ಅಪರೇಷನ್​ ಸಿಂದೂರ್​ ಬಳಿಕ ರಾಷ್ಟ್ರೀಯ ಭದ್ರತಾ ಸಲಹಾಗಾರರ ಪ್ರಥಮ ಪ್ರತಿಕ್ರಿಯೆ 
ದೇಶ

ನಮ್ಮ ತಾಳ್ಮೆ ಬಲಹೀನತೆಯಲ್ಲ, ಅದೇ ಭಾರತದ ಶಕ್ತಿ: ಪಾಕಿಸ್ತಾನಕ್ಕೆ ಅಜಿತ್​ ದೋವಲ್​ ಖಡಕ್​ ಎಚ್ಚರಿಕೆ! Ajit Doval Warning to Pakistan

ಪ್ರಮುಖ ಮುಖ್ಯಾಂಶಗಳು

  • ಅಪರೇಷನ್​ ಸಿಂದೂರ್​ ಬಳಿಕ ರಾಷ್ಟ್ರೀಯ ಭದ್ರತಾ ಸಲಹಾಗಾರರ ಪ್ರಥಮ ಪ್ರತಿಕ್ರಿಯೆ
  • ತಾಳ್ಮೆ ಎನ್ನುವುದು ನಮ್ಮ ಬಲಹೀನತೆಯಲ್ಲ, ಅದೇ ಭಾರತದ ಶಕ್ತಿ
  • ಉಗ್ರರಿಗೆ ಆಶ್ರಯ ಕೊಡಬೇಡಿ; ಅದು ನಿಮ್ಮ ದೇಶಕ್ಕೆ ಒಳ್ಳೆಯದಲ್ಲ
ನವದೆಹಲಿ: ಭಾರತ ಪಾಕಿಸ್ತಾನದ ಮೇಲೆ ಆಪರೇಷನ್​ ಸಿಂದೂರ್​ ನಡೆಸಿ ವರ್ಷ ಕಳೆದ ನಂತರ ರಾಷ್ಟ್ರೀಯ ಭದ್ರಾತಾ ಸಲಹೆಗಾರರಾದ ಅಜಿತ್​ ದೋವಲ್ (Ajit Doval Warning to Pakistan)​ ಅವರು ಇದೇ ಮೊದಲ ಬಾರಿಗೆ ಆಪರೇಷನ್​ ಸಿಂದೂರ್​ ಬಗ್ಗೆ ಪ್ರತಿಕ್ರಿಯೆ ನೀಡಿದ್ದಾರೆ.
ಡಿಸ್ಕವರಿ ಚಾನೆಲ್​ ನಿರ್ಮಿಸಿರುವ ಡೆಕ್ಲಾಸ್ಸಿಫೈಡ್​: ಆಪರೇಷನ್ ಸಿಂದೂರ್ ಎಂಬ ಸಾಕ್ಷ್ಯಚಿತ್ರದಲ್ಲಿ ಕಾಣಿಸಿಕೊಂಡು, ಮಾತನಾಡಿರುವ ಅಜಿತ್​ ದೋವಲ್​ ಪಾಕಿಸ್ತಾನಕ್ಕೆ ನೇರ ಎಚ್ಚರಿಕೆ ನೀಡಿದ್ದಾರೆ. ಈ ಸಾಕ್ಷ್ಯಚಿತ್ರವು ಆಗಸ್ಟ್​ 15 ರಾತ್ರಿ 9 ಗಂಟೆಗೆ ಬಿಡುಗಡೆಯಾಗಲಿದೆ.
ಇದನ್ನೂ ಓದಿ: ಬಹುಶಃ ಇದನ್ನೇ ಜೀವನ ಎನ್ನುತ್ತಾರೆ: ನ್ಯಾಶನಲ್​ ಕ್ರಶ್ ಸೊಂಟಕ್ಕೆ ಗಾಯ; ಆರೋಗ್ಯ ಸ್ಥಿತಿ ಬಗ್ಗೆ ರಶ್ಮಿಕಾ ಹೇಳಿದ್ದೇನು? Rashmika Mandanna on Hip Injury

ನಮ್ಮ ತಾಳ್ಮೆ ನಮ್ಮ ಬಲಹೀನತೆಯಲ್ಲ!

ಪಾಕಿಸ್ತಾನ ವರ್ಷಗಳಿಂದ ತನ್ನ ನೆಲದಲ್ಲಿ ಭಯೋತ್ಪಾದಕರಿಗೆ ಆಶ್ರಯ ನೀಡುತ್ತಾ ಭಾರತದ ವಿರುದ್ಧ ಪಿತೂರಿ ನಡೆಸುತ್ತಾ ಬಂದಿದೆ. ಆದರೆ ಆಪರೇಷನ್​ ಸಿಂದೂರ್​ ಮೂಲಕ, ಭಯೋತ್ಪಾದಕರಿಗೆ ಆಶ್ರಯ ನೀಡುವ ದೇಶಕ್ಕೆ ನುಗ್ಗಿ ನಾವು ದಾಳಿ ಮಾಡುತ್ತೇವೆಂದು ವಿಶ್ವಕ್ಕೆ ಸಾಬೀತು ಪಡಿಸಿದ್ದಾಗಿ ದೋವಲ್​ ಹೇಳಿದ್ದಾರೆ.

ಹಾಗೆಯೇ, ಉಗ್ರರಿಗೆ ಆಶ್ರಯ ನೀಡಿದರೆ ಅದು ತನ್ನ ನೆರೆ ದೇಶಕ್ಕೆ ಮಾತ್ರವಲ್ಲ, ತನ್ನ ದೇಶಕ್ಕೂ ಆಪತ್ತನ್ನು ತರುತ್ತದೆ ಎಂದು ಪಾಕ್​ ಸೇನೆ ಮನವರಿಕೆ ಮಾಡಿಕೊಳ್ಳಬೇಕೆಂದು ಭದ್ರತಾ ಸಲಹೆಗಾರರು ತಿಳಿಸಿದ್ದಾರೆ.

ನಮ್ಮ ಮೇಲೆ ಪಾಕಿಸ್ತಾನ ಪ್ರೇರಿತ ದಾಳಿ ನಡೆದಾಗ ನಾವು ಕೆಲ ದಿನ ಸುಮ್ಮನೇ ಇರುತ್ತೇವೆ, ಆದರೆ ತಾಳ್ಮೆ ಎನ್ನುವುದು ಭಾರತದ ಬಲಹೀನತೆಯಲ್ಲ, ಬದಲಾಗಿ ಅದೇ ನಮ್ಮ ಅತ್ಯುನ್ನತ ಶಕ್ತಿಯಾಗಿದೆ ಎಂದಿದ್ದಾರೆ.


ಇದನ್ನೂ ಓದಿ: ಜನಗಣತಿ 2027: 40 ಪ್ರಶ್ನೆಗಳಿಗೆ ಉತ್ತರಿಸಬೇಕು! ನಿಮ್ಮಿಂದ ಕೇಳಲಾಗುವ ಪ್ರಶ್ನೆಗಳ ಸಂಪೂರ್ಣ ಪಟ್ಟಿ ಇಲ್ಲಿದೆ | 2027 Census
ಆದರೆ, ನಾವು ಒಮ್ಮೆ ಸಮರಕ್ಕೆ ಸಿದ್ಧವಾದರೆ, ನಮ್ಮ ಗುರಿಯನ್ನು ಸಾಧಿಸದೇ ಮರಳುವುದಿಲ್ಲ ಎನ್ನುವುದಕ್ಕೆ ಈ ಆಪರೇಷನ್​ ಸಿಂದೂರ್​ ಉತ್ತಮ ಉದಾಹರಣೆಯಾಗಿದೆ ಎಂದು ದೋವಲ್​ ತಿಳಿಸಿದ್ದಾರೆ.

ಏನಿದು ಆಪರೇಷನ್​ ಸಿಂದೂರ್​?

ಆಪರೇಷನ್ ಸಿಂಧೂರ್ ಎನ್ನುವುದು 2025ರ ಮೇ 7 ರಂದು ಭಾರತೀಯ ಸಶಸ್ತ್ರ ಪಡೆಗಳು ಪಾಕಿಸ್ತಾನ ಮತ್ತು ಪಾಕಿಸ್ತಾನ ಆಕ್ರಮಿತ ಕಾಶ್ಮೀರದಲ್ಲಿ (POK) ಭಯೋತ್ಪಾದಕ ಮೂಲಸೌಕರ್ಯಗಳನ್ನು ಗುರಿಯಾಗಿಸಿಕೊಂಡು ನಡೆಸಿದ ಸೇನಾ ಕಾರ್ಯಾಚರಣೆಯಾಗಿದೆ.
ಇದನ್ನೂ ಓದಿ: ಪಾಕಿಸ್ತಾನದಲ್ಲಿ ಸ್ವಾತಂತ್ರ್ಯ ದಿನಾಚರಣೆ: ಕೇಕ್​ಗಾಗಿ ಮುಗಿಬಿದ್ದ ಜನ, ಶುರುವಾಯ್ತು ಕಿತ್ತಾಟ; ಸೋಷಿಯಲ್​ ಮೀಡಿಯಾನಲ್ಲಿ ವಿಡಿಯೋ ವೈರಲ್​! Fighting for Cake in Pakistan
ಅದೇ ವರ್ಷದ ಏಪ್ರಿಲ್ 22ರಂದು ಜಮ್ಮು ಮತ್ತು ಕಾಶ್ಮೀರದ ಪಹಲ್ಗಾಮ್‌ನಲ್ಲಿ ಅಮಾಯಕ ಪ್ರವಾಸಿಗರ ಮೇಲೆ ನಡೆದ ಕ್ರೂರ ಭಯೋತ್ಪಾದಕ ದಾಳಿಯಲ್ಲಿ 26 ಜನರು ಸಾವನ್ನಪ್ಪಿದ್ದರು. ಈ ದುರ್ಘಟನೆಗೆ ತಕ್ಕ ಪ್ರತ್ಯುತ್ತರವಾಗಿ ಭಾರತೀಯ ಸೇನೆಯು (ಭೂ, ವಾಯು ಮತ್ತು ನೌಕಾಪಡೆ) ಜಂಟಿಯಾಗಿ ಈ ಕಾರ್ಯಾಚರಣೆಯನ್ನು ಕೈಗೊಂಡಿತು.

ಗುಪ್ತಚರ ಮಾಹಿತಿಯ ಆಧಾರದ ಮೇಲೆ ಪಾಕ್ ಹಾಗೂ ಪಿಒಕೆಯಲ್ಲಿ ಗುರುತಿಸಲಾಗಿದ್ದ ಒಟ್ಟು ಒಂಬತ್ತು ಪ್ರಮುಖ ಉಗ್ರರ ಅಡಗುತಾಣಗಳನ್ನು ಈ ವಾಯುದಾಳಿಯ ಮೂಲಕ ಭಾರತೀಯ ಪಡೆಗಳು ಧೂಳಿಪಟಗೊಳಿಸಿದವು. ಗಡಿಯಾಚೆಗಿನ ಭಯೋತ್ಪಾದನೆಯನ್ನು ಮಟ್ಟಹಾಕುವಲ್ಲಿ ಹಾಗೂ ದೇಶದ ಭದ್ರತೆಯ ವಿಚಾರದಲ್ಲಿ ಭಾರತದ ದೃಢಸಂಕಲ್ಪವನ್ನು ಈ ಕಾರ್ಯಾಚರಣೆಯು ಜಗತ್ತಿಗೆ ಸಾರಿತು,

(ಏಜನ್ಸೀಸ್​).