ಡೊನಾಲ್ಡ್​ ಟ್ರಂಪ್​ ನೆತನ್ಯಾಹು ಚೇಲಾ; ಎಪ್ಸ್ಟೀನ್ ಫೈಲ್ಸ್​ನ್ನು ಮರೆಮಾಚಲು ಇರಾನ್​ ಮೇಲೆ ಯುದ್ಧ; ಅಮೆರಿಕ ಅಧ್ಯಕ್ಷನ ಮೇಲೆ ಕಮಲಾ ಕಿಡಿ! Kamala Harris on Donald Trump

ವಾಷಿಂಗ್​ಟನ್​: ಅಮೆರಿದ ಅಧ್ಯಕ್ಷ ಡೊನಾಲ್ಡ್​ ಟ್ರಂಪ್, ಇಸ್ರೇಲ್​ ಪ್ರಧಾನಿ ಬೆಂಜಮಿನ್​ ನೆತನ್ಯಾಹು ಪ್ರಭಾವಕ್ಕೆ ಒಳಗಾಗಿ ಇರಾನ್​ ಮೇಲೆ ದಾಳಿ ನಡೆಸಿದ್ದಾರೆ. ಎಪ್ಸ್ಟೀನ್ ಫೈಲ್ಸ್​ ಮೇಲಿದ್ದ ಜನರ ಗಮನವನ್ನು ಸೆಳೆಯಲು ಟ್ರಂಪ್​ ಈ ಮಿಲಿಟರಿ ಕಾರ್ಯಾಚರಣೆ ಮಾಡಿದ್ದಾರೆಂದು ಅಮೆರಿಕದ ಮಾಜಿ ಉಪಾಧ್ಯಕ್ಷೆ ಕಮಲಾ ಹ್ಯಾರಿಸ್ (Kamala Harris on Donald Trump) ಟೀಕಿಸಿದ್ದಾರೆ.​

ಶನಿವಾರ (ಏ.18) ಕಾರ್ಯಕ್ರಮವೊಂದರಲ್ಲಿ ಮಾತನಾಡಿದ ಕಮಲಾ ಹ್ಯಾರಿಸ್​, ಕೆಲ ತಿಂಗಳುಗಳ ಹಿಂದೆ ಪ್ರಪಂಚದ ಹಾಗೂ ಅಮೆರಿಕನ್ನರ ಗಮನ ಎಪ್ಸ್ಟೀನ್ ಫೈಲ್ಸ್​ ಮೇಲಿತ್ತು. ಇದರಿಂದ ಟ್ರಂಪ್​ ಸರ್ಕಾರಕ್ಕೆ ಆಗ್ಗಾಗೆ ಮುಜುಗರ ಉಂಟಾಗುತ್ತಿತ್ತು. ಹೋದಲ್ಲಿ-ಬಂದಲ್ಲಿ ಜನ ಈ ಬಗ್ಗೆ ಪ್ರಶ್ನೆ ಮಾಡುತ್ತಿದ್ದರು. ಇವೆಲ್ಲದರಿಂದ ಮುಕ್ತಿ ಪಡೆಯಲು, ಅಧ್ಯಕ್ಷ ಟ್ರಂಪ್​ ಇಸ್ರೇಲ್​ನ ಬೆಂಜಮಿನ್​ ನೆತನ್ಯಾಹು ಜೊತೆ ಸೇರಿಕೊಂಡು ಇರಾನ್​ ಮೇಲೆ ದಾಳಿ ಮಾಡಿರುವುದಾಗಿ ಕಮಾಲಾ ಆರೋಪಿಸಿದ್ದಾರೆ.

ಟ್ರಂಪ್​ ವಾಗ್ದಾಳಿ ಮುಂದುವರಿಸಿದ ಕಮಾಲಾ, ಎರಡನೇ ವಿಶ್ವಯುದ್ಧದ ನಂತರ, ತಮ್ಮ ಮಿತ್ರ ದೇಶಗಳನ್ನು ಹಾಗೂ ವಿಶ್ವಶಾಂತಿಯನ್ನು ಕಾಪಾಡುವುದು ಅಮೆರಿದ ಆದ್ಯ ಕರ್ತವ್ಯವೆಂದು ತಿಳಿಯಲಾಗಿತ್ತು. ಆದರೆ ಟ್ರಂಪ್​ ಈ ರಲ್ಲಾ ಸಂಪ್ರದಾಯಗಳನ್ನು ಗಾಳಿಯಲ್ಲಿ ತೂರಿದ ಪರಿಣಾಮ, ಅಮೆರಿಕದ ಮಾನ ಅಂತರಾಷ್ಟ್ರೀಯ ಮಟ್ಟದಲ್ಲಿ ಹರಾಜಾಗಿದೆ ಎಂದು ಹೇಳಿದ್ದಾರೆ.

ಡೊನಾಲ್ಡ್​ ಟ್ರಂಪ್​ ಹಾಗೂ ರಿಪಬ್ಲಿಕ್​ ಪಕ್ಷದ ಆಡಳಿತದಿಂದ ಅಮೆರಿಕನ್ನರು ಬೇಸತ್ತಿದ್ದಾರೆ. ಅಮೆರಿಕದ ಜನ ಬದಲಾವಣೆಯನ್ನು ಬಯಸುತ್ತಿದ್ದಾರೆ. ಆದ್ದರಿಂದ ಮುಂದಿನ ಅಧ್ಯಕ್ಷೀಯ ಚುನಾವಣೆಯಲ್ಲಿ ತಮ್ಮ ಡೆಮೊಕ್ರಾಟ್ ಪಕ್ಷದ ಅಭ್ಯರ್ಥಿ ಅಧ್ಯಕ್ಷರಾಗಲಿದ್ದಾರೆ ಎಂದು ಕಮಾಲಾ ಹೇಳಿಕೆ ನೀಡಿದ್ದಾರೆ,(ಏಜನ್ಸೀಸ್​).