ಛತ್ತೀಸ್ಗಢ: ಮದುವೆಯಲ್ಲಿ ವಧು-ವರರಿಗೆ ಉಡುಗೊರೆ ನೀಡಿ ಶುಭ ಹಾರೈಸುವುದು ಸಹಜ. ಆದರೆ ಇಲ್ಲೊಬ್ಬ ವರನಿಗೆ ಹಾಗೆ ಕೊಟ್ಟಿದ್ದ ಉಡುಗೊರೆಯೇ ಪ್ರಾಣಕ್ಕೆ ಮುಳುವಾಗಿದೆ. ಅರ್ಥಾತ್, ಮದುವೆಗೆ ಉಡುಗೊರೆಯಾಗಿ ಕೊಟ್ಟಿದ್ದ ಹೋಮ್ ಥಿಯೇಟರ್ ನವವಿವಾಹಿತ ಮಾತ್ರವಲ್ಲದೆ ಆತನ ಅಣ್ಣನ ಪ್ರಾಣವನ್ನೂ ತೆಗೆದಿದೆ. ಜತೆಗೆ ನಾಲ್ವರನ್ನು ಗಾಯಗೊಳಿಸಿದೆ.
ಛತ್ತೀಸ್ಗಢದ ಕಬೀರ್ಧಾಮ್ ಜಿಲ್ಲೆಯ ಚಾಮರಿ ಗ್ರಾಮದಲ್ಲಿ ಸೋಮವಾರ ಈ ಘಟನೆ ನಡೆದಿದೆ. ಹೇಮೇಂದ್ರ ಮೇರಾವಿ (22) ಮತ್ತು ಆತನ ಅಣ್ಣ ರಾಜ್ಕುಮಾರ್ (30) ಸಾವಿಗೀಡಾದವರು. ಮಾತ್ರವಲ್ಲದೆ ಒಂದೂವರೆ ವರ್ಷದ ಮಗು ಸೇರಿದಂತೆ ಇನ್ನು ನಾಲ್ವರು ಈ ಪ್ರಕರಣದಲ್ಲಿ ಗಾಯಗೊಂಡಿದ್ದರು. ಏ. 1ರಂದು ಹೇಮೇಂದ್ರ ಮದುವೆಯಾಗಿದ್ದು, ಅಂದು ಉಡುಗೊರೆಯಾಗಿ ಸ್ವೀಕರಿಸಿದ್ದ ಹೋಮ್ ಥಿಯೇಟರ್ನಿಂದಾಗಿ ಈ ದುರಂತ ಸಂಭವಿಸಿದೆ. ಸ್ಫೋಟದಿಂದಾಗಿ ಹೇಮೇಂದ್ರ ಸ್ಥಳದಲ್ಲೇ ಸಾವಿಗೀಡಾದರೆ, ಗಂಭೀರ ಗಾಯಗೊಂಡಿದ್ದ ರಾಜ್ಕುಮಾರ್ ಆಸ್ಪತ್ರೆಯಲ್ಲಿ ಮೃತಪಟ್ಟಿದ್ದಾರೆ.
ಇದನ್ನೂ ಓದಿ: ಪ್ರಾಮಾಣಿಕ ಎಸ್ಐ ಎಂದು ಗಣರಾಜ್ಯೋತ್ಸವದಂದು ಪ್ರಶಸ್ತಿ ಪಡೆದಿದ್ದಾಕೆ 5 ಸಾವಿರ ರೂ. ಲಂಚ ಪಡೆಯುವಾಗ ಸಿಕ್ಕಿಬಿದ್ಲು!