ಹೈದರಾಬಾದ್: ಹೈದರಾಬಾದ್ನ ಐಕಾನಿಕ್ ಎಂದೇ ಫೇಮಸ್ ಆಗಿರುವ ಅನ್ನಪೂರ್ಣ ಸ್ಟೂಡಿಯೋದಲ್ಲಿ ಸೌತ್ ಸ್ಟಾರ್ ಅಕ್ಕಿನೇನಿ ನಾಗಚೈತನ್ಯ- ಸೋಭಿತಾ ಧೂಳಿಪಾಳ(Naga Chaitanya & sobhita Dhulipala) ಇದೇ ಡಿ.4 ರಂದು ಮದುವೆ ನಡೆಯಲಿದೆ. ಹೊಸ ದಾಂಪತ್ಯ ಜೀವನಕ್ಕೆ ಕಾಲಿಡಲಿಡುವ ಈ ಇಬ್ಬರ ಬಹು ನಿರೀಕ್ಷಿತ ಮದುವೆಗೆ ಟಾಲಿವುಡ್ ಅಂಗಳದಲ್ಲಿ ಕ್ಷಣಗಣನೆ ಶುರುವಾಗಿದೆ.
ಇದೆಲ್ಲದರ ನಡುವೆ ಇತ್ತೀಚಿಗಷ್ಟೇ ನಾಗಚೈತನ್ಯ ಅವರ ತಮ್ಮ ಅಖಿಲ್ ಅಕ್ಕಿನೇನಿ ಮತ್ತು ಝೈನಬ್ ರಾವಡ್ಜಿ ಜತೆ ಸದ್ದಿಲ್ಲದೆ ನಿಶ್ಚಿತಾರ್ಥ ನಡೆದಿದೆ. ಇವರಿಬ್ಬರ ನಡುವೆ 9 ವರ್ಷಗಳ ನಡುವೆ ಅಂತರವಿದ್ದು, ಇಷ್ಟು ಚಿಕ್ಕ ವಯಸ್ಸಿನ ಹುಡುಗಿಯನ್ನು ಅಖಿಲ್ ಮದುವೆಯಾಗುತ್ತಿದ್ದರಾ? ಎಂದು ಅಭಿಮಾನಿಗಳು ಮತ್ತು ನೆಟ್ಟಿಗರು ಸಾಮಾಜಿಕ ಜಾಲತಾಣದಲ್ಲಿ ಹೊಸ ಚರ್ಚೆ ಮಾಡುತ್ತಿದ್ದಾರೆ. ಇದರ ಬೆನ್ನಲ್ಲೇ ನಾಗಚೈತನ್ಯ- ಸೋಭಿತಾ ವಯಸ್ಸಿನ ಅಂತರದ ಬಗ್ಗೆ ಕೂಡ ಬಿಸಿ ಬಿಸಿ ಚರ್ಚೆ ಮುನ್ನೆಲೆಗೆ ಬಂದಿದೆ.
ನಾಗಚೈತನ್ಯ- ಸೋಭಿತಾ ಧೂಳಿಪಾಳ ಅವರ ವಯಸ್ಸಿನ ಅಂತರ ಅಜಗಜಾಂತರ ವ್ಯತ್ಯಾಸ ಇಲ್ಲ. ಇಬ್ಬರ ನಡುವೆ 6 ವರ್ಷಗಳ ಅಂತರವಿದೆ. 1986ರ ನ.23 ರಂದು ಜನಿಸಿದ ಚೈತನ್ಯ, 38 ವರ್ಷ ತುಂಬಿದೆ. ಅದರಂತೆ 1992ರ ಮೇ.23 ರಂದು ಹುಟ್ಟಿದ ಸೋಭಿತಾ 32 ವರ್ಷ ಆಗಿದೆ. ಇಬ್ಬರ ನಡುವೆ ಅಂತಹ ವಯಸ್ಸಿನ ವ್ಯತ್ಯಾಸ ಇರದಿದ್ದರೂ ನೆಟ್ಟಿಗರು ಮಾತ್ರ ಸೋಷಿಯಲ್ ಮೀಡಿಯಾದಲ್ಲಿ ವಯಸ್ಸಿನ ಬಗ್ಗೆ ಚರ್ಚೆ ಹುಟ್ಟು ಹಾಕಿದ್ದಾರೆ.
ಇನ್ನು ಈಗಾಗಲೇ ವಧು ವರ ಕುಟುಂಬಗಳು ಹೈದರಾಬಾದ್ನಲ್ಲಿ ನಿಶ್ಚಿತಾರ್ಥ ಮುಗಿಸಿಕೊಂಡು, ಸೋಭಿತಾ ತವರು ಮನೆ ವಿಶಾಖಪಟ್ಟಂನಲ್ಲಿ ತೆಲುಗು ಸಾಂಪ್ರದಾಯದಂತೆ 'ಪಸುಪು ದಂಚನಂ'(ಹರಿಶಿನಿ ಕಾರ್ಯ) ಮತ್ತು 'ಜಿಲಾಕರ್ರ ಬೆಲ್ಲಂ' ಸೇರಿದಂತೆ ಮದುವೆಯ ಮುನ್ನ ನಡೆಯುವ ವಿವಿಧ ಶಾಸ್ತ್ರಗಳು ನೆರವೇರಿವೆ. ಡಿ.4ರಂದು ಈ ಇಬ್ಬರ ಜೋಡಿ ದಾಂಪತ್ಯ ಜೀವನಕ್ಕೆ ಕಾಲಿಡಲಿದ್ದಾರೆ.
ಸೋಭಿತಾ ಅವರ ಕುಟುಂಬದ ಸದಸ್ಯರು ಸೇರಿದಂತೆ ಅಕ್ಕಿನೇನಿ ಮತ್ತು ದಗ್ಗುಬಾಟಿ ಕುಟುಂಬ ಸದಸ್ಯರು ಭಾಗವಹಿಸಲಿದ್ದಾರೆ. ಜತೆಗೆ ಸಿನಿ ರಂಗದ ಪ್ರಮುಖರು ಮಾತ್ರ ಪಾಲ್ಗೊಳಲಿದ್ದಾರೆ ಎನ್ನಲಾಗಿದೆ.(ಏಜೆನ್ಸೀಸ್)