ಬೆಂಗಳೂರು: ಇದೇ ಮೊದಲ ಬಾರಿಗೆ ಕರ್ನಾಟಕದಲ್ಲಿ ಆಯೋಜಿಸಲಾಗಿದ್ದ ಮಹಾರುದ್ರ ಕಿರಾತಮೂರ್ತಿ ಯಜ್ಞವು ಭಾನುವಾರ 24 ಸಾವಿರ ತೆಂಗಿನಕಾಯಿ ಸಮರ್ಪಣೆ ಮೂಲಕ ಸಂಪನ್ನಗೊಂಡಿತು.
ಬಾಗಲಗುಂಟೆಯ ಹೆಸರಘಟ್ಟ ರಸ್ತೆಯಲ್ಲಿರುವ ಎಂಇಐ ಮೈದಾನದಲ್ಲಿ ಹಮ್ಮಿಕೊಂಡಿದ್ದ ಯಜ್ಞದ 2ನೇ ದಿನದ ಕಾರ್ಯಕ್ರಮಗಳು ಬೆಳಗ್ಗೆ 6 ಗಂಟೆಯಿಂದ ರಾತ್ರಿ 11 ಗಂಟೆಯ ವರೆಗೆ ನಡೆಯಿತು. ಗಣಪತಿ ಹೋಮದೊಂದಿಗೆ ಆರಂಭವಾಗಿ ದೇವರಿಗೆ ಪ್ರಭಾತ ಸೇವೆ, ಕಿರಾತಮೂರ್ತಿಯ ಮುಳ್ಳಕ್ಕಲ್ ಪಟ್ಟು (ಆಯುಧ) ಮೆರವಣಿ ನಡೆಯಿತು. ಆ ನಂತರ ಬಹು ಆಕರ್ಷಿತ ಯಜ್ಞವು ಆರಂಭವಾಯಿತು.
ಯಜ್ಞದ ಪ್ರಧಾನ ಅಕರ್ಷಣೆ ತೆಂಗಿನಕಾಯಿ ಅರ್ಪಣೆ. ಹಿಂದು ಸಂಸ್ಕೃತಿಯಲ್ಲಿ ದೇವರಿಗೆ ತೆಂಗಿನಕಾಯಿ ಅರ್ಪಿಸುವುದು ಸಾಮಾನ್ಯ. ಆದರೆ ಮಹಾರುದ್ರ ಕಿರಾತ ಯಜ್ಞದಲ್ಲಿ 12 ಸಾವಿರ ತೆಂಗಿನಕಾಯಿಗಳನ್ನು ಈಡುಗಾಯಿ ಸೇವೆಯ ರೂಪದಲ್ಲಿ ದೇವರಿಗೆ ಅರ್ಪಿಸಲಾಗುತ್ತದೆ. ಇದನ್ನು ಪಂದಿರಾಯಿ ಸೇವೆ ಎನ್ನಲಾಗುತ್ತದೆ. ಆದರೆ ಬೆಂಗಳೂರಿನಲ್ಲಿ ಜೋಡಿ ಪಂದಿರಾಯಿ ಸೇವೆ ನಡೆಯಿತು. ಇಪ್ಪತ್ನಾಲ್ಕು ಸಾವಿರದ ಎಂಟು (24008) ತೆಂಗಿನ ಕಾಯಿಗಳನ್ನು ಒಡೆಯುವ ಮೂಲಕ ದಾಖಲೆಯ ಯಜ್ಞ ಸಂಪನ್ನವಾಯಿತು.
ರೀಪ್ ಫೌಂಡೇಶನ್ ಆಯೋಜಿಸಿದ್ದ ಈ ಐತಿಹಾಸಿಕ ಕಾರ್ಯಕ್ರಮವನ್ನು ಕೇರಳದಿಂದ ಬಂದಿದ್ದ ನೂರಕ್ಕು ಹೆಚ್ಚಿನ ತಂತ್ರಿಗಳು, ಅರ್ಚಕರು, ದೈವಪಾತ್ರಿಗಳು ನಡೆಸಿಕೊಟ್ಟರು. ವಿಶೇಷವೆಂಬಂತೆ ಏಕವ್ಯಕ್ತಿ ಸುಮಾರು ಆರೂವರೆ ಗಂಟೆಗಳ ಕಾಲ ನಿರಂತರವಾಗಿ ಎರಡು ಕೈಗಳಿಂದ 24008 ತೆಂಗಿನಕಾಯಿಗಳನ್ನು ಒಡೆದ ದೃಶ್ಯ ಬೆಂಗಳೂರಿಗರ ಹುಬ್ಬೇರುವಂತೆ ಮಾಡಿತ್ತು. ಸಾವಿರಾರು ಜನ ಶ್ರದ್ಧಾಭಕ್ತಿಯಿಂದ ಯಜ್ಞದಲ್ಲಿ ಪಾಲ್ಗೊಂಡಿದ್ದರು. ಪೂರ್ಣಾಹುತಿಯ ನಂತರ ಎಲ್ಲರಿಗೂ ಅನ್ನದಾನ ಹಾಗೂ ಯಜ್ಞದ ಪ್ರಸಾದವನ್ನು ವಿತರಿಸಲಾಯಿತು.
ಕಾರ್ಯಕ್ರಮದಲ್ಲಿ ಮಾಜಿ ಸಚಿವ ರಾಮಚಂದ್ರ ಗೌಡ, ಶಾಸಕ ಎಸ್.ಮುನಿರಾಜು, ಸತ್ಯಸಾಯಿ ಕೇಂದ್ರದ ಅರವಿಂದಾಕ್ಷಣ, ಸೂರಜ್ ಫೌಂಡೇಶನ್ ಅಧ್ಯಕ್ಷೆ ಸುಜಾತ ಮುನಿರಾಜು, ಬಿಜೆಪಿ ಯುವ ಮುಖಂಡ ವಿನೋದ್ ಗೌಡ ಮತ್ತಿತರರು ಪಾಲ್ಗೊಂಡಿದ್ದರು.
-ರಾಮಚಂದ್ರ ಗೌಡ, ಮಾಜಿ ಸಚಿವ
-ಎಸ್.ಮುನಿರಾಜು, ದಾಸರಹಳ್ಳಿ ಶಾಸಕ
-ಭೃಗೇಂದ್ರ ಪಿ.ಭಟ್, ಭಕ್ತರು