ಕಾಲೇಜ್ ಕ್ಯಾಂಪಸ್ನಲ್ಲಿ ನಡೆದ ಈ ಲವ್ ಫೈಟ್ ವಿಡಿಯೋ ವೈರಲ್
- ನೋಯ್ಡಾದ ಗ್ಯಾಲ್ಗೋಟಿಯಾಸ್ ವಿಶ್ವವಿದ್ಯಾಲಯದಲ್ಲಿ ಹೈಡ್ರಾಮಾ
- ತನ್ನ ಬಾಯ್ಫ್ರೆಂಡ್ಗೆ ಲೈನ್ ಹೊಡೆದಿದ್ದಕ್ಕೆ ಬೆಸ್ಟ್ ಫ್ರೆಂಡ್ ಅನ್ನೇ ಅಟ್ಟಾಡಿಸಿ ಹೊಡೆದ ಯುವತಿ
- ಕಾಲೇಜ್ ಕ್ಯಾಂಪಸ್ನಲ್ಲಿ ನಡೆದ ಈ ಲವ್ ಫೈಟ್ ವಿಡಿಯೋ ವೈರಲ್
- ನೆಟ್ಟಿಗರಿಂದ ತೀವ್ರ ತರಾಟೆ
ನೋಯ್ಡಾ: ಭಾರತದಲ್ಲಿ ಇಂಟರ್ನೆಟ್ ಕ್ರಾಂತಿಯಾದ ದಿನದಿಂದ ಒಂದಲ್ಲ ಒಂದು ವಿಡಿಯೋಗಳು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಅಗುತ್ತಿರುತ್ತವೆ. ಈದೀಗ ನೋಡ್ಡಾದ ಖ್ಯಾತ ಗ್ಯಾಲ್ಗೋಟಿಯಾಸ್ ವಿಶ್ವವಿದ್ಯಾಲಯದಲ್ಲಿ ನಡೆದಿರುವ ಘಟನೆಯ ವಿಡಿಯೋ ಈಗ ಸೋಶಿಯಲ್ ಮೀಡಿಯಾನಲ್ಲಿ ವೈರಲ್ (Viral Video) ಆಗುತ್ತಿದೆ.
ಕೆಲ ತಿಂಗಳಿನ ಹಿಂದೆ ದೆಹಲಿಯಲ್ಲಿ ನಡೆದಿದ್ದ ಇಂಡಿಯಾ ಇಂಪಾಕ್ಟ್ ಎಐ ಸಮಿತ್ನಲ್ಲಿ ಈ ಗ್ಯಾಲ್ಗೋಟಿಯಾಸ್ ವಿಶ್ವವಿದ್ಯಾಲಯ ಚೈನಾ ನಿರ್ಮಿತ ರೊಬೊವೊಂದನ್ನು ಪ್ರದರ್ಶಿಸಿ ತೀವ್ರ ಮುಖಭಂಗವನ್ನು ಅನುಭವಿಸಿತ್ತು.
ಈಗ ಈ ವಿಶ್ವವಿದ್ಯಾಲಯದಲ್ಲಿ ನಡೆದಿರುವ ಪ್ರೇಮ ಪ್ರಸಂಗಕ್ಕೆ ಕುರಿತಾದ ಜಗಳದ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ಭರ್ಜರಿ ವೀಕ್ಷಣೆ ಪಡೆಯುತ್ತಿದೆ.
ಗೆಳತಿಯ ಬಾಯ್ಫ್ರೆಂಡ್ಗೆ ಲೈನ್ ಹೊಡೆದ ಹುಡುಗಿ!
ವೈರಲ್ ಆಗುತ್ತಿರುವ ವಿಡಿಯೋನಲ್ಲಿರುವ ಮಾಹಿತಿ ಪ್ರಕಾರ, ಈ ಗ್ಯಾಲ್ಗೋಟಿಯಾಸ್ ವಿಶ್ವವಿದ್ಯಾಲಯದಲ್ಲಿ ಇಬ್ಬರು ಗೆಳತಿಯರು ವಿದ್ಯಾಭ್ಯಾಸ ಮಾಡುತ್ತಿದ್ದು, ಒಬ್ಬ ಗೆಳತಿ ಇನ್ನೊಬ್ಬಳ ಬಾಯ್ಫ್ರೆಂಡ್ನ ಮೇಲೆ ಆಸೆ ಪಟ್ಟಿರುವುದು ಈ ಜಗಳಕ್ಕೆ ಕಾರಣವಾಗಿದೆ ಎಂದು ಹೇಳಲಾಗುತ್ತಿದೆ.
ಕ್ಯಾಂಪಸ್ನಲ್ಲೇ ಬಡಿದಾಡಿಕೊಂಡ ಬೆಸ್ಟ್ಫ್ರೆಂಡ್ಸ್!
ತನ್ನ ಬಾಯ್ಫ್ರೆಂಡ್ ಮೇಲೆ ತನ್ನ ಗೆಳತಿ ಕಣ್ಣಾಕಿರುವುದು ತಿಳಿದ ನಂತರ, ಕೋಪ ತಡಿದುಕೊಳ್ಳದ ಇನ್ನೊಬ್ಬ ಗೆಳತಿ ತನ್ನ ಪ್ರಾಣ ಸ್ನೇಹಿತೆಯನ್ನು ಮನಸೋ ಇಚ್ಛೆ ತಳಿಸಿದ್ದಾಳೆ. ಯುನಿವರ್ಸಿಟಿ ಕ್ಯಾಂಪಸ್ ಎನ್ನುವುದನ್ನು ಲೆಕ್ಕಿಸದೇ ಬಾಯಿಗೆ ಬಂದ ಹಾಗೆ ಬಯ್ಯುತ್ತಾ, ಕೈ-ಕೈ ಮೀಲಾಯಿಸಿರುವ ದೃಶ್ಯಗಳು ಈಗ ಸಾಮಾಜಿಕ ಜಾಲತಾಣಗಳಲ್ಲಿ ಫುಲ್ ವೈರಲ್ ಆಗುತ್ತಿವೆ.
ನೆಟ್ಟಿಗರ ರಿಯಾಕ್ಷನ್ ಹೇಗಿದೆ?
ಈ ವಿಡಿಯೋ ಸೋಶಿಯಲ್ ಮೀಡಿಯಾನಲ್ಲಿ ವೈರಲ್ ಆಗುತ್ತಿದ್ದಂತೆ ನೆಟ್ಟಿಗರ ಕಿವಿ, ಕಣ್ಣು ಮತ್ತು ಕೈ ಬೆರಳುಗಳು ಆಕ್ಟಿವ್ ಆಗಿದೆ. ಆ ಹುಡುಗಿ ಮಾಡಿದ್ದು ಸರಿ ಇದೆ. ತನ್ನ ಹುಡುಗನ ಮೇಲೆ ಬೇರೆ ಹುಡುಗಿ ಆಸೆ ಪಟ್ಟರೆ ಯಾರು ತಾನೆ ಸಹಿಸಿಕೊಳ್ಳತ್ತಾರೆ ಎಂದು ಒಬ್ಬರು ಕಮೆಂಟ್ ಮಾಡಿದ್ದಾರೆ.
ಈ ವಿಶ್ವವಿದ್ಯಾಲಯದಲ್ಲಿಒ ವಿದ್ಯಾಭ್ಯಾಸದ ಹೊರತಾಗಿ ಬೇರೆಲ್ಲಾ ಕೆಲಸಗಳು ನಡೆಯುತ್ತವೆ ಎಂದು ಇನ್ನೊಬ್ಬರು ತಮ್ಮ ಅಭಿಪ್ರಾಯವನ್ನು ತಿಳಿಸಿದ್ದಾರೆ. ಓದುವ ಸಮಯದಲ್ಲಿ ಸರಿಯಾಗಿ ಓದಿಕೊಳ್ಳಿ ಈ ಪ್ರೀತಿ-ಪ್ರೇಮ ಇದರಲ್ಲಿ ಬಿದ್ದರೆ ಮುಂದೆ ಊಟಕ್ಕೆ ಕೂಳಿರುವುದಿಲ್ಲ ಎಂದು ಮತ್ತೊಬ್ಬರು ಬುದ್ಧಿಮಾತನ್ನು ಹೇಳಿದ್ದಾರೆ,(ಏಜನ್ಸೀಸ್).