ನವದೆಹಲಿ: ಹೈಟಿಯನ್ ರಾಷ್ಟ್ರದ ಅಧ್ಯಕ್ಷ ಜೋವೆನೆಲ್ ಮೋಯಿಸ್ ಹತ್ಯೆಯ ಬಗ್ಗೆ ಪ್ರಧಾನಿ ನರೇಂದ್ರ ಮೋದಿ ಕಳವಳ ವ್ಯಕ್ತಪಡಿಸಿದ್ದು, ಅವರ ಸಾವಿಗೆ ಸಂತಾಪ ಸೂಚಿಸಿದ್ದಾರೆ.
ಗುರುವಾರ ರಾತ್ರಿ ಟ್ವೀಟ್ ಮಾಡಿರುವ ಪ್ರಧಾನಿ ಮೋದಿ, ಹೈಟಿ ದೇಶದ ಅಧ್ಯಕ್ಷ ಜೋವೆನೆಲ್ ಮೋಯಿಸ್ ಹತ್ಯೆ ಮತ್ತು ಪ್ರಥಮ ಮಹಿಳೆ ಮಾರ್ಟಿನ್ ಮೋಯಿಸ್ ಮೇಲಿನ ದಾಳಿಯ ಬಗ್ಗೆ ತಿಳಿದು ದುಃಖವಾಯಿತು. ಅಧ್ಯಕ್ಷರ ಕುಟುಂಬ ಮತ್ತು ಹೈಟಿ ದೇಶದ ಜನರಿಗೆ ನನ್ನ ಸಂತಾಪಗಳು ಎಂದು ಮೋದಿ ಹೇಳಿದ್ದಾರೆ.
ಅಪರಿಚಿತ ಗುಂಪೊಂದು ಹೈಟಿಯನ್ ಅಧ್ಯಕ್ಷ ಜೊವೆನೆಲ್ ಮೋಯಿಸ್ ಅವರ ಖಾಸಗಿ ನಿವಾಸದ ಮೇಲೆ ಕಳೆದ ಮಂಗಳವಾರ ದಾಳಿ ಮಾಡಿ ಮೋಯಿಸ್ ಅವರನ್ನು ಹತ್ಯೆ ಮಾಡಿದೆ. ಬುಧವಾರ ಈ ವಿಚಾರವನ್ನು ಹೈಟಿ ದೇಶದ ಹಂಗಾಮಿ ಪ್ರಧಾನಿ ಕ್ಲೌಡ್ ಜೋಸೆಫ್ ತಿಳಿಸಿದರು. ದಾಳಿಯಲ್ಲಿ ಹೈಟಿಯನ್ ಪ್ರಥಮ ಮಹಿಳೆ ಮಾರ್ಟಿನ್ ಮೋಯಿಸ್ ಗಾಯಗೊಂಡು ಆಸ್ಪತ್ರೆಗೆ ದಾಖಲಾಗಿದ್ದಾರೆ.
11 ದಶಲಕ್ಷಕ್ಕೂ ಹೆಚ್ಚು ಜನರಿರುವ ರಾಷ್ಟ್ರವು ಮೋಯಿಸ್ ಆಳ್ವಿಕೆಯಲ್ಲಿ ಹೆಚ್ಚು ಅಸ್ಥಿರವಾಗಿ ಮತ್ತು ಅಸಮಾಧಾನಗೊಂಡಿದೆ ಎಂದು ತಿಳಿದುಬಂದಿದೆ. ಪೋರ್ಟ್ ಔ ಪ್ರಿನ್ಸ್ನ ರಾಜಧಾನಿಯಲ್ಲಿ ಸಾಮೂಹಿಕ ಹಿಂಸಾಚಾರವು ಹೆಚ್ಚಾಗುತ್ತಿರುವುದರಿಂದ, ಹಣದುಬ್ಬರ ಮತ್ತು ಆಹಾರ ಮತ್ತು ಇಂಧನವು ವಿರಳವಾಗುತ್ತಿದೆ. ದೇಶದ ಆರ್ಥಿಕ, ರಾಜಕೀಯ ಮತ್ತು ಸಾಮಾಜಿಕ ಸಮಸ್ಯೆಗಳು ತೀವ್ರವಾಗಿದೆ. (ಏಜೆನ್ಸೀಸ್)