ಬೆಂಗಳೂರು: ಚಿತ್ರದುರ್ಗದ ರೇಣುಕಸ್ವಾಮಿ ಕೊಲೆ ಪ್ರಕರಣದಲ್ಲಿ ಸದ್ಯ ಜೈಲಿನಲ್ಲಿರುವ ಎ2 ದರ್ಶನ್ ಮತ್ತು ಎ1 ಪವಿತ್ರಾ ಗೌಡ ಸೇರಿದಂತೆ ಇತರೆ ಆರೋಪಿಗಳು ದೋಷಾರೋಪ ಪ್ರಕ್ರಿಯೆ ಹಿನ್ನೆಲೆ ಕೋರ್ಟ್ಗೆ ಹಾಜರಾದರು. ಇದೀಗ ವಿಚಾರಣೆಯನ್ನು ಬೆಂಗಳೂರಿನ 64ನೇ ಸಿಸಿಎಚ್ ನ್ಯಾಯಾಲಯ ನ.10ಕ್ಕೆ ಮುಂದೂಡಿದೆ.
ದರ್ಶನ್, ಪವಿತ್ರಾ ಗೌಡ ಸೇರಿದಂತೆ ಇನ್ನುಳಿದ ಆರೋಪಿಗಳ ದೋಷಾರೋಪ ಪ್ರಕ್ರಿಯೆಯ ಹಿನ್ನೆಲೆ ನ್ಯಾಯಾಲಯಕ್ಕೆ 81 ದಿನಗಳ ಬಳಿಕ ಹಾಜರುಪಡಿಸಲಾಯಿತು. ದರ್ಶನ್ ಮತ್ತು ಪವಿತ್ರಾ ಇಬ್ಬರೂ ಪ್ರತ್ಯೇಕ ವಾಹನಗಳಲ್ಲಿ ಕೋರ್ಟ್ಗೆ ಹಾಜರಾದರು. ಎರಡೂವರೆ ತಿಂಗಳ ಬಳಿಕ ಚಾರ್ಚ್ ಫ್ರೇಮ್ ಹಿನ್ನೆಲೆ ಕೋರ್ಟ್ ಮೆಟ್ಟಿಲೇರಿದ ಆರೋಪಿಗಳ ವಿಚಾರಣೆಯನ್ನು ಸದ್ಯ ನ್ಯಾಯಾಲಯ ಇದೇ ನವೆಂಬರ್ 10ಕ್ಕೆ ಮುಂದೂಡಿಕೆ ಮಾಡಿದೆ.
ಪ್ರಕರಣದ 17 ಆರೋಪಿಗಳನ್ನು ಇಂದು ಕೋರ್ಟ್ಗೆ ಹಾಜರಾಗುವಂತೆ ನ್ಯಾಯಾಲಯ ತಿಳಿಸಿತ್ತು. ಎಲ್ಲ ಆರೋಪಿಗಳು ಹಾಜರಾದ ಬಳಿಕ ಅವರ ದೋಷಾರೋಪಗಳನ್ನು ಓದಿ, ನಂತರದಲ್ಲಿ ಆ ಕುರಿತಂತೆ ಆರೋಪಿಗಳನ್ನು ನ್ಯಾಯಾಧೀಶರು ಪ್ರಶ್ನಿಸಲಿದ್ದಾರೆ.
ಇದನ್ನೂ ಓದಿ: ‘ಸಾಹಸಸಿಂಹ’ ನಟನೆಯ ಬ್ಲಾಕ್ಬಸ್ಟರ್ ‘ಯಜಮಾನ’ ಮತ್ತೆ ತೆರೆಗೆ! 25 ವರ್ಷಗಳ ಸಂಭ್ರಮ, ರೀ-ರಿಲೀಸ್ ದಿನಾಂಕ ಫಿಕ್ಸ್ | Yajamana
ತಮ್ಮ ಮೇಲಿರುವ ದೋಷಾರೋಪವನ್ನು ಆರೋಪಿಗಳು ನಿರಾಕರಿಸಿದರೆ, ಲಭ್ಯವಿರುವ ಸಾಕ್ಷ್ಯಗಳ ಮೂಲಕ ಕೇಸ್ನ ವಿಚಾರಣೆ ನಡೆಯಲಿದೆ. ನ್ಯಾಯಾಧೀಶರು ದೋಷಾರೋಪ ಓದಿದ ಬಳಿಕ ಆರೋಪಿಗಳು ತಪ್ಪನ್ನು ಒಪ್ಪಿಕೊಂಡರೆ ಶಿಕ್ಷೆ ಪ್ರಕಟವಾಗುವ ಸಾಧ್ಯತೆಗಳು ಇವೆ. ಇಲ್ಲವಾದರೆ, ಟ್ರಯಲ್ ಪ್ರಕ್ರಿಯೆ ಶುರುವಾಗಲಿದೆ.