ಲಂಡನ್: ತೇಲುವ ಹಾಗೂ ಒಳಗಡೆಯ ದೃಶ್ಯಗಳನ್ನು ಸುಲಭದಲ್ಲಿ ಕಾಣಬಹುದಾದ ಪಾರದರ್ಶಕ ಈಜುಕೊಳವೊಂದು ಈಗ ಉದ್ಘಾಟನೆಗೊಂಡಿದೆ. ನೈಋತ್ಯ ಲಂಡನ್ನ ರಾಯಭಾರ ಕಚೇರಿಯಲ್ಲಿ ನಿರ್ಮಿಸಲಾಗಿರುವ ಈ ಈಜುಕೊಳ ವಿಶ್ವದಲ್ಲಿಯೇ ಪ್ರಥಮ ಎನ್ನಲಾಗಿದೆ.
‘ಸ್ಕೈ ಪೂಲಿಸ್’ ಎಂಬ ಹೆಸರಿನ ಈ ಈಜುಕೋಳ 82 ಅಡಿ ಉದ್ದವಿದೆ. ರಾಯಭಾರ ಕಚೇರಿಯಲ್ಲಿ ಎರಡು ಅಪಾರ್ಟ್ಮೆಂಟ್ಗಳ 10ನೆ ಮಹಡಿಯ ಮಧ್ಯದಲ್ಲಿ ಇದನ್ನು ನಿರ್ಮಿಸಲಾಗಿದೆ. ಡಬಲ್ ಬೆಡ್ ರೂಮ್ ಮನೆಗಳನ್ನು ಹೊಂದಿರುವ ಎರಡು ಗಗನಚುಂಬಿ ಕಟ್ಟಡ ಇದಾಗಿದೆ. ಈಜುಕೊಳವು ಭೂಮಿಯಿಂದ 115 ಅಡಿ ಎತ್ತರದಲ್ಲಿದೆ. ಈ ಈಜುಕೊಳದಲ್ಲಿ 50 ಟನ್ ನೀರನ್ನು ಭರ್ತಿ ಮಾಡಲಾಗಿದೆ. ಅಲ್ಲದೇ ಮೇಲ್ಚಾವಣಿಯಲ್ಲಿ ಬಾರ್ ಹಾಗೂ ಸ್ಪಾ ವ್ಯವಸ್ಥೆ ಕೂಡ ಮಾಡಲಾಗಿದೆ.
ಈ ಅದ್ಭುತ ಈಜುಕೊಳ ನಿರ್ಮಿಸಿರುವವರು ಎಂಬ ಇಂಜಿನಿಯರ್ ಎಕರ್ಸ್ಲೇ ಎಂಬುವವರು. ಆದರೆ ಈ ಈಜುಕೊಳವನ್ನು ಸದ್ಯ ಕಟ್ಟಡದ ನಿವಾಸಿಗಳಿಗೆ ಮಾತ್ರ ಬಳಕೆ ಮಾಡಲು ಅನುಮತಿ ನೀಡಲಾಗಿದೆ.
ಈಜುಕೊಳದ ವಿಡಿಯೋವನ್ನ ರಾಯಭಾರ ಕಚೇರಿ ಇನ್ಸ್ಟಾಗ್ರಾಂನಲ್ಲಿ ಶೇರ್ ಮಾಡಿದ್ದು ಇದು ಸಾಮಾಜಿಕ ಜಾಲತಾಣದಲ್ಲಿ ಭಾರಿ ವೈರಲ್ ಆಗುತ್ತಿದೆ.