SIR ಒಂದು ಅಮಾನವೀಯ ಪ್ರಕ್ರಿಯೆ: ಚುನಾವಣಾ ಆಯೋಗದ ವಿರುದ್ಧ ಮಮತಾ ಬ್ಯಾನರ್ಜಿ ವಾಗ್ದಾಳಿ | Mamata Banerjee

ಈ ಬಗ್ಗೆ ಸಾರ್ವಜನಿಕ ಸಭೆಯಲ್ಲಿ ಮಾತನಾಡಿದ ಮುಖ್ಯಮಂತ್ರಿ, ಚುನಾವಣಾ ಆಯೋಗ (ಇಸಿ) ನಡೆಯುತ್ತಿರುವ ಕಾರ್ಯವು ತನ್ನ ಆಡಳಿತಾತ್ಮಕ ಉದ್ದೇಶದಿಂದ ದೂರ ಸರಿದು ರಾಜಕೀಯ ಹಕ್ಕು ನಿರಾಕರಣೆಯ ಅಸ್ತ್ರವಾಗಿದೆ ಎಂದು ಆರೋಪಿಸಿದ್ದಾರೆ.

ಒಂಗಾಳದಲ್ಲಿ ಎಸ್​ಐಆರ್​ ಪ್ರಕ್ರಿಯೆಯಿಂದ ಸೃಷ್ಟಿಯಾದ ಭಯದ ವಾತಾವರಣವನ್ನು ವಿವರಿಸುವಾಗ ಮುಖ್ಯಮಂತ್ರಿ ಬ್ಯಾನರ್ಜಿ, ಮತದಾರರ ಪಟ್ಟಿಗಳನ್ನು ಸ್ವಚ್ಛಗೊಳಿಸುವ ನೆಪದ ಅಡಿಯಲ್ಲಿ, ಅಧಿಕಾರಿಗಳು ವ್ಯವಸ್ಥಿತವಾಗಿ ನಿಜವಾದ ನಿವಾಸಿಗಳನ್ನು ಗುರಿಯಾಗಿಸಿಕೊಂಡಿದ್ದಾರೆ ಎಂದು ಹೇಳಿದ್ದಾರೆ.

ಪಶ್ಚಿಮ ಬಂಗಾಳದಲ್ಲಿ ಇಂದು ನಡೆಯುತ್ತಿರುವುದು ಪರಿಷ್ಕರಣೆಯಲ್ಲ, ಇದು ಸಾಮಾನ್ಯ ನಾಗರಿಕರ ಘನತೆ, ಜೀವನೋಪಾಯ ಮತ್ತು ಸಾಂವಿಧಾನಿಕ ಹಕ್ಕುಗಳ ಮೇಲಿನ ಆತಂಕಕಾರಿ ದಾಳಿಯಾಗಿದೆ. ಈ ಕಸರತ್ತು ಬಡವರು ಮತ್ತು ಅಂಚಿನಲ್ಲಿರುವವರನ್ನು ಬೆದರಿಸುವ ಮತ್ತು ಹೊರಗಿಡುವ ಸಾಧನವಾಗಿದೆ ಬ್ಯಾನರ್ಜಿ ತೀವ್ರ ವಾಗ್ದಾಳಿ ನಡೆಸಿದ್ದಾರೆ.

ರಾಜಕೀಯ ಐಟಿ ಕೋಶಗಳು ಅಭಿವೃದ್ಧಿಪಡಿಸಿದ ವಿಶ್ವಾಸಾರ್ಹವಲ್ಲದ AI ಮತ್ತು ಅಪ್ಲಿಕೇಶನ್‌ಗಳನ್ನು ಭೌತಿಕ ಪರಿಶೀಲನೆಯಿಲ್ಲದೆ ಹೆಸರುಗಳನ್ನು ಫ್ಲ್ಯಾಗ್ ಮಾಡಲು ಮತ್ತು ಅಳಿಸಲು ಬಳಸಲಾಗುತ್ತಿದೆ ಎಂದು ಬ್ಯಾನರ್ಜಿ ಆರೋಪಿಸಿದ್ದಾರೆ. ಅಲ್ಲದೆ, ಸುಮಾರು 58 ಲಕ್ಷ ಹೆಸರುಗಳನ್ನು ತಾತ್ಕಾಲಿಕವಾಗಿ ಅಳಿಸಿಹಾಕಿರುವುದು ಮತ್ತು 94.49 ಲಕ್ಷ ತಾರ್ಕಿಕ ವ್ಯತ್ಯಾಸಗಳನ್ನು ಗುರುತಿಸಿರುವುದು 2026 ರ ವಿಧಾನಸಭಾ ಚುನಾವಣೆಯನ್ನು ತಿರುಚುವ ಪೂರ್ವ ಯೋಜಿತ ಪ್ರಯತ್ನದ ಪುರಾವೆಯಾಗಿದೆ ಎಂದು ಮಮತಾ ತಿಳಿಸಿದ್ದಾರೆ.

ಈ ವಾರದ ಆರಂಭದಲ್ಲಿ, ಬ್ಯಾನರ್ಜಿ ಅವರು ಮುಖ್ಯ ಚುನಾವಣಾ ಆಯುಕ್ತ ಜ್ಞಾನೇಶ್ ಕುಮಾರ್ ಅವರನ್ನು ವನೀಶ್ ಕುಮಾರ್ ಎಂದು ಕರೆದಿದ್ದರು. ಜ್ಞಾನೇಶ್ ಬಂಗಾಳಿಗಳ ಹಕ್ಕುಗಳನ್ನು ಮಾಯವಾಗುವಂತೆ ಮಾಡುತ್ತಿದ್ದಾರೆ ಎಂದು ಆರೋಪಿಸಿದರು. ಇವರ ಬೆದರಿಕೆಗಳನ್ನು ಅನುಸರಿಸಿ, ಎಸ್‌ಐಆರ್ ಅನ್ನು ನಿಲ್ಲಿಸಲು ರಾಜ್ಯ ಸರ್ಕಾರ ಸುಪ್ರೀಂ ಕೋರ್ಟ್‌ಗೆ ಹೋಗುತ್ತಿದೆ ಎಂದು ಮಮತಾ ದೃಢಪಡಿಸಿದ್ದಾರೆ.

ನಾನು ವಕೀಲೆಯಾಗಿ ಅಲ್ಲ, ಬದಲಾಗಿ ಸಾಮಾನ್ಯ ನಾಗರಿಕಳಾಗಿ ಸುಪ್ರೀಂ ಕೋರ್ಟ್‌ಗೆ ಹೋಗುತ್ತೇನೆ. ನ್ಯಾಯಾಧೀಶರಿಗೆ ತಳಮಟ್ಟದ ಕಿರುಕುಳವನ್ನು ತೋರಿಸಲು ಎಂದು ದೀದಿ ಪ್ರತಿಪಾದಿಸಿದ್ದಾರೆ. ಬಂಗಾಳವು ಎಂದಿಗೂ ಬಂಧನ ಶಿಬಿರಗಳು ಅಥವಾ NRC ಮಾದರಿಯ ಪ್ರಕ್ರಿಯೆಗಳನ್ನು ತನ್ನ ಕಣ್ಗಾವಲಿನಲ್ಲಿ ನಡೆಸಲು ಅವಕಾಶ ನೀಡುವುದಿಲ್ಲ ಎಂಬ ತಮ್ಮ ನಿಲುವನ್ನು ಮಮತಾ ಪುನರುಚ್ಚರಿಸಿದ್ದಾರೆ,(ಏಜೆನ್ಸೀಸ್).