ದೇಶ ನಿಮ್ಮ ಭಾಷಣ ಕೇಳುವ ಮೂಡ್​ನಲ್ಲಿಲ್ಲ; ಸದನದಲ್ಲಿ ಉತ್ತರ ನೀಡಲು ರೆಡಿ ಎಂದ ಅಮಿತ್ ಶಾಗೆ ಅಖಿಲೇಶ್ ಯಾದವ್ ಟಾಂಗ್ | Akhilesh Yadav

ವಾಸ್ತವವಾಗಿ ಬಿಜೆಪಿ ಸರ್ಕಾರಕ್ಕೆ ಯಾವುದೇ ಉತ್ತರ ನೀಡುವ ಉದ್ದೇಶವಿಲ್ಲ. ಅದು ಅಧಿವೇಶನವನ್ನು ಮುಕ್ತಾಯಗೊಳಿಸಲು ಆತುರಪಡುತ್ತಿದೆ. ಜವಾಬ್ದಾರಿ ಮತ್ತು ಹೊಣೆಗಾರಿಕೆಯು ಕಾಲಮಿತಿಗಳನ್ನು ಹೇರುವ ಮೂಲಕವಲ್ಲ, ಬದಲಾಗಿ ಕರ್ತವ್ಯಬೋಧನೆಯ ತಾರ್ಕಿಕತೆಯ ಮೂಲಕವೇ ಸಾಕಾರಗೊಳ್ಳುತ್ತವೆ ಎಂದಿದ್ದಾರೆ.

ಸಂಸತ್​ನಲ್ಲಿ ಉತ್ತರ ನೀಡುವುದು, ಕೇವಲ ಪ್ರಶ್ನೆಯೊಂದಕ್ಕೆ ಮೇಲ್ನೋಟದ ಉತ್ತರ ನೀಡುವ ಔಪಚಾರಿಕತೆಯಲ್ಲ. ಬದಲಾಗಿ, ಇದು 'ದೇವರು ಮತ್ತು ಮನುಷ್ಯ' ಇಬ್ಬರ ವಿರುದ್ಧವೂ ನಡೆಯುವ ದುರ್ನಡತೆ ಹಾಗೂ ದ್ವೇಷಭಾವನೆಗೆ ಸಂಬಂಧಿಸಿದ ಅತ್ಯಂತ ಗಂಭೀರವಾದ ವಿಷಯವಾಗಿದೆ. ಈಗ ದೇಶವು ನಿಮ್ಮ ಭಾಷಣಗಳನ್ನು ಕೇಳುವ ಮೂಡ್​ನಲ್ಲಿಲ್ಲ ಎಂದು ವ್ಯಂಗ್ಯವಾಡಿದ್ದಾರೆ.

ಜುಲೈ 20ರಂದು ದೆಹಲಿಯಲ್ಲಿ ಪ್ರತಿಭಟನೆ ನಡೆಸುತ್ತಿದ್ದ ವಿದ್ಯಾರ್ಥಿಗಳ ಮೇಲೆ ನಡೆದ ಲಾಠಿಚಾರ್ಜ್ ಹಾಗೂ ಪೆಲೆಟ್ ಗನ್ ಪ್ರಹಾರದ ಕುರಿತು ಗೃಹ ಸಚಿವರು ಸಂಸತ್ತಿನಲ್ಲಿ ನೇರ ಉತ್ತರ ನೀಡಬೇಕು ಎಂದು ವಿಪಕ್ಷಗಳು ಸತತವಾಗಿ ಕಲಾಪಕ್ಕೆ ಅಡ್ಡಿಪಡಿಸುತ್ತಿದ್ದವು. ಅಧಿವೇಶನ ಆರಂಭವಾದಾಗಿನಿಂದ ಸದನಕ್ಕೆ ಹಾಜರಾಗದೇ ಇದ್ದ ಅಮಿತ್ ಶಾ ಅವರು, ಇಂದು ಮೊದಲ ಬಾರಿಗೆ ಮೌನ ಮುರಿದು, ರೋಧ ಪಕ್ಷಗಳು ವಿದ್ಯಾರ್ಥಿಗಳ ವಿಚಾರದಲ್ಲಿ ಅರ್ಥಪೂರ್ಣ ಚರ್ಚೆ ನಡೆಸುವುದರಿಂದ ಓಡಿಹೋಗುತ್ತಿವೆ ಎಂದಿದ್ದಾರೆ.

ಸಂಸತ್ತಿನಲ್ಲಿ ನಿಯಮಾವಳಿಗಳ ಪ್ರಕಾರ ಚರ್ಚೆಗೆ ಅವಕಾಶ ನೀಡುವಂತೆ ವಿಪಕ್ಷಗಳಿಗೆ ಸವಾಲು ಹಾಕಿದ ಗೃಹ ಸಚಿವರು, ಇಂದು ಮಧ್ಯಾಹ್ನ 3 ಗಂಟೆಯಿಂದ ಚರ್ಚೆ ಆರಂಭವಾದರೆ ತಾವು ನಾಳೆ ಮಧ್ಯಾಹ್ನ 3 ಗಂಟೆಯವರೆಗೆ ಸದನದಲ್ಲೇ ಕುಳಿತು, ವಿಪಕ್ಷಗಳ ಎಲ್ಲಾ ಪ್ರಶ್ನೆಗಳಿಗೂ ಸುದೀರ್ಘ ಹಾಗೂ ವಿಸ್ತೃತವಾದ ವಿವರಣೆ ನೀಡಲು ಸಿದ್ಧವಿರುವುದಾಗಿ ತಿಳಿಸಿದರು.

ಇನ್ನೈ ಚರ್ಚೆ ಆರಂಭವಾಗುವ ಮುನ್ನವೇ ತಾವು ಹೇಳಿಕೆ ನೀಡಬೇಕು ಎಂಬ ವಿಪಕ್ಷಗಳ ಬೇಡಿಕೆಯನ್ನು ತಿರಸ್ಕರಿಸಿದ ಷಾ, ಸಂಸತ್ತಿನ ನಿಯಮಗಳ ಪ್ರಕಾರ ಮೊದಲು ವಿಸ್ತೃತ ಚರ್ಚೆ ನಡೆಯಬೇಕು, ಆ ನಂತರವೇ ಗೃಹ ಸಚಿವನಾಗಿ ನಾನು ಉತ್ತರ ನೀಡಲು ಸಾಧ್ಯ ಎಂದು ಸ್ಪಷ್ಟಪಡಿಸಿದ್ದಾರೆ (ಏಜೆನ್ಸೀಸ್).