ಸರ್ಕಾರಿ ಆಸ್ಪತ್ರೆ ಮೇಲೆ ನಂಬಿಕೆ ಇಲ್ಲ..ನನ್ನ ಗಂಡನನ್ನು ಪೊಲೀಸರು ಅಕ್ರಮವಾಗಿ ಬಂಧಿಸಿದ್ದಾರೆ; ದೆಹಲಿ ಹೈಕೋರ್ಟ್​ ಮೆಟ್ಟಿಲೇರಿದ ವಾಂಗ್​ಚುಕ್​ ಪತ್ನಿ ಗೀತಾಂಜಲಿ! Sonam Wangchuk Wife Geetanjali

ನವದೆಹಲಿ: ಕಳೆದ 20 ದಿನಗಳಿಂದ ದೆಹಲಿಯ ಜಂತರ್​ ಮಂತರ್​​ನಲ್ಲಿ ಪರಿಸರವಾದಿ ಸೋನಮ್​ ವಾಂಗ್​ಚುಕ್​, ನೀಟ್​ ಸೇರಿ ದೇಶದ್ಯಂತ ನಡೆಯುತ್ತಿರುವ ಪರೀಕ್ಷಾ ಅಕ್ರಮಗಳನ್ನು ವಿರೋಧಿಸಿ ಉಪವಾಸ ಸತ್ಯಾಗ್ರಹ ನಡೆಸುತ್ತಿದ್ದರು.

ಶನಿವಾರ (ಜು.18) ದೆಹಲಿ ಹೈಕೋರ್ಟ್​ ನಿರ್ದೇಶನದಂತೆ ದೆಹಲಿ ಪೊಲೀಸರು, ವಾಂಗ್​ಚುಕ್​ ಅವರನ್ನು ವಶಕ್ಕೆ ತೆಗೆದುಕೊಂಡು ಸಫ್ದರ್ಜಂಗ್ ಆಸ್ಪತ್ರೆಗೆ ದಾಖಲಿಸಿದ್ದಾರೆ.

ಈದೀಗ ತನ್ನ ಗಂಡನ ಬಂಧನ ಅಕ್ರಮವಾಗಿದೆ, ಹಾಗೂ ಅವರನ್ನು ಸರ್ಕಾರಿ ಆಸ್ಪತ್ರೆಯ ಬದಲು ಖಾಸಗಿ ಆಸ್ಪತ್ರೆಗೆ ರವಾನಿಸಬೇಕೆಂದು ಸೋನಮ್​ ವಾಂಗ್​ಚುಕ್​ ಪತ್ನಿ ಗೀತಾಂಜಲಿ ಜೆ ಆಂಗ್ಮೋ (Sonam Wangchuk Wife Geetanjali) ದೆಹಲಿ ಹೈಕೋರ್ಟ್​ನಲ್ಲಿ ಅರ್ಜಿ ಸಲ್ಲಿಸಿದ್ದಾರೆ.

ನನಗೆ ಪೊಲೀಸರು ದಾಖಲಿಸಿರುವ ಸಫ್ದರ್ಜಂಗ್ ಆಸ್ಪತ್ರೆ ಮೇಲೆ ಯಾವುದೇ ನಂಬಿಕೆ ಇಲ್ಲ. ಏಕೆಂದರೆ ಅವರು ನನ್ನ ಪತಿ ಸೋನಮ್​ ವಾಂಗ್​ಚುಕ್​ ಅವರ ದೇಹದಲ್ಲಿ ಪೊಟಾಶಿಯಂ ಪ್ರಮಾಣ 2.9 ಗೆ ತಲುಪಿದೆ ಇದರಿಂದ ಅವರ ಪ್ರಾಣಕ್ಕೆ ಅಪಾಯವಿದೆ ಎಂದು ಹೇಳಿದ್ದಾರೆ. ಆದರೆ ವಾಂಗ್​ಚುಕ್​ ಅವರ ದೇಹದಲ್ಲಿ 3.5 ಮಟ್ಟದಲ್ಲಿ ಪೊಟಾಶಿಯಂ ಇದೆ, ಅವರ ಆರೋಗ್ಯ ಸರಿಯಾಗಿದೆ ಎಂದು ಖಾಸಗಿ ಲಾಬ್​ನ ವರದಿ ಹೇಳುತ್ತಿದೆ.

ನನಗೆ ನನ್ನ ಗಂಡನಿಗೆ ನಿಜವಾಗಿಯೂ ಚಿಕಿತ್ಸೆ ನೀಡುತ್ತಿದ್ದಾರೋ? ಇಲ್ಲವೋ? ಎನ್ನುವುದೇ ಗೊಂದಲವಾಗಿದೆ. ಶನಿವಾರ ವಾಂಗ್​ಚುಕ್​ ಅವರನ್ನು ಸುಮಾರು 30 ಜನ ಪೊಲೀಸರು ಎತ್ತುಕೊಂಡು ಹೋಗಿದ್ದರು. ಈಗ ಆಸ್ಪತ್ರೆ ಆವರಣದಲ್ಲಿ ಸುಮಾರು 100 ಕ್ಕೂ ಹೆಚ್ಚಿನ ಪೊಲೀಸರು ಕಾವಲಿಗೆ ನಿಂತಿದ್ದಾರೆ.