Hardeep Puri | ಕೇಂದ್ರ ಸಚಿವ ಹರ್ದೀಪ್ ಸಿಂಗ್ ಪುರಿ
ದೆಹಲಿ: ಅಮೆರಿಕದ ಲೈಂಗಿಕ ಅಪರಾಧಿ ಜೆಫ್ರಿ ಎಪ್ಸ್ಟೀನ್ ಜೊತೆಗಿನ ನ್ಯಾಯಾಲಯದ ದಾಖಲೆಗಳು ಮತ್ತು ಕಡತಗಳಲ್ಲಿ ತಮ್ಮ ಹೆಸರು ಕಾಣಿಸಿಕೊಂಡಿದೆ ಎನ್ನುವ ವಿಷಯವನ್ನು ಪ್ರಸ್ತಾಪಿಸಿದ್ದಕ್ಕಾಗಿ ರಾಹುಲ್ ಗಾಂಧಿ ವಿರುದ್ಧ ಕೇಂದ್ರ ಪೆಟ್ರೋಲಿಯಂ ಮತ್ತು ನೈಸರ್ಗಿಕ ಅನಿಲ ಸಚಿವ ಹರ್ದೀಪ್ ಸಿಂಗ್ (Hardeeppuri) ಪುರಿ ಕಿಡಿ ಕಾರಿದ್ದಾರೆ.
ಇಂಡಿಯಾ ಟುಡೇ ಜೊತೆಗಿನ ವಿಶೇಷ ಸಂದರ್ಶನದಲ್ಲಿ ಮಾತನಾಡಿದ ಸಚಿವ ಪುರಿ, ಕಾಂಗ್ರೆಸ್ ನಾಯಕ ರಾಹುಲ್ ರಾಜಕೀಯವಾಗಿ ಇನ್ನೂ ಬೆಳೆಯಬೇಕಾಗಿದೆ, ಆದರೆ ಅವರು ಅದನ್ನು ಬಿಟ್ಟು ನಕಲಿ ರಾಜಕೀಯದಲ್ಲಿ ತೊಡಗಿದ್ದಾರೆ ಎಂದು ಆರೋಪಿಸಿದರು.
ರಾಹುಲ್ ಗಾಂಧಿಯವರು ದಾಖಲೆಗಳನ್ನು ಸರಿಯಾಗಿ ಓದಿದ್ದರೆ ಸಂಸತ್ತಿನಲ್ಲಿ ತಮ್ಮನ್ನು ತಾವು ಮೂರ್ಖನನ್ನಾಗಿಸಿಕೊಳ್ಳುತ್ತಿರಲಿಲ್ಲ, ಪ್ರಶ್ನೆ ಎದ್ದಿರುವುದು ಎಪ್ಸ್ಟೀನ್ ಬಗ್ಗೆ ಅಲ್ಲ. ಪ್ರಬುದ್ಧತೆಯ ಕೊರತೆ ಮತ್ತು ರಾಜಕೀಯದಲ್ಲಿ ವ್ಯಂಗ್ಯವಾಗಿ ನಂಬಿಕೆ ಇಡುವ ವ್ಯಕ್ತಿಯ ಬಗ್ಗೆ ಎಂದರು.
ರಾಹುಲ್ ಗಾಂಧಿ ಸಂಸತ್ತಿನಲ್ಲಿ ಈ ರೀತಿಯ ಆರೋಪಗಳನ್ನು ಮಾಡುವ ಮೂಲಕ ವಸ್ತುನಿಷ್ಠ ಚರ್ಚೆಯನ್ನು ತಪ್ಪಿಸುತ್ತಿದ್ದಾರೆ, ನೀವು ಯಾವುದೇ ವಿಷಯವನ್ನು ಎತ್ತಲು ಬಯಸಿದರೆ, ಅದರ ಬಗ್ಗೆ ಮೊದಲು ಸಂಶೋಧನೆ ಮಾಡಬೇಕು ಮತ್ತು ಇನ್ನೊಂದು ಬದಿಯವರಿಗೆ ಪ್ರತಿಕ್ರಿಯಿಸಲು ಅವಕಾಶ ನೀಡಬೇಕು. ಕಾಂಗ್ರೆಸ್ ನಾಯಕರು ಏನನ್ನಾದರೂ ಹೇಳಿ ಓಡಿಹೋಗುತ್ತಾರೆ, ಸದನ ತಿಳುವಳಿಕೆಯುಳ್ಳ ಭಾಗವಹಿಸುವಿಕೆಗೆ ವೇದಿಕೆಯಾಗಿದ್ದು, ಪ್ರಚೋದನೆಗೆ ಅಲ್ಲ ಎಂದು ಹೇಳಿದರು.
ಭಾರತ ಉತ್ತಮವಾಗಿ ಕಾರ್ಯನಿರ್ವಹಿಸುತ್ತಿದೆ ಎನ್ನುವ ಅಂಶವೇ ಕಾಂಗ್ರೆಸ್ ನಾಯಕರಿಗೆ ಅಸೂಯೆ ಹುಟ್ಟಿಸುತ್ತಿದೆ, ಕಾಂಗ್ರೆಸ್ ನಾಯಕ ಜನರ ಆಕಾಂಕ್ಷೆಗಳಲ್ಲಿ ಯಾವತ್ತು ನಂಬಿಕೆ ಇಡುವುದಿಲ್ಲ ಎಂದರು.
ಸಾರ್ವಜನಿಕವಾಗಿ ಬಿಡುಗಡೆಯಾದ ಸುಮಾರು ಮೂರು ಮಿಲಿಯನ್ ದಾಖಲೆಗಳಲ್ಲಿ ತಮ್ಮ ಹೆಸರು ಕೇವಲ ಎರಡು ಇಮೇಲ್ಗಳಲ್ಲಿ ಮಾತ್ರ ಕಾಣಿಸಿಕೊಂಡಿದೆ ಎಂದು ವಿವರಿಸಿದ ಸಚಿವರು. ಮೇ 2009 ರಿಂದ 2017 ರವರೆಗೆ ಅಮೆರಿಕದಲ್ಲಿ ಭಾರತದ ರಾಯಭಾರಿಯಾಗಿ ಸೇವೆ ಸಲ್ಲಿಸಿದ್ದೇನೆ ಮತ್ತು ಅಂತರರಾಷ್ಟ್ರೀಯ ಶಾಂತಿ ಸಂಸ್ಥೆಯ (ಐಪಿಐ) ಯೋಜನೆಯಾದ ಸ್ವತಂತ್ರ ಬಹುಪಕ್ಷೀಯ ಆಯೋಗದ (ಐಸಿಎಂ) ಪ್ರಧಾನ ಕಾರ್ಯದರ್ಶಿಯಾಗಿ ಅವರ ಪಾತ್ರಕ್ಕೆ ಸಂಬಂಧಿಸಿದಂತೆ ಎಂಟು ವರ್ಷಗಳಲ್ಲಿ ನಾಲ್ಕು ಬಾರಿ ಎಪ್ಸ್ಟೀನ್ರನ್ನು ಭೇಟಿ ಮಾಡಿದ್ದೇನೆ ಎಂದು ತಿಳಿಸಿದರು(ಏಜೆನ್ಸೀಸ್).