ಸ್ನ್ಯಾಪ್ಚಾಟ್ ಪ್ರೀತಿಗಾಗಿ ಗಡಿ ದಾಟಿ ಬಂದ ಪಾಕ್ ಯುವಕ!
- ಮತ್ತೊಂದು ಸೀಮಾ ಹೈದರ್ ಮಾದರಿಯ ಲವ್ ಸ್ಟೋರಿ!
- ಸ್ನ್ಯಾಪ್ಚಾಟ್ ಪ್ರೀತಿಗಾಗಿ ಗಡಿ ದಾಟಿ ಬಂದ ಪಾಕ್ ಯುವಕ!
- ಉರಿ ನಿವಾಸಿ ಇರಾಂಗಾಗಿ ಎಲ್ಒಸಿ ದಾಟಿದ ಜೀಶನ್ನನ್ನು ಬಂಧಿಸಿದ ಸೇನೆ
- ಮಾನವೀಯತೆಯಿಂದ ಮರಳಿ ಪಾಕಿಸ್ತಾನಕ್ಕೆ ಕಳುಹಿಸಿದ ಭಾರತೀಯ ಸೇನೆ.
ಜಮ್ಮು-ಕಾಶ್ಮೀರ: ಪ್ರೀತಿಗೆ ಯಾವುದೇ ಗಡಿಯಿಲ್ಲ, ಪ್ರೇಮಕ್ಕೆ ಯಾವುದೇ ತಡೆಯಿಲ್ಲ ಎಂಬ ಮಾತನ್ನು ನಾವು ಕೇಳಿರುತ್ತೆವೆ. ಆದರೆ ಈ ಪ್ರೀತಿ ಎನ್ನುವುದು ಶತ್ರುದೇಶದ ಗಡಿಯನ್ನು (PoK Man Crossed Border) ದಾಟುವಂತೆ ಮಾಡುತ್ತದೆ ಎನ್ನುವುದು ಈಗ ಮತ್ತೊಮ್ಮೆ ಸಾಭೀತಾಗಿದೆ.
ಕೆಲ ವರ್ಷಗಳ ಹಿಂದೆ ಸೀಮಾ ಹೈದರ್ ಎಂಬ ಪಾಕಿಸ್ತಾನದ ಮಹಿಳೆ, ನೋಯ್ಡಾ ನಿವಾಸಿ ಸಚಿನ್ ಎಂಬಾತನನ್ನು ಆನ್ಲೈನ್ ಗೇಮ್ ಮೂಲಕ ಪರಿಚಯ ಮಾಡಿಕೊಂಡು ಅಕ್ರಮವಾಗಿ ಗಡಿದಾಟಿ ನಂತರ ಸಚಿನ್ನನ್ನು ಮದುವೆಯಾದ ಘಟನೆ ಎಲ್ಲರಿಗೂ ನೆನಪಿದೆ. ಈಗ ಸಹ ಇಂತಹದ್ದೆ ಒಂದು ಘಟನೆ ಜಮ್ಮು-ಕಾಶ್ಮೀರದಲ್ಲಿ ಜರುಗಿದೆ.
ಸ್ನ್ಯಾಪ್ಚಾಟ್ನಲ್ಲಿ ಪರಿಚಯ ಗಡಿದಾಟಿದ ಹೈದ!
ಪಾಕ್ ಆಕ್ರಮಿತ ಕಾಶ್ಮೀರದ ಮುಜಫರಾಬಾದ್ ನಿವಾಸಿ ಜೀಶಾನ್ ಮೀರ್ ಎಂಬ ಯುವಕ ಜಮ್ಮುವಿನ ಉರಿ ನಿವಾಸಿ ಇರಾಂ ಮಾಜೀದ್ ಎಂಬ ಯುವತಿಯನ್ನು ಸ್ನ್ಯಾಪ್ಚಾಟ್ನಲ್ಲಿ ಪರಿಚಯ ಮಾಡಿಕೊಂಡಿದ್ದ.
ಈ ಪರಿಚಯ ಸ್ನೇಹವಾಗಿ ಬೆಳೆದು, ಸ್ನೇಹ ಪ್ರೀತಿ ರೂಪವನ್ನು ಪಡೆದುಕೊಂಡಿದೆ. ನಂತರ ತನ್ನ ಪ್ರೀಯತಮೆಯನ್ನು ಸೇರಲು ಈ ಜೀಶಾನ್ ಲೈನ್ ಆಫ್ ಕಂಟ್ರೋಲ್ ದಾಟಲು ಮುಂದಾಗಿದ್ದಾನೆ.
ಭಾರತೀಯ ಸೇನೆಯಿಂದ ಬಂಧನ; ಪಾಕ್ ಗೆ ರವಾನೆ!
ಈ ಜೀಶಾನ್, ಜಮ್ಮುವಿನ ಇರಾಂ ಮಾಜೀದ್ಳನ್ನು ಭೇಟಿ ಮಾಡಲು ಮೇ. 31 ರಂದು ಎಲ್ಒಸಿ ದಾಟಲು ಮುಂದಾಗಿದ್ದಾನೆ. ಆದರೆ ಆ ಸಮಯದಲ್ಲಿ ಗಡಿ ಕಾಯುತ್ತಿದ್ದ ಭಾರತೀಯ ಸೇನೆಯ 12 ನೇ ಗ್ರೇನೇಡಿಯರ್ ತುಕಡಿಯ ಸೈನಿಕರು ಈ ಜೀಶಾನ್ನನ್ನು ವಶಕ್ಕೆ ಪಡೆದಿದ್ದಾರೆ.
ವಶಕ್ಕೆ ತೆಗೆದುಕೊಂಡ ಬಳಿಕ ಆತನ ಕಥೆಯನ್ನು ಕೇಳಿಸಿಕೊಂಡಿದ್ದಾರೆ. ಅಕ್ರಮವಾಗಿ ಗಡಿ ದಾಟುವಂತಿಲ್ಲ ಎಂದು ತಿಳಿಹೇಳಿ ಕೆಲ ದಿನಗಳವರೆಗೆ ಸೇನೆ ಬಂಧನದಲ್ಲಿ ಇಟ್ಟುಕೊಂಡಿದ್ದಾರೆ. ಬಂಧನದ ಸಮಯದಲ್ಲಿ ಮಾನವೀಯ ದೃಷ್ಟಿಯಿಂದ ಊಟ-ಉಪಚಾರವನ್ನು ಸೇನೆ ಮಾಡಿದೆ.
ನಂತರ ಪಾಕಿಸ್ತಾನದ ಸೇನೆ ಜೊತೆ ಸಂಪರ್ಕ ಸಾಧಿಸಿದ ಭಾರತೀಯ ಸೈನಿಕರು ಈ ಜೀಶಾನ್ ಮೀರ್ ಗಡಿ ದಾಟಲು ಪ್ರಯತ್ನಿಸಿದ ಹಾಗೂ ತಮ್ಮ ವಶದಲ್ಲಿರುವ ಕುರಿತು ತಿಳಿಸಿದ್ದಾರೆ. ನಂತರ ಉಭಯ ದೇಶಗಳ ಅಧಿಕಾರಿಗಳು ಮಾತುಕತೆ ನಡೆಸಿ ಜುಲೈ 4 ರಂದು ಜೀಶಾನ್ನನ್ನು ಪಾಕಿಸ್ತಾನ ಸೇನೆಗೆ, ಭಾರತೀಯ ಸೇನೆ ಅಧಿಕಾರಿಗಳು ಹಸ್ತಾಂತರಿಸಿದ್ದಾರೆಂದು ತಿಳಿದು ಬಂದಿದೆ, (ಏಜನ್ಸೀಸ್).