ಆನ್ಲೈನ್ನಲ್ಲಿ ಆ್ಯಪಲ್ ಐಫೋನ್-16(iPhone -16) ಆರ್ಡರ್ ಮಾಡಿದ್ದ ವ್ಯಕ್ತಿಯೊಬ್ಬನಿಗೆ ಆನ್ಬಾಕ್ಸ್ ಮಾಡುವಾಗ ಆಶ್ಚರ್ಯಚಕಿತನಾಗಿದ್ದಾನೆ.
ಹೌದು, ದಸರಾ ಹಬ್ಬದ ಪ್ರಯುಕ್ತ ಫ್ಲಿಪ್ಕಾರ್ಟ್ ಬಿಗ್ ಬಿಲಿಯನ್ ಡೇಸ್ ಸೇಲ್ ಇತ್ತೀಚೆಗೆ ಮುಕ್ತಾಯಗೊಂಡಿತು. ಕಂಪನಿಯು ಅನೇಕ ಉತ್ತಮ ಡೀಲ್ಗಳು ಮತ್ತು ಕೊಡುಗೆಗಳನ್ನು ನೀಡಿರುವುದಾಗಿ ಹೇಳಿಕೊಂಡಿದೆ. ಇದೇ ಸಮಯದಲ್ಲಿ ಫ್ಲಿಪ್ಕಾರ್ಟ್ನಿಂದ ಐಫೋನ್ 16 ಖರೀದಿಸಿದ್ದೇನೆ ಮತ್ತು ಬಾಕ್ಸ್ ತೆರೆದಾಗ ಆಶ್ಚರ್ಯಚಕಿತನಾದೆ ಎಂದು ವ್ಯಕ್ತಿಯೊರ್ವ ಸಾಮಾಜಿಕ ಮಾಧ್ಯಮದಲ್ಲಿ ಬರೆದುಕೊಂಡಿದ್ದಾನೆ.
ವಾಸ್ತವವಾಗಿ, @bharaths028 ಎಂಬ ಖಾತೆದಾರನು X ಪ್ಲಾಟ್ಫಾರ್ಮ್ನಲ್ಲಿ (ಹಿಂದೆ ಟ್ವಿಟರ್) ಒಂದು ಪೋಸ್ಟ್ ಅನ್ನು ಪೋಸ್ಟ್ ಮಾಡಿದ್ದಾನೆ. ಪೋಸ್ಟ್ನಲ್ಲಿ, ಆ ವ್ಯಕ್ತಿಯು ಮಾರಾಟದ ಸಮಯದಲ್ಲಿ ಐಫೋನ್ 16 ಅನ್ನು ಆರ್ಡರ್ ಮಾಡಿದ್ದಾಗಿ ಹೇಳಿಕೊಂಡಿದ್ದಾನೆ. ಆದರೆ, ಡೆಲಿವರಿ ಬಾಯ್ ಬಾಕ್ಸ್ ತೆರೆಯಲು ಹೇಳಿದಾಗ, ಅವನು ಆಘಾತಕ್ಕೊಳಗಾಗಿದ್ದಾನೆ.
ಫ್ಲಿಪ್ಕಾರ್ಟ್ ಡೆಲಿವರಿ ಬಾಕ್ಸ್ ತೆರೆದ ನಂತರ, ಅದರೊಳಗೆ ಆ್ಯಪಲ್ ಐಫೋನ್-16 ಬದಲಾಗಿ ಸ್ಯಾಮ್ಸಂಗ್ ಸ್ಮಾರ್ಟ್ಫೋನ್ ಕಂಡುಬಂದಿದೆ ಎಂದು ವೀಡಿಯೊದಲ್ಲಿ ತೋರಿಸಲಾಗಿದೆ. ಅವರು ಈ (ಆನ್ಬಾಕ್ಸ್ ವಿಡಿಯೋ) ವೀಡಿಯೊವನ್ನು ಆನ್ಲೈನ್ನಲ್ಲಿ ಹಂಚಿಕೊಂಡಿದ್ದಾರೆ.
ಇನ್ನು ಇವರು ಹಂಚಿಕೊಂಡಿರುವ ವಿಡಿಯೋಗೆ ಫ್ಲಿಪ್ಕಾರ್ಟ್ ಪ್ರತಿಕ್ರಿಯಿಸಿದೆ. ಫ್ಲಿಪ್ಕಾರ್ಟ್ ಮೊದಲು ಕ್ಷಮೆಯಾಚಿಸಿತು ಮತ್ತು ನಂತರ ಬಳಕೆದಾರರು ತಮ್ಮ ಆರ್ಡರ್ ವಿವರಗಳನ್ನು ಕಳುಹಿಸಲು ಕೇಳಿದೆ. ಆದಾಗ್ಯೂ, ಸಮಸ್ಯೆ ಬಗೆಹರಿದಿದೆಯೇ ಎಂಬುದರ ಕುರಿತು ಯಾವುದೇ ವಿವರಗಗಳು ಲಭ್ಯವಿಲ್ಲ. ಆದಾಗ್ಯೂ, ಈ ವಿಡಿಯೋದ ಸತ್ಯಾಸತ್ಯೆಯನ್ನು ನಾವು ಧೃಢಿಕರಿಸಲು ಸಾಧ್ಯವಿಲ್ಲ.(ಏಜೆನ್ಸೀಸ್)