Bengaluru to Pune ನಡುವೆ ವಂದೇ ಭಾರತ್ ಸ್ಲೀಪರ್ ರೈಲು ಸಂಚಾರಕ್ಕೆ ಮುಹೂರ್ತ ಫಿಕ್ಸ್: ಟಿಕೆಟ್ ದರವೆಷ್ಟು, ಏನೆಲ್ಲ ಸೌಲಭ್ಯವಿರಲಿದೆ?

 ಸಾಮಾನ್ಯವಾಗಿ ಬೆಂಗಳೂರಿನಿಂದ ಪುಣೆಗೆ ಪ್ರಯಾಣಿಸುವ  ಉದ್ಯಾನ್ ಎಕ್ಸ್‌ಪ್ರೆಸ್ ಅಥವಾ ಕೊಯಮತ್ತೂರು ಎಕ್ಸ್‌ಪ್ರೆಸ್‌ನಂತಹ ರೈಲುಗಳು ಆಯಾ ಗಮ್ಯಸ್ಥಾನಕ್ಕೆ ತಲುಪಲು  18 ರಿಂದ 19 ಗಂಟೆ ತೆಗೆದುಕೊಳ್ಳುತ್ತವೆ. ಆದರೆ, ವಂದೇ ಭಾರತ್​ ಸ್ಲೀಪರ್​ ಬಸ್​​ನಿಂದಾಗಿ ಕೇವಲ 13 ಗಂಟೆಗಳಲ್ಲಿ ಬೆಂಗಳೂರು-ಪುಣೆ ಪ್ರಯಾಣಿಸಬಹುದು ಎಂದು ಭಾರತೀಯ ರೈಲ್ವೆ ಇಲಾಖೆ ಮಾಹಿತಿ ಹಂಚಿಕೊಂಡಿದೆ.

 ಹೊಸ ವಂದೇ ಭಾರತ್ ಸ್ಲೀಪರ್ ರೈಲು ಗಂಟೆಗೆ ಗರಿಷ್ಠ 130 ಕಿ.ಮೀ ವೇಗದಲ್ಲಿ ಚಲಿಸುವ ಸಾಮರ್ಥ್ಯ ಹೊಂದಿದ್ದು, ದೌಂಡ್-ವಾಡಿ ಮತ್ತು ವಾಡಿ-ಗುಂತಕಲ್ ವಿಭಾಗಗಳಲ್ಲಿ ಹಳಿಗಳನ್ನು ಮೇಲ್ದರ್ಜೆಗೇರಿಸಲಾಗುತ್ತಿದೆ ಎಂದು ಭಾರತೀಯ ರೈಲ್ವೆ ಇಲಾಖೆ ಮಾಹಿತಿ ಹೇಳಿದೆ.

ಪುಣೆ-ಬೆಂಗಳೂರು ಪ್ರಯಾಣಿಸುವ ವಂದೇ ಭಾರತ್​ ರೈಲು  ಮುಂಬೈನ ಛತ್ರಪತಿ ಶಿವಾಜಿ ಮಹಾರಾಜ್​ ಟರ್ಮಿನಸ್​​ನಿಂದ ಹೊರಟು ಪುಣೆ, ಸೊಲ್ಲಾಪುರ ಮತ್ತು ವಾಡಿ ಮೂಲಕ ಬೆಂಗಳೂರಿನ ಕೆಎಸ್‌ಆರ್ ನಿಲ್ದಾಣವನ್ನು ತಲುಪಲಿದೆ. ವಾರದಲ್ಲಿ 6 ದಿನ ಸಂಚರಿಸಲಿರುವ ಈ ರೈಲು, ರಾತ್ರಿ ಸುಮಾರು 9 ಗಂಟೆಗೆ ನಿಲ್ದಾಣದಿಂದ ಹೊರಡಲಿದೆ. 

ಈ ನೂತನ ರೈಲಿನಲ್ಲಿ ಪ್ರಯಾಣಿಸುವುದರಿಂದಾಗಿ ಐಟಿ ಉದ್ಯೋಗಿಗಳಿಗೆ ಮತ್ತು ವ್ಯಾಪಾರಸ್ಥರಿಗೆ ರಾತ್ರೋರಾತ್ರಿ ಪ್ರಯಾಣಿಸಲು ಅತ್ಯಂತ ಅನುಕೂಲಕರ ಎಂದು ರೈಲ್ವೆ ಇಲಾಖೆ ಹೇಳಿದೆ.

ಎಸಿ ಟೈರ್​ ಪ್ರಯಾಣಕ್ಕೆ 2,500 ರೂಪಾಯಿಯಾದರೆ, ಎಸಿ 2 ಟೈರ್​ಗೆ  3,000 ರಿಂದ 3,200 ಇನ್ನು ಫಸ್ಟ್ ಎಸಿ: 3,600 ರಿಂದ 3,900 ರೂಪಾಯಿ ಪಾವತಿ ಮಾಡಬೇಕಾಗುತ್ತದೆ. ಈ ದರದಲ್ಲಿ ಊಟದ ವ್ಯವಸ್ಥೆಯು ಇರಲಿದೆ. ದರ ಏರಿಳಿತ ಇರುವುದಿಲ್ಲ ಇರುವುದಿಲ್ಲ ಎಂದು ಹೇಳಲಾಗಿದೆ. 

ನೂತನ ಸ್ಲೀಪರ್​ ರೈಲಿನಲ್ಲಿ ಒಟ್ಟು 823 ಪ್ರಯಾಣಿಕರು ಪ್ರಯಾಣಿಸಲು ಆಸನಗಳಿವೆ.11 ಎಸಿ 3-ಟೈರ್, 4 ಎಸಿ 2-ಟೈರ್ ಮತ್ತು 1 ಫಸ್ಟ್ ಎಸಿ ಕೋಚ್ ಇರಲಿವೆ.  ಓದಲು ಪ್ರತ್ಯೇಕ ಲೈಟ್ಸ್, ಮೊಬೈಲ್ ಚಾರ್ಜಿಂಗ್ ಪಾಯಿಂಟ್‌ಗಳು, ಸಿಸಿಟಿವಿ ಕ್ಯಾಮೆರಾಗಳು ಮತ್ತು ರೈಲುಗಳ ಡಿಕ್ಕಿ ತಪ್ಪಿಸುವ 'ಕವಚ್' ತಂತ್ರಜ್ಞಾನವನ್ನು ಅಳವಡಿಸಲಾಗಿದೆ. ಫಸ್ಟ್ ಎಸಿ ಪ್ರಯಾಣಿಕರಿಗೆ ಶವರ್ ಮತ್ತು ಮಕ್ಕಳ ಆರೈಕೆಗಾಗಿ ವ್ಯವಸ್ಥೆ ಮಾಡಲಾಗಿದೆ, (ಏಜೆನ್ಸೀಸ್​)