ಉತ್ತರ:ನೀವು ಹೆದರ ಬೇಕಾಗಿಲ್ಲ. ನಿಮ್ಮ ತಂದೆಗೆ ಅವರ ಅಜ್ಜಿಯಿಂದ ವಿಲ್ ಮೂಲಕ ಬಂದ ಆಸ್ತಿ ಅವರ ಪ್ರತ್ಯೇಕ ಆಸ್ತಿ ಆಗುತ್ತದೆ. ಅದನ್ನು ಅವರು ಹೇಗೆ ಬೇಕಾದರೂ ವಿಲೇವಾರಿ ಮಾಡಬಹುದು.
ಅವರು ನಿಮಗೆ 2013ರಲ್ಲಿ ದಾನಪತ್ರ ಮಾಡಿ ನೋಂದಣಿ ಮಾಡಿದ್ದರೆ ನೀವು ಚಿಂತಿಸಬೇಕಾಗಿಲ್ಲ. ರೆವಿನ್ಯೂ ದಾಖಲೆಗಳೂ ನಿಮ್ಮ ಹೆಸರಿಗೇ ಇವೆ. ದಾನ ಪತ್ರವನ್ನು ರದ್ದು ಮಾಡಲು ಅವರು ಮೂರು ವರ್ಷದ ಒಳಗೆ ದಾವೆ ಹಾಕಬೇಕಿತ್ತು. ಹಾಗೆ ಅವರು ಹಾಕಿಲ್ಲ. ಈಗ ಒಂದು ವೇಳೆ ನಿಮ್ಮ ಮೇಲೆ ಮೋಸದ ಆರೋಪ ಮಾಡಿ ದಾವೆ ಹಾಕಿದರೆ ನೀವು ದಾವೆಯನ್ನು ಎದುರಿಸ ಬಹುದು. ನೀವು ಮೋಸ ಮಾಡಿಲ್ಲ ಎನ್ನುವುದಾದರೆ, ಹೆದರಬೇಕಾಗಿಲ್ಲ. ನಿಮ್ಮ ತಂದೆಯ ಪಿತ್ರಾರ್ಜಿತ ಆಸ್ತಿಯಲ್ಲಿಯೂ ನಿಮಗೆ ಭಾಗ ಇರುತ್ತದೆ. ನಿಮ್ಮ ಅಣ್ಣ ಅಥವಾ ನಿಮ್ಮ ತಂದೆ ದಾವೆ ಹಾಕಿದರೆ, ಪ್ರಕರಣವನ್ನು ಮಧ್ಯಸ್ಥಿಕೆಗೆ ಕಳಿಸಲು ಕೇಳಿಕೊಳ್ಳಿ . ಅಲ್ಲಿ ರಾಜೀ ಸೂತ್ರಕ್ಕೆ ಬಂದರೆ ,ನೀವೆಲ್ಲಾ ಕೂತು ನಿಮ್ಮ ಸಮಸ್ಯೆಯನ್ನು ಪರಿಹರಿಸಿಕೊಳ್ಳಬಹುದು.
ಸೂಚನೆ: ಕಾನೂನಿಗೆ ಸಂಬಂಧಿಸಿದ ನಿಮ್ಮ ಪ್ರಶ್ನೆಗಳನ್ನು susheelasarathi@yahoo.co.in ಅಥವಾ lalitha.vijayavani@gmail.com ಗೆ ಕಳುಹಿಸಬಹುದು. (ಕೋರ್ಟ್ಗಳಲ್ಲಿ ಇತ್ಯರ್ಥಕ್ಕೆ ಬಾಕಿ ಇರುವ ಪ್ರಕರಣಗಳಿಗೆ ಸಂಬಂಧಿಸಿದ ಪ್ರಶ್ನೆಗಳನ್ನು ದಯವಿಟ್ಟು ಕೇಳಬೇಡಿ)
ದಾಂಪತ್ಯದಲ್ಲಿ ಸಮರಸ ಮೂಡುವುದು ಹೇಗೆ ಎಂಬ ಕುರಿತಾಗಿ ಎಸ್.ಸುಶೀಲಾ ಚಿಂತಾಮಣಿಯವರು ತಿಳಿಸಿರುವ ವಿಡಿಯೋಗಾಗಿ ಇಲ್ಲಿ ಕ್ಲಿಕ್ಕಿಸಿ.