ಹೈದರಾಬಾದ್: ‘ಬಾಯ್ಸ್’, ‘ನುವುವೋಸ್ತಾನಂಟೆ ನೆನೊಡ್ಡಂತಾನಾ’, ‘ರಂಗ್ ದೇ ಬಸಂತಿ’ಯಂತಹ ಹಿಟ್ ಸಿನಿಮಾಗಳಲ್ಲಿ ಅಭಿನಯಿಸಿದ ನಟ ಸಿದ್ದಾರ್ಥ(Siddharth) ಅವರನ್ನು ಪರಿಚಯಿಸುವ ಅಗತ್ಯ ಇಲ್ಲ. ಅವರ ಸಿನಿಮಾದ ಕೆಲವೊಂದು ಡೈಲಾಗ್ ಇಂದಿಗೂ ಮೊಬೈಲ್ನಲ್ಲಿ ಹರಿದಾಡುತ್ತಿರುತ್ತವೆ, ನಟ ಸಿದ್ಧಾರ್ಥ್ ತನ್ನ ವೃತ್ತಿಜೀವನದಲ್ಲಿ ಬಂದಂತಹ ಒಂದಷ್ಟು ಸಿನಿಮಾಗಳನ್ನು ಒಪ್ಪಿಕೊಂಡಿದ್ದರೆ ಇಂದಿಗೆ ದೊಡ್ಡ ಸ್ಟಾರ್ ಆಗುತ್ತಿದೆ ಎಂದು ಹೇಳಿದ್ದಾರೆ.
ಇದನ್ನು ಓದಿ: ಮೂಗಿನ ಸರ್ಜರಿ-ಲಿಪ್ ಫಿಲ್ಲರ್ ಕುರಿತು ಮೌನಮುರಿದ ಶ್ರೀದೇವಿ ಮಗಳು; ಖುಷಿ ಕಪೂರ್ ಹೇಳಿದ್ದೇನು? | Khushi Kapoor
ಇತ್ತೀಚೆಗೆ ಹೈದರಾಬಾದ್ನಲ್ಲಿ ನಡೆದ ಸಾಹಿತ್ಯೋತ್ಸವದಲ್ಲಿ ಅತಿಥಿಯಾಗಿ ಭಾಗಿಯಾಗಿದ್ದ ನಟ ಸಿದ್ಧಾರ್ಥ್ ತಾನು ಓದದೇ ಇರುವ ಪುಸ್ತಕಗಳು ಮತ್ತು ಮಾಡದೇ ಇರುವ ಸಿನಿಮಾಗಳ ಕುರಿತು ಮುಕ್ತವಾಗಿ ಮಾತನಾಡಿದ್ದಾರೆ. ಸಮಾರಂಭದಲ್ಲಿ ಸಿದ್ಧಾರ್ಥ್ ಅವರಿಗೆ ಕೆಲವೊಂದು ಪ್ರಶ್ನೆಗಳನ್ನು ಕೇಳಲಾಯಿತು. ಅದಕ್ಕೆ ಉತ್ತರಿಸಿದ ನಟ, ಒಂದಷ್ಟು ಚಿತ್ರಗಳನ್ನು ಒಪ್ಪಿಕೊಂಡಿದ್ದರೆ ದೊಡ್ಡ ಸ್ಟಾರ್ ಆಗುತ್ತಿದ್ದೆ ಎಂದು ಹೇಳಿದ್ದಾರೆ.
ಆದರೆ ನನಗೆ ಸಿನಿಮಾಗಳಲ್ಲಿ ಹುಡುಗಿಯರಿಗೆ ಹೊಡೆಯುವ, ಚುಡಾಯಿಸುವ, ಸೊಂಟ ಗಿಲ್ಲುವ, ಐಟಂ ಹಾಡುಗಳನ್ನು ಹಾಡುವ, ಸಿನಿಮಾದಲ್ಲಿ ಹುಡುಗಿಯರು ಹೇಗಿರಬೇಕು ಎಂದು ಹೇಳುವ ಕೆಲವೊಂದು ಸ್ಕ್ರಿಪ್ಟ್ಗಳು ಬಂದಿದ್ದವು. ಆದರೆ ಅಂತಹ ಕೆಟ್ಟ ಪಾತ್ರಗಳನ್ನು ಮಾಡಲು ನನಗೆ ಇಷ್ಟವಿಲ್ಲ ಆ ಸಿನಿಮಾಗಳನ್ನು ನಾನು ತಿರಸ್ಕರಿಸಿದ್ದೇನೆ. ನಾನು ಅಂತಹ ಕೆಲಸಗಳನ್ನು ಮಾಡಿದ್ದರೆ ದೊಡ್ಡ ಸ್ಟಾರ್ ಆಗುತ್ತಿದ್ದೆ ಎಂದಿದ್ದಾರೆ.
ವೃತ್ತಿಜೀವನದಲ್ಲಿ ನನ್ನ ಬಗ್ಗೆ ಸಾಕಷ್ಟು ಒಳ್ಳೆಯ ವಿಷಯಗಳನ್ನು ಹೇಳುತ್ತಾರೆ. ಇದು ನನಗೆ ಹೆಚ್ಚಿನ ತೃಪ್ತಿಯನ್ನು ನೀಡುತ್ತದೆ. ಇಂದು ಕೆಲವರು ನನಗೆ ಹೆಣ್ಣನ್ನು ಎಷ್ಟು ಗೌರವಿಸುತ್ತೇನೆ, ನನ್ನ ಹೆತ್ತವರೊಂದಿಗೆ ಎಷ್ಟು ಒಳ್ಳೆಯವನಾಗಿದ್ದೆ, ಎಷ್ಟು ಮುದ್ದಾಗಿ ಕಾಣುತ್ತಿದ್ದೆ ಎಂದು ನನ್ನ ಸಿನಿಮಾಗಳ ಬಗ್ಗೆ ಹೇಳುತ್ತಾರೆ. ಅವರ ಮಕ್ಕಳು ಕೂಡ 15 ವರ್ಷಗಳ ಹಿಂದಿನ ನನ್ನ ಸಿನಿಮಾಗಳನ್ನು ನೋಡುತ್ತಾರೆ. ಅದು ನನಗೆ ದೊಡ್ಡ ತೃಪ್ತಿಯನ್ನು ನೀಡುತ್ತದೆ. ಇದಕ್ಕೆ ಕೋಟಿಗಳಲ್ಲಿ ಬೆಲೆ ಕಟ್ಟಲಾಗದು. ನಾನು ತೆರೆಯ ಮೇಲೆ ಅಳಲು ನಾಚಿಕೆಪಡುವುದಿಲ್ಲ ಎಂದು ಹೇಳಿದರು. ಕಳೆದ ವರ್ಷ ‘ಇಂಡಿಯನ್ 2’, ಚಿನ್ನಾ ಸಿನಿಮಾದಲ್ಲಿ ಸಿದ್ಧಾರ್ಥ್ ಕಾಣಿಸಿಕೊಂಡಿದ್ದರು. ಈಗ ಇಂಡಿಯನ್ 3 ಮತ್ತು ಟೆಸ್ಟ್ ಸಿನಿಮಾಗಳಲ್ಲಿ ನಟಿಸುತ್ತಿದ್ದಾರೆ.(ಏಜೆನ್ಸೀಸ್)