ಕೊನೆಗೂ ನಿಜವಾಯ್ತಾ ಆ ಜ್ಯೋತಿಷಿ ಹೇಳಿದ ಮಾತು: ಡಿವೋರ್ಸ್​ ಹಿಂದಿನ ಕಾರಣ ಇದೇನಾ? Vijay Divorce

ತಮಿಳುನಡು: ತಮಿಳು ನಟ, ರಾಜಕಾರಣಿ ದಳಪತಿ ವಿಜಯ್​ಗೆ ಅವರ ಪತ್ನಿ ಸಂಗೀತಾ ವಿಚ್ಛೇದನ (Vijay Divorce) ಕೋರಿ ಸಲ್ಲಿಸಿರುವ ವಿಚಾರ ಈಗ ಎಲ್ಲೆಡೆ ವೈರಲ್​ ಆಗುತ್ತಿದೆ. ಯಾಕೆ ವಿಜಯ್​ ಬದುಕಲ್ಲಿ ಈ ರೀತಿಯ ಘಟನೆ ನಡೆಯುತ್ತಿದೆ ಎಂಬ ಪ್ರಶ್ನೆ ಅವರ ಲಕ್ಷಾಂತರ ಅಭಿಮಾನಿಗಳಲ್ಲಿ ಮೂಡಿದೆ.

ನಟ ವಿಜಯ್​ ಮತ್ತು ಸಂಗೀತಾ ಅವರ ದಾಂಪತ್ಯ ಒಂದೆರಡು ವರ್ಷಗಳದ್ದೇನಲ್ಲ. ಇಬ್ಬರು ಬರೊಬ್ಬರಿ 27 ವರ್ಷಗಳ ಕಾಲ ಸುಖಿ ಸಂಸಾರವನ್ನು ನಡೆಸಿದ್ದಾರೆ. ಎದೆಯೆತ್ತರೆ ಬೆಳೆದ ಮಗ ಸಂಜಯ ಮತ್ತು ದಿವ್ಯಾ ಸಾಶಾ ಎಂಬ ಮಗಳಿದ್ದಾಳೆ. ಸಿನಿಮಾ ರಂಗದಲ್ಲಿ ಉತ್ತುಂಗವನ್ನು ಕಂಡಿರುವ ವಿಜಯ್​ ಈಗ ರಾಜಕೀಯದಲ್ಲಿ ಸಹ ತನ್ನ ಛಾಪನ್ನು ಮೂಡಿಸುವ ಪ್ರಯತ್ನದಲ್ಲಿದ್ದಾರೆ.

ತಮಿಳುನಾಡಿನ ರಾಜಕೀಯದಲ್ಲಿ ತಮಿಳಿಗ ವೆಟ್ರಿ ಕಳಗಂ ಎಂಬ ಪಕ್ಷವನ್ನು ಕಟ್ಟಿ ಮುಂಬರುವ ವಿಧಾನಸಭಾ ಚುನಾವಣೆಯಲ್ಲಿ ಸ್ಪರ್ಧಿಸಲು ತುದಿಗಾಲಿನಲ್ಲಿ ನಿಂತಿರುವಾಗ ಈ ವಿಚ್ಛೇದನದ ಸುದ್ದಿ ಭಾರಿ ಸಂಚಲನವನ್ನು ಎಬ್ಬಿಸಿದೆ.

ಕೆಲ ತಿಂಗಳುಗಳ ಹಿಂದೆ ತಮಿಳು ನಾಡಿನ ಖ್ಯಾತ ಜ್ಯೋತಿಷಿಯೊಬ್ಬರು ವಿಜಯ್​ ಅವರ ರಾಜಕೀಯ ಮತ್ತು ದಾಂಪತ್ಯ ಜೀವನದ ಕುರಿತು ನುಡಿದಿದ್ದ ಭವಿಷ್ಯ ಭಾರಿ ಚರ್ಚೆಗೆ ಕಾರಣವಾಗಿತ್ತು.

ಆ ಜ್ಯೋತಿಷಿ ಹೇಳಿದ ಪ್ರಕಾರ ನಟ ವಿಜಯ್​ ತಮ್ಮ ಹೆಂಡತಿ ಸಂಗೀತಾರಿಂದ ಅಂತರ ಕಾಪಾಡಿ ಕೊಂಡರೆ ರಾಜಕೀಯವಾಗಿ ಭಾರಿ ಯಶಸ್ಸನ್ನು ಕಾಣುವರೆಂದು, ಮುಂದೊಂದು ದಿನ ತಮಿಳುನಾಡಿನ ಮುಖ್ಯಮಂತ್ರಿಯಾದರೂ ಯಾವುದೇ ಅಚ್ಚರಿಯಿಲ್ಲ ಎಂದು ಕಡಲೂರಿನ ಜ್ಯೋತಿಷಿ ಹೇಳಿದ್ದರು. ಮತ್ತು ನಟ ವಿಜಯ್​ ಈ ಜ್ಯೋತಿಷಿ ಹೇಳಿದ ಎಲ್ಲಾ ಮಾತನ್ನು ಪಾಲಿಸುತ್ತಾತರೆ ಎಂದು ತಮಿಳುನಾಡಿನ ಖ್ಯಾತ ಪತ್ರಕರ್ತ ಶಂಕರ್​ ನೀಡಿದ್ದ ಹೇಳಿಕೆ ಭಾರಿ ಸಂಚಲನ ಮೂಡಿಸಿತ್ತು.

ಈಗ ವಿಧಾನ ಸಭಾ ಚುನಾವಣೆಯ ಹೊಸ್ತಿಲಲ್ಲಿಯೇ ವಿಜಯ್​ಗೆ ಪತ್ನಿ ಸಂಗೀತಾ ವಿಚ್ಛೇದನ ನೀಡಲು ಮುಂದಾಗಿದ್ದು, ಒಂದು ವೇಳೆ ನ್ಯಾಯಾಲಯ ವಿಚ್ಛೇದನಕ್ಕೆ ಒಪ್ಪಿದರೆ ಆ ಜ್ಯೋತಿಷಿ ಹೇಳಿರುವ ಮಾತು ನಿಜವಾಗಲಿದೆಯೇ ಎಂದು ಕಾದು ನೋಡಬೇಕಾಗಿದೆ.

ದಳಪತಿ ವಿಜಯ್​ ಪತ್ನಿ ಸಂಗೀತಾ ಇವರು ಮೂಲತಃ ಶ್ರೀಲಂಕಾದ ತಮಿಳು ಪರಿಪಾರಕ್ಕೆ ಸೇರಿದವರಾಗಿದ್ದಾರೆ. ಇವರು ಮೊದಲಿಂದಲೂ ವಿಜಯ್​ ಅವರ ದೊಡ್ಡ ಅಭಿಮಾನಿಯಾಗಿದ್ದು, 1996 ರಲ್ಲಿ ಚೆನ್ನೈಗೆ ಬಂದಿದ್ದಾಗ ಸಂಗೀತಾ ವಿಜಯ್​ ಅವರನ್ನು ಬೇಟಿಯಾಗಿದ್ದರು. ಈ ಬೇಟಿ ಮುಂದೆ ಸ್ನೇಹಕ್ಕೆ ತಿರುಗಿ, ಸ್ನೇಹ ಪ್ರೀತಿಯ ರೂಪವನ್ನು ಪಡೆದು ಎರಡೂ ಮನೆಯವರ ಒಪ್ಪಿಗೆಯೊಂದಿಗೆ ಈ ಜೋಡಿ 1995 ಅಗಸ್ಟ್ 25 ರಂದು ದಾಂಪತ್ಯ ಜೀವನಕ್ಕೆ ಕಾಲಿಟ್ಟರು. ಇವರ ನಡುವಿನ ಪ್ರೀತಿಯ ಸಂಕೇತವಾಗಿ ಸಂಜಯ್​ ಎಂಬ ಮಗ ಮತ್ತು ದಿವ್ಯಾ ಸಾಶಾ ಎಂಬ ಮಗಳು ಜನಿಸಿದರು.

ವಿಜಯ್​ ವಿಚ್ಚೇದನದ ಸದ್ದಿ ಹೊರಬೀಳುತ್ತಿದ್ದಂತೆ ಮೊದಲು ಕೇಳಿ ಬಂದ ಹೆಸರೇ ತಮಿಳು ನಟಿ ತ್ರಿಷಾ ಅವರದ್ದು. ಹಲವು ವರ್ಷಗಳಿಂದ ವಿಜಯ್​ ಮತ್ತು ತ್ರಿಷಾ ನಡುವೆ ಸಂಬಂಧವಿದೆ ಎಂಬ ವದಂತಿಗಳು ಹರಿದಾಡುತ್ತಿದ್ದು, ಇಂದು ಆ ವದಂತಿಗೆಲ್ಲಾ ರೆಕ್ಕೆ-ಪುಕ್ಕ ಬಂದಂತಾಗಿದೆ.

ಕೆಲ ದಿನಗಳ ಹಿಂದೆ ತಮಿಳುನಾಡು ಬಿಜೆಪಿ ಅಧ್ಯಕ್ಷ ನೈನಾರ್ ನಾಗೇಂದ್ರನ್, ವಿಜಯ್​ಗೆ ರಾಜಕೀಯ ಏನೆಂದು ತಿಳಿಯ ಬೇಕೆಂದರೆ ಮೊದಲು ಆ ತ್ರಿಷಾ ಮನೆಯಿಂದ ಆಚೆ ಬಾ ಎಂದು ನೀಡಿದ್ದ ಹೇಳಿಕೆ ರಾಜಕೀಯ ರಂಗದಲ್ಲಿ ಭಾರಿ ಸಂಚಲನವನ್ನು ಉಂಟುಮಾಡಿತ್ತು. ನಂತರ ರಾಜಕೀಯದಲ್ಲಿ ತ್ರಿಷಾ ಹೆಸರನ್ನು ಬಳಸಬೇಡಿ ಎಂದು ತ್ರಿಷಾ ವಕೀಲರು ಕೇಳಿದ ನಂತರ ನಾಗೇಂದ್ರನ್​ ಕ್ಷಮೆ ಕೇಳಿದ್ದರು.

ಸದ್ಯಕ್ಕಂತೂ ವಿಜಯ್​ ಅವರ ವಿಚ್ಛೇದನದ ಸುದ್ದಿ ಎಲ್ಲೆಡೆ ಚರ್ಚೆಯಾಗುತ್ತಿದ್ದು, ಕೆಲವರು ಇದಕ್ಕೆ ತ್ರಿಷಾ ಜೊತೆಗಿನ ಸಂಬಂಧವೇ ಕಾರಣ ಎಂದು ಹೇಳಿದರೆ ಇನ್ನೂ ಕೆಲವರು ವಿಜಯ್​ ಆ ಜ್ಯೋತಿಷಿ ಹೇಳಿದ್ದ ಮಾತನ್ನು ಕೇಳಿದರೆ, ಮುಂದೆ ನಡೆಯಲಿರುವ ವಿಧಾನಸಭಾ ಚುನಾವಣೆಯಲ್ಲಿ ಗೆಲ್ಲಬಹುದೆಂದು ಹೀಗೆ ಮಾಡುತ್ತಿರಬೇಕೆಂದು ಹೇಳುತ್ತಿದ್ದಾರೆ. ಏಪ್ರಿಲ್​ 20 ರಂದು ಚೆಂಗಲ್ಪಟ್ಟು ಕೌಟುಂಬಿಕ ನ್ಯಾಯಾಲಯದಲ್ಲಿ ಈ ವಿಚ್ಛೇದನದ ಅರ್ಜಿ ವಿಚಾರಣೆ ನಡೆಯಲಿದ್ದು ಅಂದೇ ಈ ಎಲ್ಲಾ ವದಂತಿಗಳಿಗೆ ತೆರೆ ಬೀಳಲಿದೆ ಎನ್ನಲಾಗುತ್ತಿದೆ,(ಏಜನ್ಸೀಸ್​).