ಮುಂಬೈ ಲೋಕಲ್ ಟ್ರೈನ್‌ನಲ್ಲಿ ಸರಣಿ ಅಪರಾಧ: ಬಾಗಿಲು ಮುಚ್ಚದಕ್ಕೆ ಕೊಲೆ; 48 ಗಂಟೆ ಬಳಿಕ ಮತ್ತೊಬ್ಬನಿಗೆ ಚಾಕು ಇರಿತ! Mumbai Local Train

ಮುಂಬೈ: ಮಾಯಾ ನಗರಿ ಮುಂಬೈನ ಜೀವನಾಡಿ ಎಂದೇ ಎಲ್ಲಡೆ ಹೆಸರುವಾಸಿಯಾಗಿರುವ ಮುಂಬೈ ಲೋಕಲ್​ ಟ್ರೇನ್​ (Mumbai Local Train) ಈಗ ಸರಣಿ ಅಪರಾಧಗಳಿಂದ ಕುಖ್ಯಾತಿಗೆ ಗುರಿಯಾಗುತ್ತಿದೆ.

ಕೆಲ ದಿನಗಳ ಹಿಂದೆ 22 ವರ್ಷದ ಮಯಾಂಕ್​ ಲೋಹರ್​ ಎಂಬ ಯುವಕ ರೈಲಿನ ಬಾಗಿಲನ್ನು ಹಾಕಿಲ್ಲ ಎನ್ನುವುದಕ್ಕೆ ಕೊಲೆ ಮಾಡಿದ್ದ ಪ್ರಕರಣ ದೇಶದೆಲ್ಲಡೆ ಸುದ್ದಿಯಾಗಿತ್ತು. ಈಗ ಈ ಘಟನೆ ನಡೆದು 48 ಗಂಟೆ ಕಳೆಯವ ಮೊದಲೇ ವ್ಯಕ್ತಿಗೆ ಮಾಹಿಮ್​ ರೈಲ್ವೆ ನಿಲ್ದಾಣದಲ್ಲಿ ಚಾಕು ಇರಿತವಾಗಿರುವ ಘಟನೆ ವರದಿಯಾಗಿದೆ.

ವರದಿ ಪ್ರಕಾರ, ಈ ಘಟನೆಯು ಗುರುವಾರ (ಜೂ. 25) ರಂದು ಮಾಹಿಲ್​ ರೈಲ್ವೆ ನಿಲ್ದಾಣದಲ್ಲಿ ನಡೆದಿದೆ ಎನ್ನಲಾಗಿದೆ. ಚಾಕು ಇರಿತಕ್ಕೆ ಒಳಗಾಗಿರುವ ವ್ಯಕ್ತಿಯನ್ನು35 ವರ್ಷದ ನವೀನ್​ ಪ್ರಸನ್ನ ಎಂದು ಗುರುತಿಸಲಾಗಿದೆ.

ನಂತರ ಆ ವ್ಯಕ್ತಿ ಅಲ್ಲಿಂದ ಓಡಿ ಹೋಗಿದ್ದಾನೆ. ಕೂಡಲೇ ನವೀನ್​ನನ್ನು ಹತ್ತಿರದ ಸಿಯೋನ್​ ಆಸ್ಪತ್ರೆಗೆ ದಾಖಲಿಸಲಾಗಿದೆ. ವೈದ್ಯರು ಚಿಕಿತ್ಸೆ ಮುಂದುವರಿಸಿದ್ದು ಸುಮಾರು 15 ಗಂಟೆ ಕಳೆದರೂ ನವೀನ್​ನಿಗೆ ಪ್ರಜ್ಞೆ ಬಂದಿಲ್ಲ ಎಂದು ತಿಳಿದು ಬಂದಿದೆ.

ಈ ಘಟನೆಗೆ ಸಂಬಂಧಿಸಿದಂತೆ ಮಾಹಿಮ್​ ಪೊಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದು, ರೈಲ್ವೆ ನಿಲ್ದಾಣದಲ್ಲಿರುವ ಸಿಸಿಟಿವಿಗಳನ್ನು ಜಾಲಾಡುತ್ತಾಗಿ ತಿಳಿದು ಬಂದಿದೆ. ಪ್ರತ್ಯಕ್ಷದರ್ಶಿಯೊಬ್ಬರ ಪ್ರಕಾರ, ಆ ವ್ಯಕ್ತಿಯೊಬ್ಬ ಮಾದಕ ವ್ಯಸನಿ ರೀತಿ ಕಾಣಿಸುತ್ತಿದ್ದ ಎಂದು ಹೇಳಿದ್ದಾರೆ. ಸದ್ಯ ಪೊಲೀಸರು ಈ ಪ್ರಕರಣವನ್ನು ಗಂಭೀರವಾಗಿ ಪರಿಗಣಿಸಿದ್ದು, ತನಿಖೆ ಮುಂದುವರಿದಿದೆ.

ಮುಂಬೈ ಲೋಕಲ್​ ರೈಲಿನಲ್ಲಿ ಮಂಗಳವಾರ (ಜೂ.23) ರಂದು ರೈಲಿನ ಬಾಗಿಲನ್ನು ಮುಚ್ಚುವಲ್ಲಿ ಪ್ರಾರಂಭವಾದ ವಾಗ್ವಾದವೊಂದು ಕೊಲೆಯಲ್ಲಿ ಕೊನೆಗೊಂಡ ಘಟನೆ ಜರುಗಿತ್ತು.

ಚರ್ಚ್‌ಗೇಟ್‌ನಿಂದ ನಲಸೋಪಾರಾ ಕಡೆಗೆ ಚಲಿಸುತ್ತಿದ್ದ ಲೋಕಲ್ ರೈಲಿನ ಫಸ್ಟ್‌ ಕ್ಲಾಸ್ ಬೋಗಿಯಲ್ಲಿ ಈ ಘಟನೆ ನಡೆದಿದ್ದು, 21 ವರ್ಷದ ಮಯಾಂಕ್ ಲೋಹರ್ ಎಂಬಾತನನ್ನು ರೋಶನ್ ಸುವರ್ಣ ಎನ್ನುವವನು ಚಾಕುವಿನಿಂದ ಚುಚ್ಚಿ ಸಾಯಿಸಿದ್ದನು.