ಕೌನ್ಸಿಲ್ ಆಫ್ ಸೈಂಟಿಫಿಕ್ ಆ್ಯಂಡ್ ಇಂಡಸ್ಟ್ರಿಯಲ್ ರಿಸರ್ಚ್ನ ಅಧೀನದಲ್ಲಿ ಕಾರ್ಯನಿರ್ವಹಿಸುವ ನ್ಯಾಷನಲ್ ಫಿಜಿಕಲ್ ಲ್ಯಾಬೊರೇಟರಿಯಲ್ಲಿ (ಎನ್ಪಿಎಲ್) ಬಿಎಸ್ಸಿ ಪದವೀಧರರಿಗೆ ವಿವಿಧ ಉದ್ಯೋಗಾವಕಾಶ ಇದೆ.
ಒಟ್ಟು ಹುದ್ದೆಗಳು: 14
ಸಿಎಸ್ಐಆರ್-ಎನ್ಪಿಎಲ್ ಪ್ಲಾಸ್ಟಿಕ್ ಬಳಸಿ ರಸ್ತೆ ನಿರ್ಮಾಣ, ಎಕ್ಸಿಟೋನಿಕ್ ಸೌರಕೋಶಗಳಿಗೆ ಪಿ ಮತ್ತು ಎನ್ ಮಾದರಿ ವಸ್ತುಗಳ ತಯಾರಿಕೆ, ರಾಷ್ಟ್ರೀಯ ನವೀಕರಿಸಬಹುದಾದ ಇಂಧನ ಫೆಲೋಶಿಪ್ (ಎನ್ಆರ್ಇಎಎಫ್) ಕಾರ್ಯಕ್ರಮ ಹಾಗೂ ಇತರ ಹಲವು ಯೋಜನೆಗಳಿಗೆ ನೇಮಕಾತಿ ಮಾಡಿಕೊಳ್ಳಲಾಗುತ್ತಿದೆ.
ಯೋಜನೆಗಳಿಗೆ ಅನುಗುಣವಾಗಿ ಈ ಹುದ್ದೆಗಳು 1 ರಿಂದ 3 ವರ್ಷದ ಅವಧಿ ಹೊಂದಿದ್ದು, ಅಭ್ಯರ್ಥಿಗಳ ಕಾರ್ಯಕ್ಷಮತೆ ಆಧರಿಸಿ ಅವಧಿ ವಿಸ್ತರಿಸಬಹುದು. ಎಸ್ಸಿ, ಎಸ್ಟಿ , ಇತರ ಹಿಂದುಳಿದ ವರ್ಗದ ಅಭ್ಯರ್ಥಿಗಳಿಗೆ ಸಾಮಾನ್ಯವರ್ಗದ ಅಭ್ಯರ್ಥಿಗಳಿಗಿಂತ ಮೊದಲ ಆದ್ಯತೆ ನೀಡಲಾಗುವುದು. ವಿವಿಧ ಹುದ್ದೆ, ಯೋಜನೆಗೆ ಅರ್ಜಿ ಸಲ್ಲಿಸಬಯಸುವ ಅಭ್ಯರ್ಥಿಗಳು ಪ್ರತ್ಯೇಕವಾಗಿ ಅರ್ಜಿ ಸಲ್ಲಿಸತಕ್ಕದ್ದು.
ಹುದ್ದೆ ವಿವರ
* ಪ್ರಾಜೆಕ್ಟ್ ಅಸಿಸ್ಟೆಂಟ್-ಐ - 3
* ಪ್ರಾಜೆಕ್ಟ್ ಅಸಿಸ್ಟೆಂಟ್ - ಐಐ - 1
* ರಿಸರ್ಚ್ ಅಸೋಸಿಯೇಟ್ಸ್ - ಐ - 1
* ಜೂನಿಯರ್ ರಿಸರ್ಚ್ ಫೆಲೋಷಿಪ್ - 6
* ರಿಸರ್ಚ್ ಅಸೋಸಿಯೇಟ್ಸ್ - 1
* ರಿಸರ್ಚ್ ಅಸೋಸಿಯೇಟ್ಸ್ - ಐಐಐ - 2
ಶೈಕ್ಷಣಿಕ ಅರ್ಹತೆ: ಕೆಮಿಸ್ಟ್ರಿ, ಫಿಜಿಕ್ಸ್, ಅಪ್ಲೈಡ್ ಫಿಜಿಕ್ಸ್, ಆಪ್ಟಿಕ್ಸ್ನಲ್ಲಿ ಬಿಎಸ್ಸಿ/ ಎಂಎಸ್ಸಿ/ ಪಿಎಚ್.ಡಿ, ಬಿ.ಟೆಕ್/ ಎಂ.ಟೆಕ್ ಅಧ್ಯಯನ ಮಾಡಿದ್ದು, ಪದವಿಗಳಲ್ಲಿ ಕನಿಷ್ಠ ಶೇ.55 ಅಂಕ ಪಡೆದಿರಬೇಕು. ಜೂನಿಯರ್ ರಿಸರ್ಚ್ ಫೆಲೋಷಿಪ್ಗೆ ಗೇಟ್/ನೆಟ್ ಉತ್ತೀರ್ಣರಾಗಿರಬೇಕು.
ವಯೋಮಿತಿ: ಹುದ್ದೆಗಳಿಗೆ ಅನುಗುಣವಾಗಿ 31.3.2021ಕ್ಕೆ ಅನ್ವಯವಾಗುವಂತೆ ಗರಿಷ್ಠ 28, 30, 35, 50 ವರ್ಷ ಇದೆ.
ಸ್ಟೈಪೆಂಡ್: ಹುದ್ದೆಗಳಿಗೆ ಅನುಗುಣವಾಗಿ ಮಾಸಿಕ 20,000 - 54,000 ರೂ. ಸ್ಟೈಪೆಂಡ್ ಜತೆ ಮನೆ ಬಾಡಿಗೆ ಭತ್ಯೆ ನೀಡಲಾಗುವುದು.
ಆಯ್ಕೆ ಪ್ರಕ್ರಿಯೆ: ಸ್ಕ್ರೀನಿಂಗ್ ಪ್ರಕ್ರಿಯೆ ಮೂಲಕ ಶಾರ್ಟ್ಲಿಸ್ಟ್ ಮಾಡಲಾದ ಅಭ್ಯರ್ಥಿಗಳನ್ನು ಸಂದರ್ಶನಕ್ಕೆ ಆಹ್ವಾನಿಸಲಾಗುವುದು.
ಅರ್ಜಿ ಸಲ್ಲಿಸಲು ಕೊನೇ ದಿನ: 23.3.2021
ಸಂದರ್ಶನ ನಡೆಯುವ ದಿನಾಂಕ: 31.3.2021
ಅಧಿಸೂಚನೆಗೆ: https://bit.ly/2P3iYJk
ಅರ್ಜಿ ಸಲ್ಲಿಕೆ ಮೇಲ್ ವಿಳಾಸ: recruitment@nplindia.org
ಹೆಚ್ಚಿನ ಉದ್ಯೋಗ ಸುದ್ದಿಗೆ ಕ್ಲಿಕ್ಕಿಸಿ: