ಕೈ ಬಿಟ್ಟು ಸೈಕಲ್​​ ಹತ್ತಿದ ಮಾಜಿ ಸಚಿವ ನಸೀಮುದ್ದೀನ್ ಸಿದ್ದಿಕಿ..ಬದಲಾಗುತ್ತಾ ಮುಸ್ಲಿಂ ಮತಗಳ ಲೆಕ್ಕಾಚಾರ..? | Naseemuddin Siddiqui

ಈ ಬೆಳವಣಿಗೆ ಮುಂದಿನ ವರ್ಷದ ಉತ್ತರ ಪ್ರದೇಶ ವಿಧಾನಸಭಾ ಚುನಾವಣೆಯಲ್ಲಿ ಯಾವ ರೀತಿಯ ಪರಿಣಾಮ ಬೀರಬಹುದು ಎನ್ನುವುದನ್ನು ಕಾದು ನೋಡಬೇಕಿದೆ.

ನಸೀಮುದ್ದೀನ್ ಸಿದ್ದಿಕಿ ಜನವರಿ 24 ರಂದು ಹಠಾತ್​ ರಾಜೀನಾಮೆ ನೀಡಿದರು. ಪಕ್ಷದಲ್ಲಿ ತಮಗೆ ಸರಿಯಾದ ಮನ್ನಣೆ ಸಿಗುತ್ತಿಲ್ಲ, ಅಲ್ಲಿ ಕೇವಲ ನಾಯಕನಾಗಿ ಇರಬೇಕಿದೆಯೇ ಹೊರತು, ಕೆಲಸ ಮಾಡಲು ಅವಕಾಶವಿಲ್ಲ ಎಂದು ಅಸಮಾಧಾನ ವ್ಯಕ್ತಪಡಿಸಿದ್ದರು.

ಕಾನ್ಶಿರಾಮ್ ಕಾಲದಿಂದಲೂ ಸಿದ್ದಿಕಿ ಬಿಎಸ್ಪಿ ಜೊತೆ ದೀರ್ಘ ಒಡನಾಟ ಹೊಂದಿದ್ದು, ಮತ್ತೆ ಅದೇ ಪಕ್ಷ ಸೇರಬಹುದು ಎಂಬ ಊಹಾಪೋಹವಿತ್ತು. ಮಾಯಾವತಿ ಉತ್ತರ ಪ್ರದೇಶದ ಮುಖ್ಯಮಂತ್ರಿಯಾಗಿದ್ದ ನಾಲ್ಕು ಅವಧಿಗಳಲ್ಲಿಯೂ ಸಿದ್ದಿಕಿ ಸಚಿವರಾಗಿ ಕಾರ್ಯನಿರ್ವಹಿಸಿದ್ದರು. 2017 ರಲ್ಲಿ ಬಿಎಸ್ಪಿಯಿಂದ ಉಚ್ಛಾಟಿತರಾದ ಅವರು ಅದಾದ ಕೆಲವೇ ದಿನಗಳಲ್ಲಿ ಕಾಂಗ್ರೆಸ್ ಸೇರಿದರು(ಏಜೆನ್ಸೀಸ್​​).