ಮುಂಬೈ: ಯೆಸ್ ಬ್ಯಾಂಕ್ ಷೇರುಗಳಿಗೆ ಇತ್ತೀಚಿನ ದಿನಗಳಲ್ಲಿ ಸಾಕಷ್ಟು ಬೇಡಿಕೆ ಬರುತ್ತಿದ್ದು, ಹೆಚ್ಚಿನ ಬೆಲೆಗೆ ಮಾರಾಟವಾಗುತ್ತಿವೆ.
ಕಳೆದ ಒಂದು ತಿಂಗಳಲ್ಲಿ ಈ ಷೇರುಗಳ ಬೆಲೆ 18.05%ರಷ್ಟು ಹೆಚ್ಚಾಗಿದೆ. ಮೂರು ತಿಂಗಳಲ್ಲಿ 55.31% ಏರಿಕೆ ಕಂಡಿದೆ.
2019 ರಲ್ಲಿ, ಚುನಾವಣಾ ಸಮಯದಲ್ಲಿ ಕೂಡ ಈ ಸ್ಟಾಕ್ 21 ಪ್ರತಿಶತದಷ್ಟು ಹೆಚ್ಚಾಗಿತ್ತು. ಈಗ ಚುನಾವಣೆ ಸಮೀಪಿಸುತ್ತಿರುವ ಈ ಸಂದರ್ಭದಲ್ಲಿ ಮತ್ತದೇ ಪ್ರವೃತ್ತಿ ಕಂಡುಬರುತ್ತಿದೆ. 2019 ರಲ್ಲಿ ಚುನಾವಣಾ ರಾಜಕೀಯ ವಾತಾವರಣದ ಹೊರತಾಗಿಯೂ, ಜನವರಿಯಲ್ಲಿ ಬಿಡುಗಡೆಯಾದ ಡಿಸೆಂಬರ್ ತ್ರೈಮಾಸಿಕ ಫಲಿತಾಂಶಗಳಿಂದ ಷೇರುಗಳು ಬೆಂಬಲವನ್ನು ಪಡೆದಿದ್ದವು. ಈ ಬಾರಿಯೂ ಇದೇ ಬೆಳವಣಿಗೆ ಪುನರಾವರ್ತಿತವಾಗುವ ಪರಿಸ್ಥಿತಿ ಕಂಡು ಬರುತ್ತಿದೆ.
ಅಚ್ಚರಿಯ ಸಂಗತಿ ಎಂದರೆ, 2018ರ ಆಗಸ್ಟ್ 17ರಂದು ಈ ಷೇರಿನ ಬೆಲೆ 393.20 ರೂಪಾಯಿ ತಲುಪಿತ್ತು. ಆದರೆ, ಈಗ 28.85 ರೂಪಾಯಿ ಇದೆ. ಈಗ ಏರುಗತಿ ಇರುವುದರಿಂದ ಭವಿಷ್ಯದಲ್ಲಿ ಈ ಷೇರು 38 ರಿಂದ 84 ರೂಪಾಯಿವರೆಗೆ ಹೆಚ್ಚಳ ಕಾಣಬಹುದು ಎಂದು ವಿಶ್ಲೇಷಕರ ಲೆಕ್ಕಾಚಾರವಾಗಿದೆ.
2019 ರ ವರ್ಷದಲ್ಲಿ, ಯೆಸ್ ಬ್ಯಾಂಕ್ನ ಷೇರುಗಳು ಡಿಸೆಂಬರ್ 31, 2018 ರಂದು ರೂ 181.75 ತಲುಪಿದ್ದವು. ನಂತರ, ಜನವರಿ 25, 2019 ರಂದು, ಈ ಷೇರುಗಳು ಅಂದಾಜು 21 ಪ್ರತಿಶತದಷ್ಟು ಏರಿಕೆ ಕಂಡು, 219.65 ರ ಬೆಲೆಗೆ ಬಂದವು. ಡಿಸೆಂಬರ್ 2018 ರ ತ್ರೈಮಾಸಿಕದ ಫಲಿತಾಂಶಗಳನ್ನು ಜನವರಿ 23, 2019 ರಂದು ಪ್ರಕಟಿಸಲಾಗಿತು.
2019 ರ ಸಂಪೂರ್ಣ ಹಣಕಾಸು ವರ್ಷದ ಆರ್ಥಿಕ ಫಲಿತಾಂಶಗಳ ಸಮಯ ಬಂದಾಗ ಷೇರುಗಳು ಬೆಲೆ 237.70 ರೂ. ಮಟ್ಟಕ್ಕೆ ಏರಿದೆ. ಅಂದು ವರ್ಷದ ವಾರ್ಷಿಕ ಫಲಿತಾಂಶವನ್ನು 25 ಏಪ್ರಿಲ್ 2019 ರಂದು ಪ್ರಕಟಿಸಲಾಗಿತ್ತು.
ಈ ವರ್ಷದ 2024 ರ ಸಂದರ್ಭದಲ್ಲಿ, ಈ ಬ್ಯಾಂಕಿನ ಷೇರಿನ ಬೆಲೆಯು 2023, ಡಿಸೆಂಬರ್ 29, 2023 ರ ಅಂತಿಮ ವಹಿವಾಟಿನ ದಿನದಂದು 21.46 ರೂಪಾಯಿಗೆ ತಲುಪಿತ್ತು.
2024 ರ ಜನವರಿ 25 ರಂದು ಇದು ಅಂದಾಜು 16 ಪ್ರತಿಶತದಷ್ಟು ಏರಿ 24.88 ರೂ.ಗೆ ತಲುಪಿತು.
2023 ರ ಅಕ್ಟೋಬರ್ 23 ರಂದು ಯೆಸ್ ಬ್ಯಾಂಕ್ ಷೇರುಗಳ ಬಲೆ 14.10 ರೂಪಾಯಿಯ ಕನಿಷ್ಠ ಮಟ್ಟದಲ್ಲಿತ್ತು. ಇದನ್ನು ಅನುಸರಿಸಿ, ಕೇವಲ 2 1/2 ತಿಂಗಳುಗಳಲ್ಲಿ ಇದು 86 ಪ್ರತಿಶತದಷ್ಟು ಅಧಿಕವಾಯಿತು.
ಯೆಡ್ ಬ್ಯಾಂಕ್ ಲಿಮಿಟೆಡ್ (Yes Bank Ltd.) ವಾಣಿಜ್ಯ ಬ್ಯಾಂಕಿಂಗ್ ಸೇವೆಗಳು ಮತ್ತು ಉತ್ಪನ್ನಗಳನ್ನು ನೀಡುತ್ತದೆ. ಇದು ಭಾರತದ ಮುಂಬೈನಲ್ಲಿರುವ ಬ್ಯಾಂಕ್ ಆಗಿದೆ. ಇದನ್ನು 2004 ರಲ್ಲಿ ಸ್ಥಾಪಿಸಲಾಯಿತು. ಇದು ತನ್ನ ಗ್ರಾಹಕರಿಗೆ ಕಾರ್ಪೊರೇಟ್ ಮತ್ತು ವಾಣಿಜ್ಯ ಶಾಖೆಗಳನ್ನು ಒದಗಿಸುತ್ತದೆ.