ಬೆಂಗಳೂರು: ರಾಜ್ಯದಲ್ಲಿ ವಾಹನಗಳ ವಾಯು ಮಾಲಿನ್ಯ ತಪಾಸಣಾ (ಪಿಯುಸಿಸಿ) ದರ ಹೆಚ್ಚಿಸಿ ಸಾರಿಗೆ ಇಲಾಖೆ ಆದೇಶ ಹೊರಡಿಸಿದೆ.
ಪ್ರಮಾಣಪತ್ರಗಳ ದುರ್ಬಳಕೆ ತಡೆಗೆ ಮತ್ತು ಅವುಗಳ ಅಧಿಕೃತತೆಯನ್ನು ಖಚಿತಪಡಿಸಿಕೊಳ್ಳಲು ಪ್ರಮಾಣಪತ್ರದಲ್ಲಿ ಹೊಲೊಗ್ರಾಮ್ ಇರುವುದು ಕಡ್ಡಾಯಗೊಳಿಸಲಾಗಿದೆ ಎಂದು ಆದೇಶದಲ್ಲಿ ಇಲಾಖೆ ಉಲ್ಲೇಖಿಸಿದೆ.
ಕೇಂದ್ರ ಮೋಟಾರು ವಾಹನ ನಿಯಮಗಳು 1989ರ ನಿಯಮ 115ರ ಪ್ರಕಾರ ನಿಗದಿತ ಮಾಲಿನ್ಯ ಮಿತಿಯೊಳಗಿರುವ ವಾಹನಗಳಿಗೆ ಮಾತ್ರ ಪ್ರಮಾಣಪತ್ರ ನೀಡಬೇಕು. ಭಾರತ್ ಸ್ಟೇಜ್-ಐವಿ ಮತ್ತು ಭಾರತ್ ಸ್ಟೇಜ್-ವಿಐ ವಾಹನಗಳಿಗೆ ನೀಡಲಾಗುವ ಪ್ರಮಾಣಪತ್ರವು 12 ತಿಂಗಳ ಕಾಲ ಸಿಂಧುತ್ವ ಹೊಂದಿರುತ್ತದೆ. ತಪಾಸಣಾ ಕೇಂದ್ರಗಳ ಪರವಾನಗಿಯನ್ನು ಸಾರ್ವಜನಿಕರಿಗೆ ಕಾಣಿಸುವ ಸ್ಥಳದಲ್ಲಿ ಪ್ರದರ್ಶಿಸಬೇಕು ಹಾಗೂ ವಾಹನಗಳ ತಪಾಸಣೆಗೆ ಸೂಕ್ತ ಸ್ಥಳಾವಕಾಶ ಹೊಂದಿರಬೇಕು ಎಂದು ಇಲಾಖೆ ಹೇಳಿದೆ.