ವರಸೆಯಲ್ಲಿ ತಮ್ಮನಾಗುವವನ ಜೊತೆ ದಾಂಪತ್ಯ ಜೀವನಕ್ಕೆ ಕಾಲಿಟ್ಟ ಅಕ್ಕ; ಪೋಷಕರಿಂದ ಜೀವಬೆದರಿಕೆ, ಎಸ್ಪಿ ಕಚೇರಿ ಮುಂದೆ ಹೈಡ್ರಾಮಾ..Chikkaballapur

ಚಿಕ್ಕಬಳ್ಳಾಪುರ:  ಪ್ರೀತಿ ಎಂಬ ಮಾಯಾಜಾಲಕ್ಕೆ ಬಿದ್ದಾಗ ಆತ ಅಣ್ಣನೋ, ತಮ್ಮನೋ ಅಕ್ಕ ಅಥವಾ ತಂಗಿ ಎನ್ನುವ ಪರಿವೇಯೇ ಇರೋದಿಲ್ಲ..ಪ್ರೀತಿ ಸಾಕು ಎನ್ನುವ ವಿಚಾರಕ್ಕೆ ಒಂದು ಜೀವಂತ ಉದಾಹರಣೆ ಸಿಕ್ಕಿದೆ. ವರಸೆಯಲ್ಲಿ ತಮ್ಮನಾಗ ಬೇಕಿದ್ದವನ ಜೊತೆಗೆ ದಾಂಪತ್ಯ ಜೀವನಕ್ಕೆ ಕಾಲಿಟ್ಟು, ರಕ್ಷಣೆಗಾಗಿ ಎಸ್​ಪಿ ಕಚೇರಿ ಮೆಟ್ಟಿಲೇರಿರುವ ಘಟನೆ ಚಿಕ್ಕಬಳ್ಳಾಪುರದಲ್ಲಿ ನಡೆದಿದೆ.

ದೇವನಹಳ್ಳಿಯ ಸಾವಕನಹಳ್ಳಿ ಮೂಲದ ಶಶಿಕಲಾ ಹಾಗೂ ಹೊಸಕೋಟೆಯ ಪ್ರವೀಣ್ ಪರಸ್ಪರ  ಮೂರು ವರ್ಷಗಳಿಂದ ಪ್ರೀತಿ ಮಾಡುತ್ತಿದ್ದರು. ಆದರೆ, ಇವರಿಬ್ಬರ ಪ್ರೇಮಕ್ಕೆ ಮುಳ್ಳಾಗಿದ್ದು ರಕ್ತ ಸಂಬಂಧ ಅದು ಹೇಗೆ ಎಂದರೆ, ಇಬ್ಬರ ತಾಯಂದಿರು ಸ್ವಂತ ಅಕ್ಕ-ತಂಗಿಯರು. ಅಂದರೆ, ವರಸೆಯಲ್ಲಿ ಇಬ್ಬರೂ ಸೋದರ ಅಕ್ಕ-ತಮ್ಮನಾಗಬೇಕು. ಹೀಗಾಗಿ ಕುಟುಂಬಸ್ಥರ ವಿರೋಧವಿತ್ತು. 

ಹೀಗಾಗಿ ಶಶಿಕಲಾ ಪೋಷಕರು ಆಕೆಗೆ ಬೇರೊಬ್ಬ ಯುವಕನ ಜೊತೆ ಮದುವೆ ನಿಶ್ಚಯಿಸಿದ್ದರು. ಲಗ್ನಪತ್ರಿಕೆ ಕೂಡ ಹಂಚಲಾಗಿತ್ತು. ಆದರೆ, ಇನ್ನೇನು ತಾಳಿ ಕಟ್ಟಬೇಕು ಎನ್ನುವಾಗಲೇ ಶಶಿಕಲಾ ತನ್ನ ಪ್ರಿಯಕರ ಪ್ರವೀಣ್ ಜೊತೆ ಪರಾರಿಯಾಗಿದ್ದಾಳೆ. ನಂತರ ಈ ಜೋಡಿಯು ಅಂಗಟ್ಟದ ಶಿವನ ಗುಡಿಯಲ್ಲಿ ಶಾಸ್ತ್ರೋಕ್ತವಾಗಿ ಮದುವೆಯಾಗಿದ್ದಾರೆ.

ಮದುವೆ ಬಳಿಕ ಶಶಿಕಲಾ ಅವರ ಪೋಷಕರು ಇಬ್ಬರಿಗೂ ಜೀವ ಬೆದರಿಕೆ ಹಾಕಿದ್ದಾರೆ ಎಂದು ಕೇಳಿಬಂದಿದೆ. ಈ ಹಿನ್ನೆಲೆ ಅವರು ಚಿಕ್ಕಬಳ್ಳಾಪುರ ಎಸ್ಪಿ ಕಚೇರಿ ಮೆಟ್ಟಿಲೇರಿದ್ದಾರೆ ಎನ್ನಲಾಗಿದೆ. ಅಕ್ಕನ ಮಗಳಾಗಿ ಸ್ವಂತ ತಮ್ಮನನ್ನೇ ಮದುವೆಯಾಗಿದ್ದೀಯಲ್ಲಾ, ನಿನಗೆ ನಾಚಿಕೆಯಾಗುವುದಿಲ್ಲವೇ? ಎಂದು ಆಕ್ರಂದಿಸಿದ್ದಾರೆ. ಆಕೆ ಆಗ ಇವನೇ ನನ್ನ ಸರ್ವಸ್ವ ನಾನು ಬೇರೆಯವರನ್ನು ಮದುವೆಯಾಗೋದಿಲ್ಲ ಎಂದಿದ್ದಾರೆ, (ಏಜೆನ್ಸೀಸ್​​).