ಫೈನಲ್ ಪಂದ್ಯದ ವೇಳೆ ಪಿಚ್ ಮೇಲೆ ಟ್ರ್ಯಾಕ್ಟರ್ ಚಲಾಯಿಸಿದ ಭೂಪ
- ಕ್ರಿಕೆಟ್ ಟೂರ್ನಮೆಂಟ್ಗೆ ಆಹ್ವಾನಿಸದಿದ್ದಕ್ಕೆ ಕೋಪ
- ಫೈನಲ್ ಪಂದ್ಯದ ವೇಳೆ ಪಿಚ್ ಮೇಲೆ ಟ್ರ್ಯಾಕ್ಟರ್ ಚಲಾಯಿಸಿದ ಭೂಪ
- ಸೋಷಿಯಲ್ ಮೀಡಿಯಾನಲ್ಲಿ ವಿಡಿಯೋ ವೈರಲ್
ವೈರಲ್: ನಾವು ಬಾಲ್ಯದಲ್ಲಿ ಕ್ರಿಕೆಟ್ ಆಡುವಾಗ ಯಾರು ಬ್ಯಾಟ್ ಮತ್ತು ಬೌಲ್ ಹೊಂದಿರುತ್ತಿದ್ದರೋ ಅವರದೇ ನಿಯಮವಾಗಿರುತ್ತಿತ್ತು. ಅವನು ಬ್ಯಾಟ್ ಕೊಟ್ಟರೆ ಬ್ಯಾಟಿಂಗ್, ಬಾಲ್ ಕೊಟ್ಟರೆ ಬೌಲಿಂಗ್ ಮಾಡುತ್ತಿದ್ದೆವು. ಇದೀಗ ಇದೇ ರೀತಿಯ ಒಂದು ಘಟನೆ ವೈರಲ್ ಆಗುತ್ತಿದ್ದು, ಕ್ರಿಕೆಟ್ ಟೂರ್ನಾಮೆಂಟ್ ಆಡಲು ಕರೆದಿಲ್ಲವೆಂದು ಕ್ರಿಕೆಟ್ ಫಿಚ್ನಲ್ಲಿ ಟ್ರ್ಯಾಕ್ಟರ್ ಓಡಿಸಿದ ಘಟನೆ ಸೋಷಿಯಲ್ ಮೀಡಿಯಾನಲ್ಲಿ ಸಖತ್ ವೈರಲ್ (Viral Video) ಆಗುತ್ತಿದೆ.
ವಿಡಿಯೋನಲ್ಲೇನಿದೆ?
ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿರುವ ವಿಡಿಯೋನಲ್ಲಿ ನೀಲಿ ಬಣ್ಣದ ಟ್ರ್ಯಾಕ್ಟರ್ ಏರಿದ ವ್ಯಕ್ತಿಯೊಬ್ಬ ಏಕಾಏಕಿ, ಪಂದ್ಯದ ನಡುವೆ ಟ್ರ್ಯಾಕ್ಟರ್ ನುಗ್ಗಿಸಿ, ಪಿಚ್ನ್ನು ದ್ವಂಸ ಮಾಡಿರುವುದನ್ನು ನಾವು ನೋಡಬಹುದಾಗಿದೆ.
ಮಾಹಿತಿಗಳ ಪ್ರಕಾರ, ಈ ವಿಡಿಯೋ ಮಹಾರಾಷ್ಟ್ರದ ಜಾಲಾಗಾವ್ನಲ್ಲಿ ನಡೆದ ಘಟನೆ ಎಂದು ತಿಳಿದು ಬಂದಿದ್ದು, ಟ್ರ್ಯಾಕ್ಟರ್ ಏರಿರುವ ವ್ಯಕ್ತಿಯನ್ನು ಕ್ರಿಕೆಟ್ ಟೂರ್ನಾಮೆಂಟ್ಗೆ ಆಹ್ವಾನಿಸದ ಕಾರಣ, ಕುಪಿತನಾದ ಇತ ಫೈನಲ್ ಪಂದ್ಯ ನಡೆಯುವ ಸಂದರ್ಭದಲ್ಲಿ ತನ್ನ ಟ್ರ್ಯಾಕ್ಟರ್ ಮೂಲಕ ಪಿಚ್ನ್ನು ಸಂಪೂರ್ಣವಾಗಿ ಹಾಳು ಮಾಡಿದ್ದಾಗಿ ತಿಳಿದು ಬಂದಿದೆ.
ದುಃಖಗೊಂಡ ಪ್ರೇಕ್ಷಕರು
ಈ ವ್ಯಕ್ತಿ ಟ್ರ್ಯಾಕ್ಟರ್ ಮೂಲಕ ಪಿಚ್ನ್ನು ಹಾಳು ಮಾಡಲು ಶುರು ಮಾಡಿದ್ದೆ, ಕೆಲ ಜನರು ಆತನನ್ನು ತಡೆಯಲು ಮುಂದಾದರೆ, ಇನ್ನು ಕೆಲವರು ತಮ್ಮ ಮೊಬೈಲ್ನಲ್ಲಿ ವಿಡಿಯೋವನ್ನು ಸೆರೆ ಹಿಡಿದಿದ್ದಾರೆ. ಆದರೆ ಹೀಗೆ ಫೈನಲ್ ಪಂದ್ಯಾವಳಿಯಲ್ಲಿ ನಡೆದ ಈ ಘಟನೆಯಿಂದಾಗಿ, ಮ್ಯಾಚ್ ನೋಡಲು ಬಂದ ಜನ ನಿರಾಶೆ ಗೊಂಡಿದಂತು ನಿಜವಾಗಿದೆ.
ನೆಟ್ಟಿಗರು ಏನಂತಾರೆ?
ಈ ವಿಡಿಯೋ ಸೋಷಿಯಲ್ ಮೀಡಿಯಾನಲ್ಲಿ ವೈರಲ್ ಆಗುತ್ತಿದ್ದಂತೆ ನೆಟ್ಟಿಗರು ಕಮೆಂಟ್ಗಳ ಸಮುದ್ರವನ್ನೇ ಹರಿಸಿದ್ದಾರೆ. ಅದಕ್ಕೆ ಟ್ರ್ಯಾಕ್ಟರ್ ಇರುವ ಗೆಳೆಯನ ಜೊತೆ ಜಗಳ ಮಾಡಬಾರದು ಎಂದು ಹೇಳುವುದು ಎಂದು ಒಬ್ಬ ಬಳಕೆದಾರ ಹೇಳಿದರೆ, ಪಾಪ ಇವನನ್ನು ಏಕೆ ಕ್ರಿಕೆಟ್ ಆಡಲು ಕರೆದಿಲ್ಲ? ಎಂದು ಇನ್ನೊಬ್ಬರು ಪ್ರಶ್ನಿಸಿದ್ದಾರೆ. ಇವರಿಗೆಲ್ಲಾ ದುಡ್ಡಿನ ಮದ, ಮತ್ತು ಅಧಿಕಾರದ ದೌಲತ್ತು, ಪೊಲೀಸರು ಇವನನ್ನು ವಶಕ್ಕೆ ಪಡೆಯಬೇಕು ಎಂದು ಮತ್ತೊಬ್ಬರು ಆಕ್ರೋಶ ಹೊರಹಾಕಿದ್ದಾರೆ, (ಏಜನ್ಸೀಸ್).