ಇಸ್ಲಾಮಾಬಾದ್: ತಮ್ಮ ವಿಶಿಷ್ಟ ಅಭಿನಯ, ವಿನೂತನ ಡೈಲಾಗ್ ಡೆಲಿವರಿ, ನೇರ, ನಿಷ್ಟುರ ವ್ಯಕ್ತಿತ್ವದ ಮೂಲಕ ಖ್ಯಾತರಾಗಿದ್ದ ಬಾಲಿವುಡ್ ಹಿರಿಟ ನಟ ನಾನಾ ಪಾಟೇಕರ್ ಗುರುವಾರ (ಅ.8) ಹೃದಯಾಘಾತದಿಂದ ನಿಧನ ಹೊಂದಿದ್ದಾರೆಂದು ವರದಿಯಾಗಿದೆ.
ಮಾಹಿತಿ ಪ್ರಕಾರ, ನಾನಾ ಪಾಟೇಕರ್ ತಮ್ಮ ಸ್ವಗೃಹದಲ್ಲಿ ಬೆಳಿಗ್ಗೆ 5.20 ರ ಸುಮಾರಿಗೆ ಪ್ರಜ್ಞಾಹೀನ ಸ್ಥಿತಿಯಲ್ಲಿ ಪತ್ತೆಯಾಗಿದ್ದು, ತಕ್ಷಣ ಕುಟುಂಬದವರು ಪಣಜಿಯ ಮಣಿಪಾಲ್ ಆಸ್ಪತ್ರೆಗೆ ದಾಖಲಿಸಿದ್ದಾರೆ. ಆದರೆ ಚಿಕಿತ್ಸೆ ಫಲಕಾರಿಯಾಗದೆ ನಾನಾ ಇಹಲೋಕ ತ್ಯಜಿಸಿದರು.
ನಾನಾ ಪಾಟೇಕರ್ ಅವರ ಅಂತ್ಯಕ್ರಿಯೆಯನ್ನು ಗುರುವಾರ ರಾತ್ರಿ 11.30 ರ ಸುಮಾರಿಗೆ ಪುಣೆಯ ಗ್ರಾಮೀಣ ಭಾಗದಲ್ಲಿರುವ ಡೊಂಜೆ ಗ್ರಾಮದಲ್ಲಿನ ಅವರ ಫಾರ್ಮ್‌ ಹೌಸ್‌ನಲ್ಲಿ ರಾತ್ರಿ ಸಕಲ ಸರ್ಕಾರಿ ಗೌರವಗಳೊಂದಿಗೆ ಅಂತ್ಯಕ್ರಿಯೆ ನೆರವೇರಿದೆ.
ನಾನಾ ಪಾಟೇಕರ್ ಸಾವಿಕೆ ಕೇವಲ ಬಾಲಿವುಡ್ ಮಾತ್ರವಲ್ಲದೆ, ಪ್ರಧಾನಿ, ರಾಷ್ಟ್ರಪತಿ ಸೇರಿದಂತೆ ರಾಜಕೀಯ ನಾಯಕರು, ವಿರಾಟ್, ಸಚಿನ್ ಸೇರಿದಂತೆ ಕ್ರಿಕೆಟ್ ಆಟಗಾರರು, ಹೀಗೆ ಸಮಾಜದ ಸರ್ವಸ್ಥರದ ಖ್ಯತನಾಮರು ನಾನಾ ಪಾಟೇಕರ್ ಅವರ ಸಾವಿಗೆ ಕಂಬನಿ ಮಿಡಿದಿದ್ದಾರೆ. ನಾನಾ ಪಾಟೇಕರ್ ಅವರ ಸಾವು ಕೇವಲ ಭಾರತಕ್ಕೆ ಸೀಮಿತವಾಗಿರದೆ, ಪಾಕಿಸ್ತಾನದ ಮಾಜಿ ಕ್ರಿಕೆಟ್ ಆಟಗಾರನೊಬ್ಬ ಸಂತಾಪ ಸೂಚಿಸಿರುವುದು ನಾನಾ ಪಾಟೇಕರ್ ಅವರ ಪ್ರಸಿದ್ಧಿಗೆ ಹಿಡಿದ ಕೈಗನ್ನಡಿಯಾಗಿದೆ.
ಪಾಕಿಸ್ತಾನ ಕ್ರಿಕೆಟ್ನಲ್ಲಿ ವೀಕೆಟ್ ಕೀಪರ್ ಬ್ಯಾಟ್ಸ್ಮನ್ ಆಗಿ ಗುರುತಿಸಿಕೊಂಡಿದ್ದ ಉಮರ್ ಅಕ್ಮಲ್, ನಾನಾ ಪಾಟೇಕರ್ ಅವರ ಸಾವಿಗೆ ಸಂತಾಪ ಸೂಚಿಸಿದ್ದಾರೆ. ಅವರು ಅವರ ರಂಗದಲ್ಲಿ ಮಾಡಬೇಕಿದ್ದ ಕೆಲಸ ಮುಗಿದಿದೆ. ಅವರು ಮಾಡಿದ ಕೆಲಸದ ಪ್ರಭಾವ ತಲಮಾರುಗಳ ವೆರಗೆ ಪ್ರತಿಧ್ವನಿಸಲಿದೆ. ಮೀಸ್ ಯೂ ಸರ್ ಎಂದು ನೋವಿನ ಇಮೋಜಿಯನ್ನು ಅಕ್ಮಲ್ ತಮ್ಮ ಟ್ವಿಟ್ನಲ್ಲಿ ಸೇರಿಸಿದ್ದಾರೆ.
ಟ್ವಿಟರ್ ಖಾತೆಯಲ್ಲಿ ಪೋಸ್ಟ್ ಹಂಚಿಕೊಂಡಿರುವ ರನ್‌ಮಷಿನ್ ವಿರಾಟ್ ಕೊಹ್ಲಿ, "ಭಾರತೀಯ ಚಿತ್ರರಂಗದ ಒಬ್ಬ ನಿಜವಾದ ಲೆಜೆಂಡ್ ನಮ್ಮನ್ನು ಅಗಲಿದ್ದಾರೆ. ಅವರ ಸಿನಿಮಾಗಳು, ಅವರು ಬಿಟ್ಟುಹೋದ ಪರಂಪರೆ ಮುಂದಿನ ಎಷ್ಟೋ ತಲೆಮಾರುಗಳವರೆಗೆ ಸದಾ ಜೀವಂತವಾಗಿರುತ್ತದೆ. ನಾನಾ ಪಾಟೇಕರ್ ಜೀ, ನಿಮ್ಮ ಆತ್ಮಕ್ಕೆ ಶಾಂತಿ ಸಿಗಲಿ. ಓಂ ಶಾಂತಿ" ಎಂದು ತಮ್ಮ ನೋವನ್ನು ಹಂಚಿಕೊಂಡಿದ್ದಾರೆ.
ಮಾಸ್ಟರ್ ಬ್ಲಾಸ್ಟರ್ ಸಚಿನ್ ತೆಂಡೂಲ್ಕರ್ ಕೂಡ ನಾನಾ ಪಾಟೇಕರ್ ಅವರೊಂದಿಗಿನ ಒಡನಾಟ ಹಾಗೂ ಅವರ ನೇರ ನುಡಿಯನ್ನು ನೆನಪಿಸಿಕೊಂಡಿದ್ದಾರೆ. "ನಾನಾ ಪಾಟೇಕರ್ ಅವರನ್ನು ನಾನು ಎಂದಿಗೂ ಮುಚ್ಚುಮರೆಯಿಲ್ಲದ, ಅತ್ಯಂತ ನೇರ ವ್ಯಕ್ತಿಯಾಗಿ ನೆನಪಿಸಿಕೊಳ್ಳುತ್ತೇನೆ.
ಅವರ ನಟನೆಯಲ್ಲೂ ಅಷ್ಟೇ, ಯಾವುದೇ ಕೃತಕತೆ ಇರುತ್ತಿರಲಿಲ್ಲ, ಸಂಪೂರ್ಣ ಪ್ರಾಮಾಣಿಕತೆ ಕಾಣುತ್ತಿತ್ತು. ಹಿಂದಿ ಮತ್ತು ಮರಾಠಿ ಸಿನಿಮಾಗಳಲ್ಲಿ, ಅವರು ಮಾಡಿದ ಪ್ರತಿಯೊಂದು ಪಾತ್ರಕ್ಕೂ ಜೀವ ತುಂಬುತ್ತಿದ್ದರು. ಅವರ ನಿಧನದ ಸುದ್ದಿ ಕೇಳಿ ಮನಸ್ಸಿಗೆ ತುಂಬಾ ನೋವಾಯಿತು. ಅವರ ಕುಟುಂಬಕ್ಕೆ ದುಃಖ ಭರಿಸುವ ಶಕ್ತಿ ಸಿಗಲಿ" ಎಂದು ಸಚಿನ್ ಕಂಬನಿ ಮಿಡಿದಿದ್ದಾರೆ, (ಏಜೆನ್ಸೀಸ್).