಿಕೊಂಡಿದ್ದಾರೆ. ಹೆಚ್ಚಿನ ಮಹಿಳೆಯರು ಮಾಡುವ ಮೊದಲ ತಪ್ಪು ಎಂದರೆ ತಮ್ಮನ್ನು ಮನುಷ್ಯರು ಎಂದು ಗುರುತಿಸುವ ಬದಲು ಮಹಿಳೆಯರೆಂದು ಸಂಬೋಧಿಸುವುದು ಎಂದು ತಿಳಿಸಿದ್ದಾರೆ.
ಇದನ್ನು ಓದಿ: ‘ಪುಷ್ಪ’ ಶೂಟಿಂಗ್ ಮುಗಿಯಲೆಂದೆ ಕಾಯುತ್ತಿದ್ದೆ; ಟಾಲಿವುಡ್ ಸ್ಟೈಲಿಶ್ ಸ್ಟಾರ್ Allu Arjun ಹೀಗೆಳಿದ್ದೇಕೆ?
ಯಾವುದೇ ಉದ್ಯಮದಲ್ಲಾದರೂ ಲಿಂಗ-ಆಧಾರಿತ ಗುರುತುಗಳನ್ನು ಮೀರಿ ಆಗಬೇಕಿರುವ ಬದಲಾವಣೆಯ ಪ್ರಾಮುಖ್ಯತೆಯನ್ನು ತಿಳಿಸಿದ್ದಾರೆ. ಮೊದಲು ನಾವು ನಮ್ಮನ್ನು ಮಹಿಳೆ ಎಂದು ಉಲ್ಲೇಖಿಸುವುದನ್ನು ನಿಲ್ಲಿಸಬೇಕು. ಏಕೆಂದರೆ ನಾವು ಕೇವಲ ಮನುಷ್ಯರು ಎಂದು ನಾನು ಭಾವಿಸುತ್ತೇನೆ. ತಾರತಮ್ಯ ಅಥವಾ ನಾವು ಕೀಳು ಎಂಬ ಭಾವನೆ ನಮ್ಮಲ್ಲಿ ಎಲ್ಲೋ ಆಳವಾಗಿ ಬೇರೂರಿದೆ. ಈಗ ನಾವು ಅದನ್ನು ಪ್ರತಿ ಉದ್ಯಮಕ್ಕೂ ಅನ್ವಯಿಸಲು ಪ್ರಯತ್ನಿಸುತ್ತಿದ್ದೇವೆ ಎಂದು ಹೇಳಿದರು.
ವಾಸ್ತವವಾಗಿ ನಿಖರವಾಗಿ ನಮ್ಮನ್ನು ನಾವು ಮನುಷ್ಯರಂತೆ ಮತ್ತು ಸಮಾನವಾಗಿ ನೋಡಲು ಸಾಧ್ಯವಾಗದಿದ್ದರೆ ಬೇರೆ ಯಾರಿಂದಲೂ ಸಹ ನೋಡಲು ಸಾಧ್ಯವಾಗುವುದಿಲ್ಲ. ಬಾಹ್ಯವಾಗಿ ಸಮಾನತೆಯನ್ನು ಪ್ರೇರೇಪಿಸಲು ಬದಲಾವಣೆಯು ಆಂತರಿಕವಾಗಿ ಪ್ರಾರಂಭವಾಗಬೇಕು. ಯಾವುದೇ ಉದ್ಯಮದಲ್ಲಿ ಅರ್ಥಪೂರ್ಣ ಬದಲಾವಣೆಯನ್ನು ಸೃಷ್ಟಿಸುವಲ್ಲಿ ಸಕ್ರಿಯ ಭಾಗವಹಿಸುವಿಕೆ ಮುಖ್ಯ. ಅನೇಕ ಜನರು ರಾತ್ರೋರಾತ್ರಿ ವಿಷಯಗಳನ್ನು ಬದಲಾಯಿಸಲು ಬಯಸುತ್ತಾರೆ ಎಂದು ನನಗೆ ತಿಳಿದಿದೆ. ಉದ್ಯಮದಲ್ಲಿನ ಬದಲಾವಣೆಗೆ ದೂರದಲ್ಲಿ ನಿಂತು ಹೇಳುವುದಲ್ಲ. ಬದಲಾವಣೆಗೆ ನೀವು ಉದ್ಯಮದ ಭಾಗವಾಗಿರಬೇಕು ಎಂದು ತಿಳಿಸಿದರು.
ಯಾವುದೇ ಯಶಸ್ಸನ್ನು ಸಾಧಿಸಲು ಮತ್ತು ವ್ಯತ್ಯಾಸವನ್ನು ತರಲು ಇಚ್ಛೀಸಿದರೆ ಅಹಂಕಾರವನ್ನು ತ್ಯಜಿಸಬೇಕಾಗುತ್ತದೆ. ಏಕೆಂದರೆ ನಮ್ಮ ವೃತ್ತಿಯು ಸಾಮೂಹಿಕ ಕಲೆಯಾಗಿದೆ. ಇದು ಯಾವುದೇ ವ್ಯಕ್ತಿಯ ಕಲೆಯಲ್ಲ. ಸಾಮೂಹಿಕ ಸೃಜನಶೀಲತೆ ಮತ್ತು ಕ್ರಮಾನುಗತ ಪ್ರಕ್ರಿಯೆಗಳು ಮಹತ್ವದ ಪಾತ್ರವನ್ನು ವಹಿಸುತ್ತವೆ ಎಂದು ಹೇಳಿದರು.
ಕ್ರಮಾನುಗತದ ಸಮಸ್ಯೆ ಎಂದರೆ ಹೆಚ್ಚಿನ ಮಹಿಳೆಯರು ತಮಗೆ ಬೇಕಾದನ್ನು ಕೇಳಲು ಸಾಧ್ಯವಿಲ್ಲ ಎಂದು ಭಾವಿಸುತ್ತಾರೆ. ಒಂದು ವೇಳೆ ಕೇಳಿದರೆ ಆ ಪಾತ್ರದಿಂದಲೇ ಅವರನ್ನು ಬದಲಾಯಿಸಬಹುದು ಎಂದು ಭಾವಿಸುತ್ತಾರೆ. ಇದು ಸೀಮಿತ ಮನಸ್ಥಿತಿ ಎಂದು ತಮನ್ನಾ ಹೇಳಿದ್ದಾರೆ. ನೀವು ಇಂತಹ ವಿಚಾರಗಳನ್ನು ನಿಮ್ಮ ಮನಸ್ಸಿನಿಂದ ಹೊರಹಾಕಬೇಕು ಎಂದಿದ್ದಾರೆ.
ನಾನು ಎಂದಿಗೂ ಬಲಿಪಶು ಮನಸ್ಥಿತಿಯನ್ನು ಹೊಂದಿರಲಿಲ್ಲ. ನನ್ನ ಬಗ್ಗೆ ನಾನು ಎಂದಿಗೂ ಕೆಟ್ಟದ್ದನ್ನು ಅನುಭವಿಸಲು ಸಾಧ್ಯವಿಲ್ಲ. ಇದು ಮೂರ್ಖತನ ಎಂದು ನನಗೆ ಅನಿಸುತ್ತದೆ. ತಾನು ಇಷ್ಟಪಡುವ ಕೆಲಸವನ್ನು ದುರ್ಬಲಗೊಳಿಸದೆ ಮುಂದುವರಿಸುವುದು ತನಗೆ ವಿಶೇಷ ಎಂದು ಹೇಳಿದ್ದಾರೆ. ಗುರಿ ಸಾಧಿಸುವುದು, ಜಗತ್ತಿನಲ್ಲಿ ಬದಲಾವಣೆಯನ್ನು ತರುವುದು ಮತ್ತು ಸಮಾಜಕ್ಕೆ ಕೊಡುಗೆ ನೀಡುವುದು ಅತ್ಯಂತ ಮುಖ್ಯವಾದ ವಿಷಯವಾಗಿದೆ ಎಂದು ತಮನ್ನಾ ಹೇಳಿದ್ದಾರೆ.(ಏಜೆನ್ಸೀಸ್)