ನಾನು, ಕಳೆದ 10 ವರ್ಷಗಳಿಂದ ಪ್ರೌಢಶಾಲಾ ಶಿಕ್ಷಕನಾಗಿದ್ದು, ನನ್ನ ಪತ್ನಿ ಒಂದು ತಿಂಗಳ ಹಿಂದೆ ಸರ್ಕಾರಿ ನೌಕರಿಗೆ ಸೇರಿದ್ದಾರೆ. ಆದಾಯ ಮತ್ತು ಜಾತಿ ಪ್ರಮಾಣಪತ್ರದ ಸಿಂಧುತ್ವಕ್ಕೆ ನನ್ನ ಆದಾಯ ಹಾಗೂ ಪತ್ನಿಯ ವೇತನಾದಯ ಅನ್ವಯವಾಗುವುದೇ? ಅಥವಾ ಅರ್ಜಿ ಸಲ್ಲಿಸಿದ್ದಾಗ ಇದ್ದ ಆದಾಯ ಪರಿಗಣಿತವಾಗುತ್ತದೆಯೇ?
| ಪ್ರಸನ್ನ ಕುಮಾರ್ ಗದಗ
1992 ಅನುಸೂಚಿತ ಜಾತಿ-ಪಂಗಡ ಮತ್ತು ಇತರ ಹಿಂದುಳಿದ ವರ್ಗಗಳ (ನೇಮಕಾತಿ ಮುಂತಾದವುಗಳ ಮೀಸಲಾತಿ ನಿಯಮಾವಳಿ) 3ಎ ನಿಯಮಗಳ ರೀತ್ಯಾ ನೀವು ಅರ್ಜಿ ಸಲ್ಲಿಸಿದ್ದ ಕಡೆಯ ದಿನಾಂಕಕ್ಕೆ ಇರುವ ಆದಾಯವನ್ನು ಸಿಂಧುತ್ವ ಪ್ರಮಾಣಪತ್ರ ನೀಡಲು ಪರಿಗಣಿಸಲಾಗುತ್ತದೆ. ಪ್ರಸ್ತುತ ನಿಮ್ಮ ಪತ್ನಿಯ ವೇತನವನ್ನು ಈ ಆದಾಯಕ್ಕೆ ಪರಿಗಣಿಸುವಂತಿಲ್ಲ. ಹೆಚ್ಚಿನ ವಿವರಗಳಿಗೆ ಇದೇ ಲೇಖಕರ ‘ಕರ್ನಾಟಕ ಸರ್ಕಾರಿ ಸೇವಾ ಕಾನೂನು ಕೈಪಿಡಿ’ ಪುಸ್ತಕ ನೋಡಬಹುದು.