Shashi Tharoor: ಇತ್ತೀಚೆಗೆ ಭಾರತದ ಸುಂಕದ ಕುರಿತು ಡೊನಾಲ್ಡ್ ಟ್ರಂಪ್ರ ಸಹಾಯಕ ಪೀಟರ್ ನವರೊ ನೀಡಿದ್ದ ಹೇಳಿಕೆಯ ವಿರುದ್ಧ ಕಾಂಗ್ರೆಸ್ ಸಂಸದ ಶಶಿ ತರೂರ್ ವಾಗ್ದಾಳಿ ನಡೆಸಿದ್ದು, ಉಭಯ ದೇಶಗಳ ನಡುವೆ ಸಂಬಂಧಗಳು ಹತ್ತಿರವಾಗುವ ಸಂದರ್ಭದಲ್ಲಿ ಇಂತಹ ಭಾಷೆ ಬಳಸುವ ಅಗತ್ಯವಿರಲಿಲ್ಲ ಎಂದು ಕಿಡಿಕಾರಿದ್ದಾರೆ.
ಯುಎಸ್ ಶ್ವೇತಭವನದ ವ್ಯಾಪಾರ ಮತ್ತು ಉತ್ಪಾದನೆಯ ಹಿರಿಯ ಸಲಹೆಗಾರ ಪೀಟರ್ ನವರೊ, ಇತ್ತೀಚೆಗೆ ಭಾರತವನ್ನು ಸುಂಕಗಳ ಮಹಾರಾಜ ಮತ್ತು ರಷ್ಯಾದ ಲಾಂಡ್ರೋಮಾರ್ಟರ್ ಮತ್ತು ಉಕ್ರೇನ್ ಸಂಘರ್ಷವನ್ನು ಮೋದಿಯ ಯುದ್ಧ ಎಂದು ಕರೆದಿದ್ದರು. ನವರೊ ಅಲ್ಲದೆ, ಬ್ರಾಹ್ಮಣರು ಭಾರತೀಯ ಜನರ ವೆಚ್ಚದಲ್ಲಿ ಲಾಭ ಗಳಿಸುತ್ತಿದ್ದಾರೆ ಎಂದು ಆರೋಪಿಸಿದ್ದರು.
ಈ ಬಗ್ಗೆ ಸಂದರ್ಶನವೊದರಲ್ಲಿ ಮಾತನಾಡಿದ ತರೂರ್, ಅಮೆರಿಕದ ಸುಂಕಗಳನ್ನು ವಿಧಿಸುವ ಅನ್ಯಾಯವು ಖಂಡಿತವಾಗಿಯೂ ಭಾರತದಲ್ಲಿ ಬಲವಾದ ಪ್ರತಿಕ್ರಿಯೆಯನ್ನು ಸೃಷ್ಟಿಸಿದೆ. ಟ್ರಂಪ್ ಸ್ವಂತ ಹೇಳಿಕೆಗಳು ಮತ್ತು ಟ್ವೀಟ್ಗಳಲ್ಲಿ ಸ್ವಂತ ಭಾಷೆಯಿಂದ ಅವಮಾನಗಳನ್ನು ಉಂಟುಮಾಡಿದೆ ಎಂದು ಹೇಳಿದರು.
ಟ್ರಂಪ್ ಸಲಹೆಗಾರ ಪೀಟರ್ ನವರೊ ಅತ್ಯಂತ ಆಕ್ರಮಣಕಾರಿ ಹೇಳಿಕೆಗಳು ದೇಶಾದ್ಯಂತ ಪ್ರತಿಕ್ರಿಯೆಯನ್ನು ಪಡೆದಿವೆ. 30 ವರ್ಷಗಳ ಸಂಬಂಧದಲ್ಲಿ ಯಾವುದೇ ನಿರ್ದಿಷ್ಟ ಸಮಸ್ಯೆ ಇಲ್ಲದಿದ್ದರೆ, ಇದು ಹೆಚ್ಚಿನ ನಿಕಟತೆಯತ್ತ ಸಾಗುತ್ತಿದೆ. ಅಲ್ಲದೆ, ನೀವು ಭಾರತದ ಬಗ್ಗೆ ಈ ರೀತಿಯ ಭಾಷೆಯನ್ನು ಏಕೆ ಬಳಸುತ್ತೀರಿ? ಇದನ್ನು ಪ್ರಶಂಸಿಸಲಾಗಿಲ್ಲ ಎಂದು ಕಾಂಗ್ರೆಸ್ ಸಂಸದ ಕಿಡಿಕಾರಿದ್ದಾರೆ.
ಮುಂದುವರೆದು ಮಾತನಾಡಿದ ಶಶಿ ತರೂರ್, ಡೊನಾಲ್ಡ್ ಟ್ರಂಪ್ ಸುಂಕಗಳನ್ನು ಮ್ಯಾಜಿಕ್ ಅಸ್ತ್ರಗಳು ಎಂದು ಭಾವಿಸುತ್ತಾರೆ. ಆದರೆ, ಇದು ಅಮೆರಿಕದಲ್ಲಿನ ಕೊರತೆಯನ್ನು ಕಡಿಮೆ ಮಾಡುವುದು ಮತ್ತು ರಾಜಕೀಯ ಕಾರ್ಯಸೂಚಿಯನ್ನು ಮುಂದುವರಿಸುವುದರಿಂದ ಕೇಲವು ಸಮಸ್ಯೆಗಳನ್ನು ಪರಿಹರಿಸಬಹುದು ಎಂದು ತರೂರ್ ತಿಳಿಸಿದ್ದಾರೆ.
ಇದನ್ನೂ ಓದಿ: ಆಮದು ಕಡಿಮೆ ಮಾಡಿ, ರಫ್ತು ಹೆಚ್ಚಿಸುವುದು ರಾಷ್ಟ್ರೀಯತೆಯ ಅತಿದೊಡ್ಡ ಸ್ವರೂಪ; ನಿತಿನ್ ಗಡ್ಕರಿ| biggest exports
ಅಲ್ಲದೆ, ಅಮೆರಿಕದ ತಯಾರಕರು ಅಮೆರಿಕದಲ್ಲಿ ಕೆಲಸಗಳನ್ನು ಪ್ರಾರಂಭಿಸಲು ಮತ್ತು ಪ್ರೇರೇಪಿಸಲು ಸುಂಕಗಳನ್ನು ವಿಧಿಸುವ ಮೂಲಕ ಆಮದು ಮಾಡಿಕೊಂಡ ವಸ್ತುಗಳನ್ನು ಹೆಚ್ಚು ದುಬಾರಿಯಾಗಿಸಲು ಅಮೆರಿಕ ಅಧ್ಯಕ್ಷರು ಉದ್ದೇಶಿಸಿದ್ದಾರೆ ಎಂದು ತರೂರ್ ಹೇಳಿದ್ದಾರೆ.
ಟ್ರಂಪ್ ತಮ್ಮ ಹಲವಾರು ಸಮಸ್ಯೆಗಳನ್ನು ಪರಿಹರಿಸಲು ಸುಂಕಗಳು ಮಾಂತ್ರಿಕ ಸಾಧನಗಳಾಗಿವೆ ಎಂಬ ಕಲ್ಪನೆಯಲ್ಲಿದ್ದರೆ. ಅಮೆರಿಕದಲ್ಲಿ ತಯಾರಾದ ಹಲವಾರು ವಸ್ತುಗಳನ್ನು ಈಗ ಆಮದು ಮಾಡಿಕೊಳ್ಳಲಾಗುತ್ತಿದೆ ಎಂದು ಟ್ರಂಪ್ ಭಾವಿಸುತ್ತಾರೆ. ಟ್ರಂಪ್ ಈ ವಸ್ತುಗಳನ್ನು ಹೆಚ್ಚು ದುಬಾರಿಯನ್ನಾಗಿ ಮಾಡಲು ಬಯಸುತ್ತಾರೆ. ಇದರಿಂದಾಗಿ ಅಮೇರಿಕನ್ ತಯಾರಕರು ಅಮೆರಿಕದಲ್ಲಿ ಹೆಚ್ಚು ಕೆಲಸಗಳನ್ನು ಮಾಡಲು ಪ್ರಾರಂಭಿಸುತ್ತಾರೆ ಮತ್ತು ಅಮೇರಿಕನ್ ಕಾರ್ಮಿಕರನ್ನು ನೇಮಿಸಿಕೊಳ್ಳುತ್ತಾರೆ ಎಂದು ಕಾಂಗ್ರೆಸ್ ಸಂಸದ ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ. (ಏಜೆನ್ಸೀಸ್)