ವಿಂಡ್ಹೋಕ್: ಮನುಷ್ಯನ ಕಲ್ಪನೆಯನ್ನೂ ಮೀರಿ ಜಗತ್ತು ಬೆಳೆಯುತ್ತಿದೆ. ಇಂದು ಟೆಕ್ನಾಲಜಿಗಳೇ ಎಲ್ಲಡೆ ಆವರಿಸಿದೆ. ಆದರೆ, ತಾಂತ್ರಿಕವಾಗಿ ಎಷ್ಟೇ ಮುಂದುವರಿದರೂ ಜನರು ಇಂದಿಗೂ ಕೆಲವು ವಿಚಿತ್ರ ಆಚರಣೆಗಳನ್ನು ಮಾಡುತ್ತಿರುವುದು ವಿಪರ್ಯಾಸವೇ ಸರಿ. ವಿಶ್ವದ ವಿವಿಧ ಭಾಗಗಳಲ್ಲಿ ವಿವಿಧ ರೀತಿಯ ಸಂಪ್ರದಾಯ ಮತ್ತು ಪದ್ಧತಿಗಳಿವೆ. ಕೆಲವೊಂದು ಸಾಮಾನ್ಯ ಎನಿಸಿದರೆ, ಕೆಲವು ಆಚರಣೆಗಳು ಎಲ್ಲರನ್ನೂ ಅಚ್ಚರಿಗೆ ದೂಡುತ್ತದೆ. ಅಂಥದ್ದೇ ಆಚರಣೆಯನ್ನು ನಮೀಬಿಯಾದ ಬುಡಕಟ್ಟು ಸಮುದಾಯವೊಂದು ಬಹಳ ಹಿಂದಿನಿಂದಲೂ ಆಚರಿಸಿಕೊಂಡು ಬರುತ್ತಿದೆ.
ಆ ಬುಡಕಟ್ಟು ಸಮುದಾಯದ ಹೆಸರು ಹಿಂಬಾ. ಕೇವಲ 50 ಸಾವಿರ ಜನಸಂಖ್ಯೆಯನ್ನು ಮಾತ್ರ ಈ ಸಮುದಾಯ ಹೊಂದಿದೆ. ನಮೀಬಿಯಾ ಉತ್ತರ ಪ್ರದೇಶ ಹಿಂಬಾ ಸಮುದಾಯ ನೆಲೆಸಿದೆ. ಈ ಬುಡಕಟ್ಟು ಜನಾಂಗವನ್ನು ಒಮುಹಿಂಬಾ ಅಥವಾ ಓವಹಿಂಬಾ ಎಂದೂ ಕರೆಯಲಾಗುತ್ತದೆ.
ಈ ಸಮುದಾಯದವರು ಸ್ವಾವಲಂಬಿಗಳು. ಹೆಚ್ಚಿನ ಜನರು ಜಾನುವಾರು ರೈತರಾಗಿದ್ದಾರೆ. ತಮ್ಮದೇಯಾದ ಆಹಾರ ಮತ್ತು ಸಂಪನ್ಮೂಲಗಳನ್ನು ಸಂಗ್ರಹಿಸುವ ಇವರು ತಮ್ಮದೇ ರೀತಿಯಲ್ಲಿ ಮನೆಯನ್ನೂ ನಿರ್ಮಾಣ ಮಾಡಿಕೊಳ್ಳುತ್ತಾರೆ. ಮುಕುರು ಎಂದು ಕರೆಯಲ್ಪಡುವ ನಮೀಬಿಯಾ ದೇವರನ್ನು ನಂಬುತ್ತಾರೆ. ತಮ್ಮ ನಂಬಿಕೆಗಳ ಪ್ರಕಾರ ಅವರ ಸಮುದಾಯದಲ್ಲಿ ಸಾವಿನ ನಂತರ ಸತ್ತ ವ್ಯಕ್ತಿಗಳು ದೇವಧೂತರಾಗುತ್ತಾರಂತೆ.
ಈ ಸಮುದಾಯದಲ್ಲಿ ಮಹಿಳೆಯರು ಬೇರೊಬ್ಬನ ಜತೆ ಒಂದು ರಾತ್ರಿ ಕಳೆಯಲೇಬೇಕು. ಗಂಡನ ಒತ್ತಾಯದಿಂದಲೇ ಬಂದಂತಹ ಅತಿಥಿಗಳ ಜತೆ ಲೈಂಗಿಕ ಸಂಭೋಗ ನಡೆಸುತ್ತಾರೆ. ಇದು ಅಸೂಯೆ ತೊಡೆದುಹಾಕುವ ಗುರಿಯನ್ನು ಹೊಂದಿರುವ ಆಚರಣೆಯಾಗಿದೆಯಂತೆ. ಒಬ್ಬ ಹಿಂಬಾ ಪುರುಷನು ತನ್ನ ಅತಿಥಿಗೆ ಒಕುಜೆಪಿಸಾ ಒಮುಕಾಜೆಂಡು ಆತಿಥ್ಯವನ್ನು ನೀಡುವ ಮೂಲಕ ತನ್ನ ಕೃತಜ್ಞತೆಯನ್ನು ತೋರಿಸುತ್ತಾನೆ. ಒಕುಜೆಪಿಸಾ ಒಮುಕಾಜೆಂಡು ಆತಿಥ್ಯ ಅಂದರೆ, ಹೆಂಡತಿಯ ಜತೆ ಅತಿಥಿಗೆ ಒಂದು ರಾತ್ರಿ ಕಳೆಯಲು ಅವಕಾಶ ನೀಡಲಾಗುತ್ತದೆ. ಈ ಸಂದರ್ಭದಲ್ಲಿ ಪತಿ ಮತ್ತೊಂದು ಕೋಣೆಯಲ್ಲಿ ಮಲಗುತ್ತಾನೆ. ಕೋಣೆ ಇಲ್ಲದಿದ್ದರೆ, ಗಂಡ ಮನೆಯಿಂದ ಹೊರಗಡೆ ಮಲಗುತ್ತಾನೆ. ಇನ್ನೂ ಈ ಸಮುದಾಯದ ಮಹಿಳೆಯರು ತಮ್ಮ ದೈನಂದಿನ ಚಟುವಟಿಕೆಗಳಲ್ಲಿ ಹೆಚ್ಚು ಮಾತನಾಡುವುದಿಲ್ಲ ಮತ್ತು ಸಾಮಾನ್ಯವಾಗಿ ಒಬ್ಬ ಪುರುಷನನ್ನು ಮದುವೆಯಾಗುತ್ತಾರೆ ಆದರೆ, ಬಹುಪತ್ನಿತ್ವದ ಸೆಟಪ್ನಲ್ಲಿ ವಾಸಿಸುತ್ತಾರೆ.
ಈ ಸಮುದಾಯದ ಜನರು ಸಾಮಾನ್ಯ ಸ್ನಾನವನ್ನು ಮಾಡುವ ಬದಲು ಹೊಗೆ ಸ್ನಾನವನ್ನು ಮಾಡುತ್ತಾರಂತೆ. ಹೊಗೆ ಸ್ನಾನದ ಅಭ್ಯಾಸವು ಸುಗಂಧ ದ್ರವ್ಯ ಮತ್ತು ಬೆಣ್ಣೆಯನ್ನು ಅನ್ವಯಿಸುವುದನ್ನು ಒಳಗೊಂಡಿರುತ್ತದೆ ಮತ್ತು ಹೊಗೆಯ ಮೋಡದಲ್ಲಿ ತಮ್ಮನ್ನು ತಾವು ಸಿಲುಕಿಸಿಕೊಳ್ಳುವುದಾಗಿದೆ. ಇಂತಹ ವಿಚಿತ್ರ ಅಭ್ಯಾಸದ ಹಿಂದಿನ ಕಾರಣಗಳೆಂದರೆ, ಆ ಪ್ರದೇಶದ ಕಠಿಣ ಹವಾಮಾನ ಪರಿಸ್ಥಿತಿಗಳು ಮತ್ತು ನೀರಿನ ಅಲಭ್ಯತೆಯಾಗಿದೆ. ಈ ಹೊಗೆ ಸ್ನಾನವು ಅವರ ನಂಬಿಕೆಗಳ ಪ್ರಕಾರ ಕೀಟಗಳನ್ನು ನಿಯಂತ್ರಣದಲ್ಲಿ ಇಡಲು ಸಹಾಯ ಮಾಡುತ್ತದೆ. (ಏಜೆನ್ಸೀಸ್)