ನವದೆಹಲಿ: ಯೂಕ್ರೇನ್-ರಷ್ಯಾ ಸಂಘರ್ಷ ತೀವ್ರಗೊಂಡಿದ್ದು, ರಷ್ಯಾದ ದಾಳಿಯಿಂದಾಗಿ ಯೂಕ್ರೇನ್ನಲ್ಲಿನ ಲಕ್ಷಾಂತರ ಮನೆಗಳಲ್ಲಿ ಕತ್ತಲು ಆವರಿಸಿದ್ದು, ಜನರು ದೈನಂದಿನ ಚಟುವಟಿಕೆಗಳಿಗೂ ಪರದಾಡುವಂತಾಗಿದೆ.
ಯೂಕ್ರೇನ್ನಲ್ಲಿ ವಿದ್ಯುತ್ ಆಗರಗಳ ಮೇಲೇ ರಷ್ಯಾ ದಾಳಿ ನಡೆಸಿರುವ ಪರಿಣಾಮವಾಗಿ ಲಕ್ಷಾಂತರ ಮನೆಗಳಿಗೆ ವಿದ್ಯುತ್ ಪೂರೈಕೆ ಸ್ಥಗಿತಗೊಂಡಿದೆ ಎಂಬುದಾಗಿ ಯೂಕ್ರೇನ್ನ ಅಧಿಕೃತ ಮೂಲಗಳು ಪ್ರಕಟಿಸಿವೆ.
ಸದ್ಯದ ಮಾಹಿತಿ ಪ್ರಕಾರ ಮೆಲ್ನಿಟ್ಸ್ಕಿ ಪ್ರದೇಶವೊಂದರಲ್ಲೇ 6.72 ಲಕ್ಷ ಮನೆಗಳ ವಿದ್ಯುತ್ ಸಂಪರ್ಕ ಕಡಿತಗೊಂಡಿದೆ. ಮೈಕೊಲೈವ್ ಪ್ರದೇಶದಲ್ಲಿ 1,88,400, ವೊಲಿನ್ ಪ್ರದೇಶದಲ್ಲಿ 1.02 ಲಕ್ಷ, ಚೆರ್ಕಾಸಿ ಪ್ರದೇಶದಲ್ಲಿ 2.42 ಲಕ್ಷ, ರಿವ್ನ್ ಪ್ರದೇಶದಲ್ಲಿ 1.74 ಲಕ್ಷ ಹಾಗೂ ಕಿರೊವೊಗ್ರಾಡ್ ಪ್ರದೇಶದಲ್ಲಿನ 61,913 ಮತ್ತು ಒಡೆಸಾ ಪ್ರದೇಶದಲ್ಲಿನ 10,500 ವಿದ್ಯುತ್ ಸಂಪರ್ಕಗಳು ಕಡಿತಗೊಂಡಿವೆ ಎಂದು ಮೂಲಗಳು ತಿಳಿಸಿವೆ.