ಮನೆ ನೋಡಲು ಹೋದ ದಂಪತಿ ಮೇಲೆ ನಾಯಿ ಭೀಕರ ದಾಳಿ
- ಮನೆ ನೋಡಲು ಹೋದ ದಂಪತಿ ಮೇಲೆ ನಾಯಿ ಭೀಕರ ದಾಳಿ
- ಪಂಜಾಬ್ನ ಪಟಿಯಾಲಾದಲ್ಲಿ ನಡೆದಿರುವ ಘಟನೆ
- ದಾಳಿ ವಿಡಿಯೋ ಸೋಷಿಯಲ್ ಮೀಡಿಯಾನಲ್ಲಿ ವೈರಲ್
ಪಟಿಯಾಲಾ: ಬಾಡಿಗೆಗೆ ಮನೆ ನೋಡಲು ಹೋದಾಗ ಸಾಕಿದ ನಾಯಿ (Dog Attack Couple) ಯೊಂದು ದಂಪತಿಗಳ ಮೇಲೆ ದಾಳಿ ನಡೆಸಿದ್ದ ವಿಡಿಯೋ ಸೋಷಿಯಲ್ ಮೀಡಿಯಾನಲ್ಲಿ ಸಕ್ಕತ್ ವೈರಲ್ ಆಗಿತ್ತು. ಈಗ ಈ ದಾಳಿಗೆ ಒಳಗಾದ ವ್ಯಕ್ತಿ ಕಾನೂನು ಸಮರಕ್ಕೆ ಮುಂದಾಗಿದ್ದಾರೆ.
ವಿಡಿಯೋನಲ್ಲೇನಿದೆ?
ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿರುವ ವಿಡಿಯೋನಲ್ಲಿ, ದಂಪತಿಗಳಿಬ್ಬರು ಗೇಟ್ ತೆಗೆದ ತಕ್ಷಣ ಪಿಟ್ಬುಲ್ ತಳಿಯ ನಾಯಿಯೊಂದು ಆಚೆ ಬಂದು, ದಿಢೀರ್ನೆ ದಾಳಿ ನಡೆಸಿದೆ.
ನಾಯಿಯ ಒಮ್ಮೆಲೇ ದಾಳಿಗೆ ದಂಪತಿಗಳು ದಂಗಾಗಿದ್ದಾರೆ. ಆದರೆ ಆ ನಾಯಿ ಅವರಿಬ್ಬರನ್ನು ಎಲ್ಲೆಂದರಲ್ಲಿ ಕಚ್ಚಿ ಭಾರಿ ಗಾಯಗಳನ್ನು ಮಾಡಿದೆ. ಕೂಡಲೇ ನಾಯಿ ಮಾಲೀಕ ಬಿಡಿಸಲು ಎಷ್ಟೇ ಪ್ರಯತ್ನ ಪಟ್ಟರೂ ಸಾಧ್ಯವಾಗಿಲ್ಲ. ನಂತರ ನೆರೆ ಹೊರೆಯವರು ಸೇರಿಕೊಂಡು ಈ ದಾಳಿಯನ್ನು ತಡೆದಿದ್ದಾರೆ. ಆದರೆ ಅಲ್ಲಿಗೆ ನಾಯಿ ದಾಳಿಯಿಂದ ದಂಪತಿಗಳು ತೀವ್ರ ನೋವನ್ನು ಅನುಭವಿಸಿದ್ದಾರೆ.
ಮೈತುಂಬಾ ಸ್ಟಿಚ್ ಹಾಕಿದ್ದಾರೆ!
ನಾಯಿ ದಾಳಿ ಬಗ್ಗೆ ಮಾತನಾಡಿರುವ ಅಂಕಿತ್ ಸಭರ್ವಾಲ್, ನಾನು ಮತ್ತು ನನ್ ಪತ್ನಿ ಶಿಫಾಲಿ ಸಭರ್ವಾಲ್ ಪಟಿಯಾಲಾದಲ್ಲಿ ಮನೆಯೊಂದನ್ನು ಬಾಡಿಗೆಗೆ ಪಡೆಯಲು ಹೋಗಿದ್ದ ಸಂದರ್ಭದಲ್ಲಿ ಈ ನಾಯಿದಾಳಿ ನಡೆದಿದೆ.
ನನ್ನ ಮತ್ತು ನನ್ನ ಪತ್ನಿಯ ದೇಹದ ತುಂಬೆಲ್ಲಾ ನಾಯಿ ಕಚ್ಚಿದ್ದು, ಸಂಪೂರ್ಣ ಮೈಯಿಗೆ ಸ್ಟಿಚ್ ಹಾಕಿದ್ದಾರೆ. ಹಾಗೂ ನನ್ನ ಪತ್ನಿಯ ಕೈ ಮತ್ತು ಕಾಲಿಗೆ ತೀವ್ರ ಗಾಯವಾಗಿದ್ದು, ಆಪರೇಷನ್ ಮಾಡಬೇಕಾಗಿ ವೈದ್ಯರು ತಿಳಿಸಿದ್ದಾರೆ ಎಂದು ಅಂಕಿತ್ ತಿಳಿಸಿದ್ದಾರೆ.
ಕಾನೂನು ಹೋರಾಟ ನಡೆಸುತ್ತೆನೆ!
ಈ ಘಟನೆಯಿಂದ ನನ್ನ ಮತ್ತು ನನ್ನ ಪತ್ನಿಯ ಆರೋಗ್ಯ ಹದಗೆಟ್ಟಿದೆ. ಹೀಗಾಗಿ ಆ ನಾಯಿ ಮಾಲೀಕ ನಷ್ಟ ಪರಿಹಾರ ನೀಡಬೇಕು. ಹಾಗೂ ಆ ನಾಯಿಯನ್ನು ಹಾಯಾಗಿ ಓಡಾಡಲು ಬಿಟ್ಟಿರುವ ಜನರ ಮೇಲೆ ಕಾನೂನು ಕ್ರಮ ಕೈಗೊಳ್ಳುವುದಾಗಿ ಅಂಕಿತ್ ತಿಳಿಸಿದ್ದಾರೆ. ಈ ಪ್ರಕರಣದಲ್ಲಿ ನಮಗೆ ನ್ಯಾಯ ದೊರಕಬೇಕು. ಪ್ರಾಣಿಯನ್ನು ಸಾಕಿದರೆ ಸಾಲಲ್ಲ, ಅದರಿಂದ ಇತರರಿಗೆ ತೊಂದರೆ ಉಂಟಾಗದಂತೆ ನೋಡಿಕೊಳ್ಳಬೇಕೆಂದು ಅಂಕಿತ್ ತಿಳಿಸಿದ್ದಾರೆ, (ಏಜನ್ಸೀಸ್).