ನವದೆಹಲಿ: ಎಂದಾದರೂ ನೀವು ಗೋರಿಲ್ಲಾ ಸೈಕಲ್ ತುಳಿಯುವುದನ್ನು ನೋಡಿದ್ದೀರಾ? ನೋಡಿಲ್ಲ ಅಂದ್ರೆ ಇಲ್ಲಿದೆ ನೋಡಿ. ಗೊರಿಲ್ಲಾ ಒಂದು ಸೈಕಲ್ ತುಳಿಯುವ ವಿಡಿಯೋ ಸದ್ಯ ಸಾಮಾಜಿಕ ಜಾಲತಾಣದಲ್ಲಿ ಸಿಕ್ಕಾಪಟ್ಟೆ ವೈರಲ್ ಆಗಿದೆ.
ಐಎಫ್ಎಸ್ ಅಧಿಕಾರಿ ಸಾಮ್ರಾಟ್ ಗೌಡ ಎಂಬುವರು ಬುಧವಾರ ತಮ್ಮ ಟ್ವಿಟರ್ ಖಾತೆಯಲ್ಲಿ ವಿಡಿಯೋ ಶೇರ್ ಮಾಡಿಕೊಂಡಿದ್ದಾರೆ. ಸೈಕಲ್ ತುಳಿಯುತ್ತಲೇ ನಿಯಂತ್ರಣ ಕಳೆದುಕೊಂಡು ಕೆಳಗೆ ಬೀಳುವ ಗೋರಿಲ್ಲಾ, ಕೋಪದಿಂದ ಸೈಕಲ್ ಸಹವಾಸವೇ ಬೇಡ ಅಂತಾ ದೂರ ಎಸೆಯುವುದು ವಿಡಿಯೋದಲ್ಲಿದೆ.
ಸದ್ಯ ಈ ವಿಡಿಯೋ ಸಿಕ್ಕಾಪಟ್ಟೆ ವೈರಲ್ ಆಗಿದೆ. ಗೊರಿಲ್ಲಾ ಸೈಕಲ್ ತುಳಿಯುವ ಸ್ಟೈಲ್ಗೆ ನೆಟ್ಟಿಗರು ಫಿದಾ ಆಗಿದ್ದಾರೆ. ಸಾಮ್ರಾಟ್ ಗೌಡ್ ಶೇರ್ ಮಾಡಿರುವ ವಿಡಿಯೋ ಈಗಾಗಲೇ 69 ಸಾವಿರಕ್ಕೂ ಅಧಿಕ ವೀಕ್ಷಣೆ ಪಡೆದುಕೊಂಡಿದೆ. 3 ಸಾವಿರಕ್ಕೂ ಹೆಚ್ಚು ಲೈಕ್ಸ್ಗಳು ಬಂದಿವೆ. ಈ ವಿಡಿಯೋ ಮೂಲ ಎಲ್ಲಿಯದು ಎಂಬುದು ತಿಳಿದುಬಂದಿಲ್ಲ. ಆದರೆ ವಿಡಿಯೋ ಮಾತ್ರ ನೆಟ್ಟಿಗರ ಮನ ಗೆದ್ದಿದೆ. (ಏಜೆನ್ಸೀಸ್)