ಉತ್ತರ: ನೀವು ಹೆದರಬೇಕಾಗಿಲ್ಲ. ಧೈರ್ಯವಾಗಿ ವಿಭಾಗದ ಕೇಸು ಹಾಕಿ. ನಿಮ್ಮ ತಂದೆಯ ಸ್ವಯಾರ್ಜಿತ ಆಸ್ತಿಯಲ್ಲಿ ಮತ್ತು ನಿಮ್ಮ ತಾತನಿಂದ ನಿಮ್ಮ ತಂದೆಗೆ ಬಂದ ಆಸ್ತಿಗಳಲ್ಲಿ ನಿಮಗೆ, ನಿಮ್ಮ ತಾಯಿಗೆ, ನಿಮ್ಮ ಇಬ್ಬರು ತಂಗಿಯರಿಗೆ ನಾಲ್ಕನೇ ಒಂದು ಸಮಪಾಲು ಇರುತ್ತದೆ. ಪ್ರೇಮ ವಿವಾಹ ಮಾಡಿಕೊಂಡರೆ ಆಸ್ತಿಯಲ್ಲಿ ನಿಮ್ಮ ಹಕ್ಕು ಕುಂಠಿತವಾಗುವುದಿಲ್ಲ.
ದಾವೆಯಲ್ಲಿ, ನೀವೂ ನಿಮ್ಮ ತಂದೆಯ ಮಗ ಎನ್ನುವುದನ್ನು ನಿಮ್ಮ ತಾಯಿ ಮತ್ತು ಸೋದರಿಯರು ನಿರಾಕರಿಸಿದರೆ ಆಗ ನೀವು ಆ ವಿಷಯವನ್ನು ಸಾಬೀತು ಪಡಿಸಬೇಕಾಗುತ್ತದೆ. ವಾರಸಾ ಪತ್ರಿಕೆಯಲ್ಲಿ ನಮೂದಾಗಿರುವ ಬಗ್ಗೆ ನೀವು ಹೆಚ್ಚಾಗಿ ಚಿಂತಿಸಬೇಡಿ.
ಪ್ರಕರಣದಲ್ಲಿ ನೋಟಿಸ್ ಜಾರಿ ಆದ ಮೇಲೆ ಪ್ರಕರಣವನ್ನು ಮಧ್ಯಸ್ಥಿಕೆಗೆ ಕಳಿಸಲು ನ್ಯಾಯಾಲಯವನ್ನು ಕೇಳಿಕೊಳ್ಳಿ . ಮಧ್ಯಸ್ಥಿಕೆಯಲ್ಲಿ ಏನಾದರೂ ರಾಜೀ ಸೂತ್ರಕ್ಕೂ ಬರಬಹುದು. ವಿಭಾಗದ ದಾವೆಗೆ ನ್ಯಾಯಿಕ ಶುಲ್ಕವೂ ಕಡಿಮೆ ಇರುತ್ತದೆ. ನೀವು ಯೋಚಿಸಬೇಡಿ.
ಸೂಚನೆ: ಕಾನೂನಿಗೆ ಸಂಬಂಧಿಸಿದ ನಿಮ್ಮ ಪ್ರಶ್ನೆಗಳನ್ನು susheelasarathi@yahoo.co.in ಅಥವಾ lalitha.vijayavani@gmail.com ಗೆ ಕಳುಹಿಸಬಹುದು. (ಕೋರ್ಟ್ಗಳಲ್ಲಿ ಇತ್ಯರ್ಥಕ್ಕೆ ಬಾಕಿ ಇರುವ ಪ್ರಕರಣಗಳಿಗೆ ಸಂಬಂಧಿಸಿದ ಪ್ರಶ್ನೆಗಳನ್ನು ದಯವಿಟ್ಟು ಕೇಳಬೇಡಿ)