2,000 ಕ್ಕೆ ಒಂದು ದಿನ ಜೈಲು ವಾಸ: ಖೈದಿಗಳ ತಟ್ಟೆ, ಅದೇ ಊಟ; 'ಜೈಲ್​ ಅನುಭವಂ' ತೆಲಂಗಾಣ ಸರ್ಕಾರದಿಂದ ವಿಶಿಷ್ಟ ಯೋಜನೆ ಜಾರಿ! Jail Anubhavham

ಹೈದರಾಬಾದ್​: ಜೈಲು, ಸೆರೆಮನೆ ಈ ಶಬ್ದಗಳನ್ನು ಕೇಳಿಸಿಕೊಂಡಾಗ ಅದೊಂದು ನರಕ, ಅದು ಸಮಾಜಘಾತುಕರು ಇರುವ ಸ್ಥಳ. ನ್ಯಾಯಾಲಯದಿಂದ ಶಿಕ್ಷೆಗೆ ಒಳಗಾದ ಅಪರಾಧಿಗಳ ನಿವಾಸ ಎಂಬೆಲ್ಲಾ ವಿಚಾರಗಳು ನಮ್ಮ ತಲೆಗೆ ಬರುತ್ತದೆ.

ಹಾಗೆಯೇ ಈ ಜೈಲು ಹೇಗಿರುತ್ತದೆ? ಅಲ್ಲಿ ಖೈದಿಗಳು ಹೇಗೆ ವಾಸಿಸುತ್ತಾರೆ? ನಾವು ಒಂದು ದಿನದ ಮಟ್ಟಿಗೆ ಜೈಲಿನಲ್ಲಿ ಇದ್ದರೆ ಹೇಗಿರುತ್ತದೆ? ಎಂಬ ಯೋಚನೆಗಳು ಬಹುತೇಕರ ಮನಸ್ಸಿನಲ್ಲಿ ಬಂದಿರುತ್ತದೆ.

ಈಗ ಈ ರೀತಿಯ ಯೋಚನೆಗಳನ್ನೇ ಬಂಡವಾಳ ಮಾಡಿಕೊಂಡಿರುವ ತೆಲಂಗಾಣ ಸರ್ಕಾರ, 'ಜೈಲ್​ ಅನುಭವಂ' (Jail Anubhavham) ಫೀಲ್​ ದಿ ಜೈಲ್​ (Feel The Jail) ಎನ್ನುವ ವಿಶಿಷ್ಟ ಯೋಜನೆನ್ನು ರೂಪಿಸಿದ್ದು, ಇದರ ಪ್ರಕಾರ ಕೇವಲ 2,000 ರೂಪಾಯಿಗಳನ್ನು ಪಾವತಿಸಿ ಒಂದು ದಿನ ಜೈಲಿನಲ್ಲಿ ವಾಸಿಸುವ ಅವಕಾಶವನ್ನು ಪಡೆಯಬಹುದಾಗಿದೆ.

ಈ ಯೋಜನೆಗೆ ಜೈಲ್​ ಅನುಭವಂ ಎಂಬ ಹೆಸರನ್ನು ಇಡಲಾಗಿದ್ದು, 1,000 ರೂಪಾಯಿ ನೀಡಿದರೆ 12 ಗಂಟೆ ಹಾಗೂ 2,000 ರೂಪಾಯಿ ನೀಡಿದರೆ 24 ಗಂಟೆಗಳ ವರೆಗೆ ಜೈಲಿನಲ್ಲಿ ಸಮಯ ಕಳೆಯ ಬಹುದಾಗಿದೆ.

ಈ ಯೋಜನೆಯಲ್ಲಿ ಪಲ್ಗೊಳ್ಳುವ ನಾಗರಿಕರಿಗೆ ಬೆಡ್​ಶೀಟ್​, ತಟ್ಟೆ, ಕುಡಿಯುವ ನೀರಿನ ಜೊತೆಗೆ ಜೈಲಿನಲ್ಲಿ ಕೈದಿಗಳು ಏನನ್ನು ತಿನ್ನುತ್ತಾರೋ ಅದನ್ನೇ ಭೋಜನವಾಗಿ ನೀಡಲಾಗುತ್ತದೆ ಎಂದು ತಿಳಿದು ಬಂದಿದೆ.

ನಮ್ಮ ಜನರಲ್ಲಿ ಒಂದು ತಪ್ಪು ಕಲ್ಪನೆಯಿದೆ, ಜೈಲು ಎನ್ನುವುದು ಕೇವಲ ತಪ್ಪು ಮಾಡಿದವನಿಗೆ ಶಿಕ್ಷೆ ನೀಡಲು ಇರುವ ಸ್ಥಳವೆಂದು. ಆದರೆ ಕಾನೂನಿನ ಪ್ರಕಾರ ಜೈಲು ಇದು ಖೈದಿಯ ಮನಪರಿವರ್ತನೆಗೆ ಇರುವ ಸ್ಥಳ ಎಂದು ಕರೆಯಲಾಗುತ್ತದೆ.

ಆದ್ದರಿಂದ, ನಾಗರಿಕರಿಗೆ ಒಂದು ದಿನದ ಖೈದಿಯಾಗಲು ಚಂಚಲಗುಡದ ಕೇಂದ್ರ ಕಾರಾಗೃಹದಲ್ಲಿ ಅವಕಾಶ ಕಲ್ಪಿಸಿದ್ದು, ಇಲ್ಲಿರುವ ಕುಖ್ಯಾತ ಖೈದಿಗಳಿಗೆ, ಮಹಿಳೆ ಹಾಗೂ ಪುರುಷರಿಗೆ ಅಂತಯೇ ಈ ಯೋಜನೆಯಡಿ ಜೈಲು ಸೇರುವ ಜನರಿಗೆ ಪ್ರತ್ಯೇಕ ಬ್ಯಾರಕ್​ಗಳ ವ್ಯವಸ್ಥೆ ಮಾಡಲಾಗಿದೆ ಎಂದು ಜೈಲು ಸಿಬ್ಬಂದಿ ತಿಳಿಸಿದ್ದಾರೆ, (ಏಜನ್ಸೀಸ್​).