ಭಾರತದ ಅತಿದೊಡ್ಡ ವಾಣಿಜ್ಯೋದ್ಯಮ ಸಾಮ್ರಾಜ್ಯ ರಿಲಯನ್ಸ್ ಇಂಡಸ್ಟ್ರೀಸ್. ಇದರ ಉತ್ತರಾಧಿಕಾರ ಯೋಜನೆಯ ಕುರಿತು ಮುಖ್ಯಸ್ಥ ಮುಕೇಶ್ ಅಂಬಾನಿ ಮಹತ್ವಾಕಾಂಕ್ಷೆಯ ಚಿಂತನೆ ಹೊಂದಿದ್ದಾರೆ ಎಂದು ಮಾಧ್ಯಮ ವರದಿಗಳು ತಿಳಿಸಿವೆ. ಕಳೆದ ಜೂನ್ ತಿಂಗಳಲ್ಲಿ ನಡೆದ ಕಂಪನಿಯ ವಾರ್ಷಿಕ ಮಹಾಸಭೆಯಲ್ಲಿ ಅವರು ಈ ಕುರಿತು ಸುಳಿವು ನೀಡಿದ್ದರು. ‘ರಿಲಯನ್ಸ್ ಅನ್ನು ಮುನ್ನಡೆಸಲು ಮುಂದಿನ ತಲೆಮಾರಿನ ನಾಯಕರಾದ ಇಶಾ, ಆಕಾಶ್ ಮತ್ತು ಅನಂತ್ ಸಿದ್ಧರಾಗಿದ್ದಾರೆ. ಅವರು ಈ ಅಮೂಲ್ಯ ಪರಂಪರೆಯನ್ನು ಇನ್ನಷ್ಟು ಶ್ರೀಮಂತಗೊಳಿಸಲಿದ್ದಾರೆ ಎಂಬುದರಲ್ಲಿ ನನಗೆ ಸಂದೇಹವಿಲ್ಲ’ ಎಂದಿದ್ದರು.
ಉತ್ತರಾಧಿಕಾರದ ಯೋಜನೆ ರೂಪಿಸುವುದ ಕ್ಕಾಗಿ ಮುಕೇಶ್ ಅಂಬಾನಿ, ಜಗತ್ತಿನ ಶತಕೋಟ್ಯ ಧಿಪತಿಗಳ ಉದ್ಯಮ ಸಾಮ್ರಾಜ್ಯಗಳ ಬಗ್ಗೆ ಅಧ್ಯಯನ ನಡೆಸಿದ್ದರು. ಈ ಪೈಕಿ ವಾಲ್ವಾರ್ಟ್ ಸೃಷ್ಟಿಕರ್ತ ಸ್ಯಾಮ್ ವಾಲ್ಟನ್ ಅವರ ಉತ್ತರಾಧಿಕಾರ ಯೋಜನೆ ಕುರಿತು ಮುಕೇಶ್ ಒಲವು ವ್ಯಕ್ತವಾಗಿದೆ. ಇದು ಬಹಳ ಸರಳವಾಗಿದ್ದು, ಕುಟುಂಬವನ್ನು ವ್ಯವಸ್ಥೆಯ ಕೇಂದ್ರಸ್ಥಾನದಲ್ಲಿಟ್ಟು ಎಲ್ಲವೂ ನಿಯಂತ್ರಣ ದಲ್ಲಿರುವಂತೆ ನೋಡಿಕೊಳ್ಳುತ್ತದೆ; ದೈನಂದಿನ ಆಡಳಿತ ನೋಡಿಕೊಳ್ಳಲು ವೃತ್ತಿಪರರರನ್ನು ನೇಮಿಸಲಾಗುತ್ತದೆ ಎಂದು ಅವರ ಆಪ್ತಮೂಲಗಳು ಹೇಳಿಕೊಂಡಿವೆ.
ಕುಟುಂಬದೊಳಗಿನ ವ್ಯಾಜ್ಯ: ಧೀರೂಭಾಯ್ ಅಂಬಾನಿ 2002ರಲ್ಲಿ ನಿಧನರಾದ ಬಳಿಕ ಸಾಮ್ರಾಜ್ಯಕ್ಕಾಗಿ ಉಂಟಾದ ಕುಟುಂಬ ಕಲಹದ ಕಹಿನೆನಪು ಮುಕೇಶ್ ಅವರಲ್ಲಿ ಉಳಿದಿದೆ. ಇಂತಹ ಕಲಹ ಮುಂದುವರಿಯಬಾರದು ಎಂಬುದೇ ಉತ್ತರಾಧಿಕಾರ ಯೋಜನೆಗೆ ಪ್ರೇರಣೆ.
ವಾಲ್ಟನ್ ಕುಟುಂಬದ ಯೋಜನೆ: ಜಗತ್ತಿನ ಅತಿದೊಡ್ಡ ಉದ್ಯಮ ವಾಲ್ವಾರ್ಟ್ ಸ್ಥಾಪಿಸಿದ ಸ್ಯಾಮ್ ವಾಲ್ಟನ್ ತಮ್ಮ ನಿಧನಕ್ಕೆ ಮುಂಚಿತವಾಗಿ ನಾಲ್ವರು ಮಕ್ಕಳಾದ ಅಲೈಸ್, ರಾಬ್, ಜಿಮ್ ಮತ್ತು ಜಾನ್ಗೆ ಶೇಕಡ 80ರಷ್ಟು ಹಸ್ತಾಂತರಿಸಿದ್ದರು. ವಾಲ್ವಾರ್ಟ್ನ ಶೇಕಡ 47 ಸಂಪತ್ತು ವಾಲ್ವಾರ್ಟ್ ಟ್ರಸ್ಟ್ ಮತ್ತು ವಾಲ್ಟನ್ ಎಂಟರ್ಪ್ರೖೆಸಸ್ ಎಲ್ಎಲ್ಸಿ ಮೂಲಕ ಕುಟುಂಬದ ಹಿಡಿತದಲ್ಲೇ ಇದೆ.