ಅಕ್ಕಿ ಕೊಡದಿದಕ್ಕೆ ಕೊಡಲಿಯಿಂದ ತಾಯಿಯ ಕತ್ತು ಸೀಳಿ ಕೊಂದ ಮಗ!  | Axe

ಒಡಿಸ್ಸಾ: 10 ಕೆಜಿ ಅಕ್ಕಿ ಕೇಳಿದ್ದು ಇದಕ್ಕೆ ತಾಯಿ ನಿರಾಕರಿಸಿದ್ದಾಳೆ ಹೀಗಾಗಿ, ಕುಪಿತಗೊಂಡ ಮಗ ಕೊಡಲಿಯಿಂದ(Axe) ಅಮ್ಮನ ಕತ್ತು ಸೀಳಿ ಕೊಂದಿರುವ ಘಟನೆ ಒಡಿಸ್ಸಾದಲ್ಲಿ ನಡೆದಿದೆ.

ರಾಯ್ಬಾರಿ ಸಿಂಗ್​ ಮೃತೆ ಎಂದು ಗುರುತಿಸಲಾಗಿದೆ. ಆರೋಪಿ ರೋಹಿದಾಸ್​ ಸಿಂಗ್​ನ್ನನ್ನು ಪೋಲಿಸರು ಬಂಧಿಸಿದ್ದಾರೆ. ರೋಹಿದಾಸ್​ ಮತ್ತು ಅತನ ಸಹೋದರ ಲಕ್ಷ್ಮೀದಾಸ್​ ಸಿಂಗ್​​ ನಡುವೆ ಅಕ್ಕಿಗಾಗಿ ಸಣ್ಣ ಮಟ್ಟದಲ್ಲಿ ಗಲಾಟೆಯಾಗಿದೆ. ಇಬ್ಬರು ಮಧ್ಯೆ ಬಂದ ತಾಯಿ ರಾಯ್ಬಾರಿ ಸಿಂಗ್ ಜಗಳು ಬಿಡಿಸಲು ಮುಂದಾಗಿದ್ದಾಳೆ.ಆದರೆ, ಮಾತಿಗೆ ಮಾತು ಬೆಳೆದು ಜಗಳ ವಿಕೋಪಕ್ಕೆ ತಿರುಗಿ ಮಧ್ಯೆ ಬಂದ ಅಮ್ಮನ್ನು ಕೊಂದಿದ್ದಾನೆ ಎಂದು ವರದಿಯಾಗಿದೆ.

ಇದನ್ನೂ ಓದಿ:ಮೈತ್ರೇಯಿ ನೃತ್ಯಕಲಾ ದಶಮಾನೋತ್ಸವ ನಾಳೆಯಿಂದ

ಅಮ್ಮನನ್ನು ಕೊಂದ ಬಳಿಕ ಆರೋಪಿ ತಾನು ಅದೇ ಆಯುಧದಿಂದ ತನ್ನ ಕತ್ತು ಸಿಳಿಕೊಂಡು ಆತ್ಮಹತ್ಯೆಗೆ ಯತ್ನಿಸಿದ್ದಾನೆ. ಕೂಡಲೇ ಆಸ್ಪತ್ರೆಗೆ ದಾಖಲಿಸಲಾ​ಗಿದೆ. ಚಿಕಿತ್ಸೆ ಮುಂದುವರೆದಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

ಇದನ್ನೂ ಓದಿ:ಬಾಯಿ ಚಪಲಕ್ಕೆ ನನ್ನ ಹೆಸರು ದುರುಪಯೋಗ.. ಕಾಂಗ್ರೆಸ್​ಗೆ ಬರುವಂತೆ ಶ್ರೀರಾಮುಲುಗೆ ಆಹ್ವಾನಿಸಿಲ್ಲ; ಡಿಸಿಎಂ ಡಿಕೆ ಶಿವಕುಮಾರ್​​ | DK Shivakumar

ದಾಳಿಗೆ ಬಳಸಿದ ಶಸ್ತ್ರಾಸ್ತ್ರಗಳನ್ನು ಪೋಲೀಸರು ವಶಪಡಿಸಿಕೊಂಡಿದ್ದಾರೆ. ಆರೋಪಿಗಳ ವಿರುದ್ಧ ಭಾರತೀಯ ನ್ಯಾಯ ಸಂಹಿತೆಯ (ಬಿಎನ್ಎಸ್) ಸಂಬಂಧಿತ ವಿಭಾಗದ ಪ್ರಕರಣವನ್ನು ದಾಖಲಿಸಲಾಗಿದೆ.(ಏಜೆನ್ಸೀಸ್​)

https://www.vijayavani.net/dragged-out-of-house-head-partially-shaved-group-of-females-assaults-woman-over-financial-dispute-by-shg