ಭಾರತದ ಅತಿ ದೊಡ್ಡ ಕೂಡಂಕುಲಂ ಪರಮಾಣು ವಿದ್ಯುತ್ ಸ್ಥಾವರದ ರಹಸ್ಯ ನೀಲಿನಕ್ಷೆಗಳು ಡಾರ್ಕ್ ವೆಬ್ನಲ್ಲಿ ಸೋರಿಕೆ!
- ಕೂಡಂಕುಲಂ ಅಣು ವಿದ್ಯುತ್ ಸ್ಥಾವರದ ಕೂಲಿಂಗ್ ಸಿಸ್ಟಮ್ ನೀಲಿನಕ್ಷೆ ಹ್ಯಾಕ್
- ಭಾರತದ ಅತಿ ದೊಡ್ಡ ಕೂಡಂಕುಲಂ ಪರಮಾಣು ವಿದ್ಯುತ್ ಸ್ಥಾವರದ ರಹಸ್ಯ ನೀಲಿನಕ್ಷೆಗಳು ಡಾರ್ಕ್ ವೆಬ್ನಲ್ಲಿ ಸೋರಿಕೆ!
- ಮೇ ತಿಂಗಳಲ್ಲಿ ನಡೆದಿದ್ದ ಸೈಬರ್ ದಾಳಿಯ ಆಘಾತಕಾರಿ ಸತ್ಯ ಹೊರಕ್ಕೆ!
ಚೆನ್ನೈ: ಭಾರತದ ಅತಿ ದೊಡ್ಡ ಪರಮಾಣು ಸ್ಥಾವರವಾದ ಕೂಡಂಕುಳಂ ಪರಮಾಣು ವಿದ್ಯುತ್ ಸ್ಥಾವರ (Kudankulam Nuclear Plant) ದ ಕೆಲ ಅಮೂಲ್ಯ ಮಾಹಿತಿಗಳು ಕಳ್ಳತನವಾಗಿದ್ದು, ಡಾರ್ಕ್ ವೆಬ್ನಲ್ಲಿ ಇದರ ಮಾಹಿತಿಯನ್ನು ಹರಿಬಿಡಲಾಗಿದೆ ಎಂದು ವರದಿಯಾಗಿದೆ.
ಸೋರಿಕೆಯಾದ ಮಾಹಿತಿಯಲ್ಲಿ ಕೆಲ ನೀಲಿನಕ್ಷೆಗಳು, ಸ್ಥಾವರಕ್ಕೆ ಬೇಕಾದ ಅಗತ್ಯ ವಸ್ತುಗಳನ್ನು ನೀಡುತ್ತಿದ್ದ ಪೂರೈಕೆದಾರರ ವಿವರಗಳು ಡಾರ್ಕ್ ವೆಬ್ನಲ್ಲಿ ಹಂಚಿಕೆಯಾಗಿದೆ ಎಂದು ಹೇಳಲಾಗುತ್ತದೆ. ಭಾರತದಲ್ಲರುವ ಏಳು ಅಣು ವಿದ್ಯುತ್ ಸ್ಥಾವರಗಳಲ್ಲಿ ತಮಿಳುನಾಡಿನಲ್ಲಿರುವ ಈ ಕೂಡಂಕುಳಂ ಪರಮಾಣು ವಿದ್ಯುತ್ ಸ್ಥಾವರ ಅತ್ಯಂತ ದೊಡ್ಡದಾಗಿದ್ದು, ಇಲ್ಲಿ ಈ ರೀತಿಯ ಘಟನೆ ನಡೆದಿರುವುದು ಚಿಂತೆಗೆ ಕಾರಣವಾಗಿದೆ.
ರಿಲಯನ್ಸ್ ಗ್ರೂಪ್ ಪಾಲುದಾರ!
ಈ ಕುರಿತು ಪೋಸ್ಟ್ ಮಾಡಿರುವ ರಾನ್ಸಮ್ವೇರ್ ವರ್ಲ್ಡ್ ಲೀಕ್ಸ್ ಎಂಬ ಸಂಸ್ಥೆ ಈ ಮಾಹಿತಿ ನಮಗೆ ಅನಿಲ್ ಅಂಬಾನಿ ಅವರ ರಿಲಯನ್ಸ್ ಗ್ರೂಪ್ ನಿಂದ ತಿಳಿದು ಬಂದಿದೆ ಎಂದು ತಿಳಿಸಿದೆ. 2018 ರಲ್ಲಿ ಕೂಡಂಕುಳಂ ಅಣು ವಿದ್ಯತ್ ಸ್ಥಾವರದ ಯುನಿಟ್ 3 ಹಾಗೂ 4 ನ್ನು ನಿರ್ಮಿಸುವ ಕಾಂಟ್ರಾಕ್ಟ್ ಅನ್ನು ರಿಲಯನ್ಸ್ ಸಂಸ್ಥೆ ಪಡೆದುಕೊಂಡಿದ್ದು, ಆದರೆ ಈ ಕೆಲಸವು ಇನ್ನು ಕಾಮಗಾರಿ ಹಂತದಲ್ಲಿದ್ದು, 2027 ರಲ್ಲಿ ಈ ಕೆಲಸ ಮುಕ್ತಾಯವಾಗಲಿದೆ ಎಂದು ಹೇಳಲಾಗುತ್ತಿದೆ.
ಮೇ ನಿಂದ ಅನುಮಾನಾಸ್ಪದ ಕಾರ್ಯ!
ಭಾರತೀಯ ಪರಮಾಣು ವಿದ್ಯುತ್ ನಿಗಮದ ಪ್ರಕಾರ ಕೂಡಂಕುಳಂ ಅಣು ವಿದ್ಯತ್ ಸ್ಥಾವರದ ಮೇಲೆ ಮೇ ತಿಂಗಳಿನಲ್ಲಿ ಸೈಬರ್ ದಾಳಿ ನಡೆದಿತ್ತು. ಆದರೆ ಇದನ್ನು ಆಗಲೇ ತಡೆಯಲಾಗಿತ್ತು. ಈ ದಾಳಿ ಕೂಡ ರಿಲಯನ್ಸ್ ಮೇಲೆ ನಡೆದಿತ್ತು ಎಂದು ತಿಳಿಸಿದೆ. ಆದರೆ ಜೂನ್ನಲ್ಲಿ ತಮ್ಮಲಿದ್ದ ಮಾಹಿತಿ ಸೋರಿಕೆಯಾಗಿದೆ ಎಂದು ರಿಲಯನ್ಸ್ ನಮಗೆ (ಭಾರತೀಯ ಪರಮಾಣು ವಿದ್ಯುತ್ ನಿಗಮ) ದೂರನ್ನು ಸಲ್ಲಿಸಿತ್ತು ಎಂದು ಹೇಳಿದೆ.
ಮಾಹಿತಿ ಪ್ರಕಾರ ಯುನಿಟ್ 3 ಹಾಗೂ 4 ರಲ್ಲಿ ಕೊಠಡಿಯನ್ನು ತಂಪಾಗಿರಿಸಲು ಬಳಸಲಾಗಿರುವ ಕೂಲಿಂಗ್ ಸಿಸ್ಟಮ್ ಹಾಗೂ ಹವಾನಿಯಂತ್ರಣ ವ್ಯವಸ್ಥೆಯ ನೀಲನಕ್ಷೆಯ ಸೋರಿಕೆಯಾಗಿದೆ ಎಂದು ಹೇಳಲಾಗುತ್ತಿದೆ.ಈ ಮಾಹಿತಿ ಸೋರಿಕೆಗೆ ಸಂಬಂಧಿಸಿದಂತೆ ತನಿಖೆ ನಡೆಸಲಾಗುತ್ತಿದ್ದು, ಯಾರಿಂದ? ಹೇಗೆ? ಮತ್ತು ಯಾವ ಉದ್ದೇಶಕ್ಕಾಗಿ ಈ ಮಾಹಿತಿ ಸೋರಿಕೆ ಆಗಿದೆ ಎನ್ನುವುದು ತನಿಖೆ ನಂತರ ಬಿಡುಗಡೆಯಾಗುವ ವರದಿಯೇ ಉತ್ತರಿಸಬೇಕಾಗಿದೆ, (ಏಜನ್ಸೀಸ್).