ಉತ್ತರಪ್ರದೇಶ: ಇಲ್ಲಿ ಹನ್ನೊಂದು ಕೊಠಡಿಗಳ ವಿಶಿಷ್ಟವಾದ ಮನೆಯೊಂದಿದೆ. ಮನೆ ಎಂದರೆ ಸಾಮಾನ್ಯವಾಗಿ ನೆಲದ ಮೇಲೇ ಇರುತ್ತದೆ. ಆದರೆ ಇದು ಅವೆಲ್ಲಕ್ಕಿಂತಲೂ ಭಿನ್ನ, ಏಕೆಂದರೆ ಎರಡು ಅಂತಸ್ತಿನ ಈ ಮನೆ ನೆಲದಡಿಯಲ್ಲಿದೆ.
ಉತ್ತರಪ್ರದೇಶದ ಹರ್ದೋಯಿ ಎಂಬಲ್ಲಿ ಪಪ್ಪು ಬಾಬಾ ಎಂದೂ ಕರೆಯಲಾಗುವ ಇರ್ಫಾನ್ ಎಂಬ ವ್ಯಕ್ತಿ ಈ ಮನೆ ನಿರ್ಮಿಸಿದ್ದಾನೆ. ಅಷ್ಟಕ್ಕೂ ಈ ಮನೆ ನಿರ್ಮಿಸಲು ಅವನಿಗೆ ತಗುಲಿದ ಸಮಯದ ಬಗ್ಗೆ ಕೇಳಿದವರು ಒಮ್ಮೆ ಹುಬ್ಬೇರಿಸಿದರೂ ಅಚ್ಚರಿ ಇಲ್ಲ. ಕಾರಣ, ಇದರ ನಿರ್ಮಾಣಕ್ಕೆ ಬರೋಬ್ಬರಿ 12 ವರ್ಷಗಳು ಬೇಕಾಗಿವೆ.
ಇದನ್ನೂ ಓದಿ: ಈಕೆಯ ಕೈ ಸ್ಕ್ಯಾನ್ ಮಾಡಿದ್ರೆ ಸಾಕು ಹಣ ಕಳಿಸಿಕೊಡಬಹುದು; ಇದಕ್ಕಿಂತ ‘ಡೈರೆಕ್ಟ್ ಟ್ರಾನ್ಸ್ಫರ್’ ಅಸಾಧ್ಯ ಅನಿಸುತ್ತೆ!
ಈತನ ಪಾಲಿಗೆ ಇದು ಅರಮನೆಯೇ ಆಗಿದ್ದು, ಇದರಲ್ಲಿ 11 ಕೊಠಡಿಗಳಿವೆ. ಜತೆಗೆ ಒಂದು ಬಾಲ್ಕನಿ ಮಾತ್ರವಲ್ಲದೆ, ಬಾವಿ ಕೂಡ ಇದೆ. ಅಲ್ಲದೆ ಇದರೊಳಗೆ ಮಸೀದಿ ಕೂಡ ಇದೆ. ಅಂದಹಾಗೆ ಈತ 2011ರಲ್ಲಿ ಈ ಮನೆಯಲ್ಲಿ ಕಟ್ಟಿಸಲು ಆರಂಭಿಸಿದ್ದು, ಇನ್ನೂ ನಿರ್ಮಾಣ ಪೂರ್ಣಗೊಂಡಿಲ್ಲ ಎಂದು ಹೇಳಿಕೊಂಡಿದ್ದಾನೆ. -ಏಜೆನ್ಸೀಸ್