ನವದೆಹಲಿ: ಎಂಜಿ ಮೋಟಾರ್ ಇಂಡಿಯಾ ಇಂದು ತನ್ನ ಎರಡನೇ ಎಲೆಕ್ಟ್ರಿಕ್ ವಾಹನವಾದ ಎಂಜಿ ಕಾಮೆಟ್ ಇವಿ ಅನ್ನು 7.98 ಲಕ್ಷ ರೂಪಾಯಿಗಳ (ಎಕ್ಸ್-ಶೋರೂಂ) ಆರಂಭಿಕ ಬೆಲೆಯಲ್ಲಿ ಬಿಡುಗಡೆ ಮಾಡಲಾಗಿದ್ದು, ಇದು ದೇಶದಲ್ಲಿ ಅತ್ಯಂತ ಅಗ್ಗದ ಎಲೆಕ್ಟ್ರಿಕ್ ಕಾರ್ ಆಗಿದೆ. ಟಾಟಾ ಟಿಯಾಗೊ ಇವಿ ಯ ಬೆಲೆ 8.69 ಲಕ್ಷ ಮತ್ತು 11.99 ಲಕ್ಷ (ಎಕ್ಸ್ ಶೋ ರೂಂ), ಮತ್ತು Citroen e-C3 ಬೆಲೆ 11.50 ಲಕ್ಷದಿಂದ 12.43 ಲಕ್ಷ (ಎಕ್ಸ್ ಶೋ ರೂಂ) ವರೆಗೆ ಇರುತ್ತದೆ.
ಎಂಜಿ ಕಾಮೆಟ್ ಇವಿ ಟೆಸ್ಟ್ ಡ್ರೈವ್ಗಳು ನಾಳೆ ಅಂದರೆ ಏಪ್ರಿಲ್ 27 ರಂದು ಪ್ರಾರಂಭವಾಗಲಿದೆ. ಎಂಜಿ ಕಾಮೆಟ್ ಇವಿ ಬುಕಿಂಗ್ಗಳು ಮೇ 15ರಂದು ಪ್ರಾರಂಭವಾಗಲಿದ್ದು, ವಿತರಣೆ ಮೇ ತಿಂಗಳಿನಿಂದ ಆಯ್ದ ಮಾರುಕಟ್ಟೆಗಳಲ್ಲಿ ಪ್ರಾರಂಭವಾಗುತ್ತದೆ.
ಈ ಎಲೆಕ್ಟ್ರಿಕ್ ಕಾರಿನ ಗಾತ್ರ ಮಾತ್ರವೇ ನೋಡಲು ಹೋಗಬೇಡಿ. ಇದು ಪುಟ್ಟದಾದರೂ ಅನೇಕ ವೈಶಿಷ್ಟ್ಯಗಳನ್ನು ಹೊಂದಿದೆ . ಹೊರಭಾಗಗಳು LED ಹೆಡ್ಲ್ಯಾಂಪ್ಗಳು ಮತ್ತು ಟೈಲ್ಲ್ಯಾಂಪ್ಗಳನ್ನು ಹೊಂದಿದ್ದು, ಜತೆಗೆ ಪ್ರಕಾಶಿತ ಎಂಜಿ ಲೋಗೋ (ಮುಂಭಾಗ), ಮುಂಭಾಗ ಮತ್ತು ಹಿಂಭಾಗದ ಸಂಪರ್ಕಿಸುವ ದೀಪಗಳು, ORVM ಗಳಲ್ಲಿ LED ಟರ್ನ್ ಸೂಚಕಗಳು ಮತ್ತು 12-ಇಂಚಿನ ಚಕ್ರಗಳನ್ನು ಹೊಂದಿದೆ. ಕಾರ್ ಡ್ಯುಯಲ್-ಟೋನ್ ಸ್ಪೇಸ್ ಗ್ರೇ ಇಂಟೀರಿಯರ್ಗಳನ್ನು ಹೊಂದಿದೆ. ಲೆದರ್-ರಾಪ್ಡ್ ಸ್ಟೀರಿಂಗ್ ವೀಲ್, ಫ್ಯಾಬ್ರಿಕ್ ಸೀಟ್ ಅಪ್ಹೋಲ್ಸ್ಟರಿ ಮತ್ತು 50:50 ರಿಯರ್ ಸ್ಪ್ಲಿಟ್ ಸೀಟ್ಗಳಂತಹ ವೈಶಿಷ್ಟ್ಯಗಳನ್ನು ಹೊಂದಿದೆ.
ಎಲ್ಲಾ ಇತರ ಎಂಜಿ ಕಾರುಗಳಂತೆ, ಕಾಮೆಟ್ ಇವಿ ಸಹ ಸ್ಮಾರ್ಟ್-ಟೆಕ್ ವೈಶಿಷ್ಟ್ಯಗಳಲ್ಲಿ ಹೆಚ್ಚಿನ ಅಂಕಗಳನ್ನು ಗಳಿಸುತ್ತದೆ. ಇದು ಸಂಪೂರ್ಣ-ಡಿಜಿಟಲ್ 10.25-ಇಂಚಿನ ಇನ್ಸ್ಟ್ರುಮೆಂಟ್ ಕ್ಲಸ್ಟರ್, 10.25-ಇಂಚಿನ ಟಚ್ಸ್ಕ್ರೀನ್ ಇನ್ಫೋಟೈನ್ಮೆಂಟ್ ಸಿಸ್ಟಮ್, ವೈರ್ಲೆಸ್ ಆಂಡ್ರಾಯ್ಡ್ ಆಟೋ ಮತ್ತು ಆಪಲ್ ಕಾರ್ ಪ್ಲೇ, 2-ಸ್ಪೋಕ್ ಮಲ್ಟಿ-ಫಂಕ್ಷನ್ ಸ್ಟೀರಿಂಗ್ ವೀಲ್, ಫ್ರಂಟ್ ಪವರ್ ವಿಂಡೋಸ್, ಒನ್-ಟಚ್ ಸ್ಲೈಡ್ ಮತ್ತು ರೆಕ್ಲೈನ್ ಪ್ಯಾಸೆಂಜರ್ ಸೀಟ್ ಅನ್ನು ಹೊಂದಿದೆ. ಕೀ ರಹಿತ ಪ್ರವೇಶ, ಟಿಲ್ಟ್ ಸ್ಟೀರಿಂಗ್ ಮತ್ತು ಮ್ಯಾನುಯಲ್ ಎಸಿಯನ್ನೂ ಇದು ಹೊಂದಿದೆ. ಮುಂಭಾಗದಲ್ಲಿ 12V ಪವರ್ ಔಟ್ಲೆಟ್ ಜೊತೆಗೆ 3 USB ಫಾಸ್ಟ್ ಚಾರ್ಜಿಂಗ್ ಪೋರ್ಟ್ಗಳಿವೆ. ಇದಲ್ಲದೆ, ಕಾಮೆಟ್ ಇವಿ ಐ-ಸ್ಮಾರ್ಟ್ ತಂತ್ರಜ್ಞಾನದೊಂದಿಗೆ ಸಂಪರ್ಕ ಹೊಂದಿರುವ ಕಾರಾಗಿದ್ದು, 55 ಕ್ಕೂ ಹೆಚ್ಚು ವೈಶಿಷ್ಟ್ಯಗಳನ್ನು ನೀಡುತ್ತದೆ. (ಏಜೆನ್ಸೀಸ್)