ನಾನು ಕಾರು ಚಲಾಯಿಸುತ್ತಿರಲಿಲ್ಲ: ಅಪಘಾತದ ಬಳಿಕ ರೆಹಮಾನ್​ ಪುತ್ರ ಅಮೀನ್​ ಸ್ಪಷ್ಟನೆ; ಆದರೆ ಪೊಲೀಸರು ಹೇಳಿದ್ದೇನು? A R Rehman son Ameen

ಚೆನ್ನೈ: ಸೋಮವಾರ (ಆ.10) ಗಿಂಡಿಯಲ್ಲಿರುವ ಕಾಠಿಪರಾ ಫ್ಲೈಓವರ್​ನಲ್ಲಿ ಅಪಘಾತ ಸಂಭವಿಸಿದ್ದು, ಈ ಅಫಘಾತದಲ್ಲಿ ಖ್ಯಾತ ಸಂಗೀತ ನಿರ್ದೇಶಕ ಎ.ಆರ್​. ರೆಹಮಾನ್​ ಪುತ್ರ ಎ.ಆರ್​. ಅಮೀನ್ (A R Rehman son Ameen)​ ಗಾಯಗೊಂಡಿದ್ದಾರೆಂದು ವರದಿಯಾಗಿತ್ತು.

ಈಗ ಈ ಅಪಘಾತಕ್ಕೆ ಸಂಬಂಧಿಸಿದಂತೆ ಸೋಷಿಯಲ್​ ಮೀಡಿಯಾನಲ್ಲಿ ಮಾಹಿತಿ ಹಂಚಿಕೊಂಡಿರುವ ಅಮೀನ್​, ತಾನು ಸುರಕ್ಷಿತವಾಗಿದ್ದಾಗಿ ತಿಳಿಸಿದ್ದಾರೆ. 

ಘಟನೆ ಬಗ್ಗೆ ಅಮೀನ್​ ಹಂಚಿಕೊಂಡಿರುವ ಮಾಹಿತಿ ಪ್ರಕಾರ, ನಾನು ಬೆಳಿಗ್ಗೆ ಏರ್​ಪೋರ್ಟ್​ಗೆ ಹೊರಟಿದ್ದೆ. ಕಾರನ್ನು ನನ್ನ ಗೆಳೆಯ ಚಲಾಯಿಸುತ್ತಿದ್ದ, ನಾನು ಕಾರಿನ ಹಿಂಬದಿ ಸೀಟ್​ನಲ್ಲಿ ಕುಳಿತ್ತಿದೆ ಎಂದು ಹೇಳಿದ್ದಾರೆ.

ಫ್ಲೈಓವರ್​ನಲ್ಲಿ ನಮ್ಮ ಕಾರಿಗೆ ಎದುರುಗಡೆಯಿಂದ ಬಂದ ಕ್ಯಾಬ್​ವೊಂದು ಡಿಕ್ಕಿ ಹೊಡೆಯಿತು. ನಾವು ಟ್ರಾಫಿಕ್​ನಲ್ಲಿದ್ದು, ಕೆಂಪು ದೀಪವಿದ್ದರೂ ಕ್ಯಾಬ್​ ಚಾಲಕನ ಆತುರದಿಂದ ಈ ಅವಗಢ ಸಂಭವಿಸಿದೆ ಎಂದು ಅಮೀನ್​ ಹೇಳಿದ್ದಾರೆ.

ಆದರೆ, ಈ ಘಟನೆಯಿಂದ ನಮಗಾಗಲೀ, ಕ್ಯಾಬ್​ ಚಾಲಕನಿಗಾಗಲೀ ಯಾವುದೇ ಪ್ರಾಣಾಪಾಯವಾಗಿಲ್ಲ, ದೇವರ ಕೃಪೆಯಿಂದ ನಾವು ಸುರಕ್ಷಿತವಾಗಿದ್ದೆವೆಂದು ಅವರು ಬರೆದುಕೊಂಡಿದ್ದಾರೆ. ಅಪಘಾತದ ಬಳಿಕ, ನನ್ನ ಬಗ್ಗೆ ಕಾಳಜಿ ವಹಿಸಿದ ಕುಟುಂಬ ವರ್ಗ ಹಾಗೂ ಸ್ನೇಹಿತರಿಗೆ ನಾನು ಸದಾ ಖುಣಿಯಾಗಿರುತ್ತೆನೆಂದು ಹೇಳಿದ್ದಾರೆ. 

ಆದರೆ ಈ ಘಟನೆ ಕುರಿತಂತೆ ಪೊಲೀಸರು ವ್ಯತಿರಿಕ್ತ ಹೇಳಿಕೆ ನೀಡಿದ್ದಾರೆ. ಕಾರನ್ನು ಅಮೀನ್​ನೇ ಚಲಾಯಿಸುತ್ತಿದ್ದಾಗಿ ಪೊಲೀಸರು ಮಾಧ್ಯಮದವರಿಗೆ ಮಾಹಿತಿ ನೀಡಿದ್ದಾರೆ. ಸದ್ಯ ಎರಡು ವಾಹನಗಳ ಮಾಲೀಕರ ಮೇಲೆ ಪ್ರಕರಣ ದಾಖಲಾಗಿದ್ದು, ಪೊಲೀಸರು ತನಿಖೆ ನಡೆಸುತ್ತಿದ್ದಾಗಿ ತಿಳಿಸಿದ್ದಾರೆ, (ಏಜನ್ಸೀಸ್​).