ಸುಮಾರು 8 ವರ್ಷಗಳ ಬಳಿಕ ವಾಯುವ್ಯ ದ್ವೀಪದ ಹಳ್ಳಿಯೊಂದರಲ್ಲಿ ಮೊದಲ ಬಾರಿಗೆ ಕಾಣಿಸಿಕೊಂಡ ಅಪರೂಪದ ಬಿಳಿ ಕರಡಿಯನ್ನು(Polar Bear) ಪೊಲೀಸರು ಗುಂಡಿಕ್ಕಿ ಕೊಂದಿದ್ದಾರೆ(Shot dead) . ಈ ಘಟನೆ ವನ್ಯಜೀವಿ ಪ್ರಿಯರಲ್ಲಿ ಆಕ್ರೋಶವನ್ನುಂಟು ಮಾಡಿದೆ. ವಾಯುವ್ಯ ಐಸ್ಲ್ಯಾಂಡ್ ದ್ವೀಪದಲ್ಲಿ ಹಿಮಕರಡಿಯನ್ನು 2016ರಲ್ಲಿ ನೋಡಲಾಯಿತು. ಹಿಮಕರಡಿ ಒಂಬತ್ತನೇ ಶತಮಾನದಿಂದ ಕೇವಲ 600 ಬಾರಿ ಕಾಣಿಸಿಕೊಂಡಿದೆ.
ಸದ್ಯ ಹತ್ಯೆಗೀಡಾಗಿರುವ ಕರಡಿಯ ತೂಕ 150 ರಿಂದ 200ಕೆ.ಜಿ. ಇದೆ. ಐಸ್ಲ್ಯಾಂಡಿಕ್ ಇನ್ಸ್ಟಿಟ್ಯೂಟ್ ಆಫ್ ನ್ಯಾಚುರಲ್ ಹಿಸ್ಟರಿ ಈ ಬಗ್ಗೆ ಸಂಶೋಧನೆ ನಡೆಸಲಿದೆ ಎಂದು ವರದಿಯಾಗಿದೆ. ವಾಯುವ್ಯ ದ್ವೀಪದಲ್ಲಿ ಹಿಮಕರಡಿಯ ಹತ್ಯೆಗೆ ಸಂಬಂಧಿಸಿದಂತೆ 8 ವರ್ಷಗಳ ನಂತರ ಈ ಕರಡಿ ದ್ವೀಪದಲ್ಲಿ ಕಾಣಿಸಿಕೊಂಡರೂ ಅದು ಹಳ್ಳಿಯ ವಸತಿ ಪ್ರದೇಶಕ್ಕೆ ಪ್ರವೇಶಿಸಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.
ಗ್ರಾಮದಲ್ಲಿ ವಾಸವಾಗಿರುವ ಮಹಿಳೆಯೊಬ್ಬರ ಮನೆಯ ಹೊರಗೆ ಈ ಕರಡಿ ಬಂದಿತ್ತು. ಬಿಳಿ ಕರಡಿ ಮನೆಯ ಎದುರಲ್ಲಿ ಹಾಕಿದ್ದ ಕಸದಲ್ಲಿ ಏನೋ ಹುಡುಕುತ್ತಿದ್ದನು ಮಹಿಳೆ ನೋಡಿದ್ದಾರೆ. ನಂತರ ಅವರು ಸಹಾಯಕ್ಕಾಗಿ ರೇಕ್ಜಾವಿಕ್ನಲ್ಲಿರುವ ತನ್ನ ಮಗಳಿಗೆ ಕರೆ ಮಾಡಿದ್ದಾರೆ. ಈ ಕರಡಿಗಳು ನರಭಕ್ಷಕಗಳಾಗಿರುವುದರಿಂದ ಈ ಮಹಿಳೆ ಭಯಗೊಂಡಿದ್ದು, ಗ್ರಾಮಸ್ಥರಿಂದ ಈ ವಿಷಯ ತಿಳಿಸಿದ ಬಳಿಕ ಪೊಲೀಸರು ಜನರ ಸುರಕ್ಷತೆಗಾಗಿ ಈ ನಿರ್ಧಾರವನ್ನು ತೆಗೆದುಕೊಂಡಿದ್ದಾಗಿ ಪೊಲೀಸರು ತಿಳಿಸಿದ್ದಾರೆ. ಈ ಕರಡಿ ಕಂಡು ಮನೆಯ ಮುಂದೆ ಭಯದಿಂದ ಮೇಲಿನ ಮಹಡಿಯಲ್ಲಿ ಬೀಗ ಹಾಕಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.
ಹಿಮಕರಡಿಗಳು ಅಂದರೆ ಬಿಳಿ ಕರಡಿಗಳು ಈ ದ್ವೀಪಕ್ಕೆ ಸ್ಥಳೀಯವಾಗಿಲ್ಲ. ಆದರೆ ಕೆಲವೊಮ್ಮೆ ಅವು ಐಸ್ ತುಂಡುಗಳ ಮೇಲೆ ತೇಲುತ್ತಾ ಗ್ರೀನ್ಲ್ಯಾಂಡ್ನಿಂದ ದಡಕ್ಕೆ ಬರುತ್ತವೆ ಎಂದು ಪೊಲೀಸರು ತಿಳಿಸಿದ್ದಾರೆ. ಈಗ ವಿಜ್ಞಾನಿಗಳು ಪರಾವಲಂಬಿಗಳು ಮತ್ತು ಸೋಂಕುಗಳನ್ನು ಪರೀಕ್ಷಿಸಲು, ಕರಡಿಯ ಅಂಗಗಳ ಆರೋಗ್ಯ ಮತ್ತು ದೇಹದ ಕೊಬ್ಬಿನ ಶೇಕಡಾವಾರು ಪ್ರಮಾಣವನ್ನು ನಿರ್ಧರಿಸಲು ಅದರ ತಲೆಬುರುಡೆಯನ್ನು ಸಂರಕ್ಷಿಸಲು ಯೋಜಿಸಿದ್ದಾರೆ.
ಹಿಮಕರಡಿ ಬಗೆಗಿನ ಮಾಹಿತಿ: ವಾಸ್ತವವಾಗಿ ಹಿಮಕರಡಿಗಳು ಈ ದ್ವೀಪದಲ್ಲಿ ಸಂರಕ್ಷಿತ ಜಾತಿಗಳಾಗಿವೆ. ಆದರೆ ಅವು ಮನುಷ್ಯರಿಗೆ ಅಥವಾ ಇತರ ಪ್ರಾಣಿಗಳಿಗೆ ಅಪಾಯವನ್ನುಂಟುಮಾಡಿದರೆ ಅವುಗಳನ್ನು ಈ ರೀತಿಯಲ್ಲಿ ಕೊಲ್ಲಲಾಗುತ್ತದೆ. ಹಿಮಕರಡಿಯು ಆರ್ಕ್ಟಿಕ್ ಮಹಾಸಾಗರ ಅದರ ಸುತ್ತಮುತ್ತಲಿನ ಸಮುದ್ರಗಳು ಮತ್ತು ಭೂಪ್ರದೇಶಗಳಲ್ಲಿ ವಿಶೇಷವಾಗಿ ಆರ್ಕ್ಟಿಕ್ ವೃತ್ತದಲ್ಲಿ ವಾಸಿಸುವ ಕರಡಿಯಾಗಿದೆ. ಈ ಕರಡಿ ವಿಶ್ವದ ಅತಿ ದೊಡ್ಡ ಮಾಂಸಾಹಾರಿ. ಕೊಡಿಯಾಕ್ ಕರಡಿಯಂತೆ ಹಿಮಕರಡಿಯು ಭೂಮಿಯ ಮೇಲಿನ ಅತಿದೊಡ್ಡ ಕರಡಿ ಎಂದು ಹೇಳಲಾಗುತ್ತದೆ.(ಏಜೆನ್ಸೀಸ್)